Remarja 12:6 - O Debleskro Drom 2021 (Sinte)

⁶ O Dewel das hakenes mendar i wawar budi leske te krell, jaake har job an peskro latchepen les mishto rikras. Koi hi sawe patsle, kai penenn i menshenge i lab, hoi o Deblestar wella. Koi budi hunte krenn le jaake, har maro patsepen penella.

O Debleskro Lab 2024 (Sinte-Manouche)

⁶ O Devel das hakenes mendar i vavar boudi leske te krell, yaake har yob an peskro lačepen les mishto rikras. Koy hi save patsle, kay penenn i menshenge i lab, hoy o Deblestar vella. Koy boudi hounte krenn le yaake, har maro patsepen penella.

Remarja 12:6 ပူးပေါင်းရင်းမြစ်များ

Mateo 23:34

Shunenn, bitchrau pash tumende mire rakepangren, mire gosewe murshen, un mire tchatchepangren. Kolen denn tumer ap o trushel, marenn len, un denn len dawa an tumare kangria. Un tumer lenn len palla an hako foro.

Mateo 25:22

Un ko budepaskro, kai las lestar dui gone pherdo rup, kowa djas ninna pash leste, un penas: Mo rai, dui gone dal man. Un dik, me lom dui wawar gone pashel.

Louka 11:49

O Dewel djinas kowa. Doleske penas lo glan i rah tsiro: Me bitchrau mire rakepangren un mire bitchepangren pash lende. Un mashkral lende hi sawe mursha, kai wenn lendar maredo, un wawar wenn palla lino.

Bičepangre 13:1

Mashkral i patslende an o foro Antiochia his Debleskre rakepangre un sikepangre. Kolla his o Barnabas un o Simon, ap koleste penan le Kalo, ninna o Lucio dran o foro Kirene, un o Manaen. Kowa his i maal o baro rajestar Herodes Antipas. Un o Saulo his ninna mank lende.

Bičepangre 15:32

O Judas un o Silas his o Debleskre rakepangre. Jon rakran kol patslentsa, un mangan len, te atchenn le an o patsepen. Un lengre labentsa dan jon len soor, te djan jon dureder ap o Jesuseskro drom.

Bičepangre 2:17

Ko tsiro wella, penell o Dewel, kai me tchiwau miro Debleskro Ducho ap i tsele menshende. Un tumare tchawe un tcha dikenn nai glan-wi, hoi wella. Un i terne mursha dikenn kowa, hoi o Dewel len sikrell, un i phure mursha denn suni.

Bičepangre 21:9

Koles his star tcha, kai gar romedino his. Kolla tcha his pherdo Debleskro Ducho, un jon penan i patslenge, hoi o Dewel lende sikras.

Remarja 1:11

O tselo djijeha kamau tumen te dikell, te nai sikrap tumende, hoi o Debleskro Ducho mande sikras, te krap tumaro patsepen soreles.

Remarja 12:3

O Dewel his latcho ap mande, un das man miri budi, te penap leskro lab. Doleske penau hakeneske tumendar: Kek te hadell pes pral o wawareste un rikrell pes bareder un feteder! Hakeno las peskro patsepen o Deblestar. Doleske hunte well lo gosewo, te dikell lo un te haiwell lo, hoi les o Deblestar dino was.

1. Korintarja 12:18

O Dewel tchiwas hako kotar jaake an o mensheste, har job kamas.

1. Korintarja 13:2

Te wals man gar o Debleskro kamlepen an o dji, palle molals ninna kowa tchi, te penoms me i menshenge, hoi o Dewel mande sikras. Te wals man gar o Debleskro kamlepen an o dji, palle molals ninna kowa tchi, te djinoms halauter, hoi i wawar gar djinenna un te haiwoms ko tselo Debleskro drom. Te wals man gar o Debleskro kamlepen an o dji, palle molals ninna kowa tchi, te wals man jek sorelo patsepen, te penoms ap i berge: ‘Hadenn tumen’, un jon hadenna pen.

1. Korintarja 14:1

Krenn lauter, te lenn o Debleskro kamlepen an tumaro dji! Un rodenn i tselo djijestar kol sorja, hoi o Debleskro Ducho an tumende tchiwella, te nai budrenna o Debleske! Budeder har hako wawar koowa rodenn koi pal, te penenn nai i menshenge i lab, hoi wella o Deblestar.

1. Korintarja 14:24

Hi wawartchandes, te lell hakeno i lab o Deblestar, un penell les glan i wawarende, un koi wella jek, kai gar patsella un o tselo koowa gar prindjrella, koleske djal lauter an leskro dji, un leske djan i jaka pre pral peskri doosh.

1. Korintarja 14:29

Kolla, kai penenna i menshenge i lab, hoi o Deblestar wella, kolendar mukenn te rakrenn dui te triin! Un kol wawar denn garda, te hi kowa tchatcho, hoi rakedo wella!

1. Korintarja 3:5

Dikenn, koon hi o Apollo, un koon hom me, o Paulo! O Debleskre budepangre ham mer un kram, kai wan tumer patslo. Hakeno mendar kras koi budi, har o Dewel leste das.

1. Korintarja 7:7

Ninna te kamoms, te wals hakeno gar romedino, jaake har me gar romedino hom, kowa djal gar. Mer ham gar jek har o wawar. Jaake har o Dewel kamella, hi jek romedino un ko wawar romedinerell gar.

2. Korintarja 8:12

Te dell jek o djijestar jaake bud har nai dell lo, dikell o Dewel latches ap leste. Job kamell gar, te dell lo budeder, har les hi.

Efesarja 3:5

An o phuro tsiro djinan i menshe kowa gar. Kanna djinenn les o Debleskre bitchepangre un rakepangre. Lenge tchiwas les o Debleskro Ducho an o dji.

Efesarja 4:11

Job hi kowa, kai das i patslen pengri budi. Koi hi kolla, kolen job bitchras, te penenn le i menshenge lestar. Wawar rakrenna, hoi job lenge an o dji tchiwas, hoi kek wawar djinella. Wawar anenn kol menshen, kai gar patslo hi, pash o Jesus Kristeste. Pale wawar rikrenn i patslen khetne, un sikrenn lende o Debleskro drom.

Filiparja 3:15

Koon prindjrell kowa lauter, hunte djiwell jaake. Te haiwell jek tumendar tchomone wawartchandes, pale sikrell les o Dewel, har kowa tchatcho hi.

1. Tessalonikarja 5:20

Shunenn ap kol laba, hoi o Dewel i patsleske an o dji tchiwas!

2. Petro 1:20

Un kowa hunte djinenn tumer: Kek Debleskro rakepaskro rakras nai pestar Debleskre laba.