Remarja 13:6 - O Debleskro Drom 2021 (Sinte)

⁶ Dran kowa denn tumer ninna kol themeskre lowe, hoi o themeskre pralstune tumendar kamenna. Te mangenn le kol lowe tumendar, krenn le koi budi, hoi o Dewel len das.

O Debleskro Lab 2024 (Sinte-Manouche)

⁶ Dran kova denn t'mer ninna kol themeskre love, hoy o themeskre pralstoune t'mendar kamenna. Te mangenn le kol love t'mendar, krenn le koy boudi, hoy o Devel len das.

Remarja 13:6 ပူးပေါင်းရင်းမြစ်များ

2. Samuel 8:5

Koi wan kol Syrarja dran o them Damaskus pash o Hadad-Eser, ko baro rai pral o them Zoba, te wenn le leske ap i rig. Un o David maras lendar 22.000 (biish-te-dui-serja) murshen.

1. Familjakro liil 18:14

Jaake his o David baro rai pral o tselo them Israel, un kras, te lell hakeno peskro tchatchepen.

Esra 4:13

Mer halauter hunte penas o baro rajeske: Kau foro te well newes kerdo, un i massurja hi pale tardo, denn i menshe buder kek themeskre lowe, witar kek foreskre lowe, un wawar koowa witar gar. Kek lowe wenn kolendar pash maro rajeste.

Esra 4:20

Ninna his sorele bare raja an o foro Jerusalem, kai his i raja pral halauter, hoi ap i wawar rig o panjestar Eufrat djiwella, jaake kai was lenge hunte themeskre lowe dino, ninna foreskre lowe un wawar koowa.

Esra 6:8

Me mukau tumenge ninna te penell, hoi tumer lengre pralstunen hunte denn, te nai well o Debleskro kheer pale pre-tchiddo. Lenn dran o rajeskro brawlepen kol lowendar, hoi dren well pash tumende ap i wawar rig o panjestar Eufrat, un denn len jaake bud, hoi len hunte well, te hi len hako tsiro doha halauterestar.

Nehemia 5:4

Un pale wawar penan: “Mer hunte patsam menge lowe ap mari hachetikri phub un ap maro drakengro them, te nai plaissras kol themeskre lowe o baro rajeske.”

Louka 23:2

Un jon anan bud koowa ap leste pre, un penan: “Kau mursh kras mare menshen diwjo. Job penas, te das mer o baro rajeste an o foro Rom buder kek lowe. Un job penas ninna, kai hi lo o Kristo, ko baro rai, kolestar o Dewel penas, te well job.”

Remarja 12:8

Pale wawar haiwenn i patslen an o dji te rakrell, te krenn le len soreles an lengro patsepen. Kolla hunte krenn kowa. Pale wawar denn i tchorwelende tchomone. Koon kowa krella, hunte krell les dran i latcho dji. Kote, kai i patsle khetne wenna, hi ninna pralstune pral lende. Kolla hunte krenn pengri budi o tselo djijestar. Wawar patsle rikrenn pen ap i rig kolendar, kai djal lenge gar mishto. Koon kowa krella, hunte krell les i bachtelo djijeha.

Remarja 13:5

Doleske hunte shuness ap lende, gar kokres dran i daar glan i phagi, na-a, ninna dran tiro dji, hoi tuke penell, te kress tu o latchepen.

Remarja 13:7

Denn hakeneste kowa, hoi leske hi: themeskre lowe, ninna wawar lowe, hoi jon tumendar mangenna. Shunenn ap kolende, kai hi len penepaske, un dikenn pre ap lende!