Remarja 12:3 - O Debleskro Drom 2021 (Sinte)

³ O Dewel his latcho ap mande, un das man miri budi, te penap leskro lab. Doleske penau hakeneske tumendar: Kek te hadell pes pral o wawareste un rikrell pes bareder un feteder! Hakeno las peskro patsepen o Deblestar. Doleske hunte well lo gosewo, te dikell lo un te haiwell lo, hoi les o Deblestar dino was.

O Debleskro Lab 2024 (Sinte-Manouche)

³ O Devel his lačo ap mande, oun das man miri boudi, te penap leskro lab. Doleske penau hakeneske t'mendar: Kek te hadell pes pral o vavareste oun rikrell pes bareder oun feteder! Hakeno las peskro patsepen o Deblestar. Doleske hounte vell lo gosevo, te dikell lo oun te hayvell lo, hoy les o Deblestar dino vas.

Remarja 12:3 ပူးပေါင်းရင်းမြစ်များ

Gosewe laba 25:27

Bud gwin hi gar mishto. Jaake hi ninna, te shareh tu i wawares bud shukar labentsa.

Gosewe laba 26:12

I dinelo nai well sikeder gosewo har jek, kai pestar kokres patsell, te hi lo gosewo.

Sikepaskro 7:16

Ma rike o tchatchepen sorleder dren har tchinlo hi! Un ma kre tut gosweder har hal! Hoske kameh tut paash te krell?

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Louka 18:11

Ko Farisari tchiwas pes tardo un penas: Mo Dewel, me parkrau man pash tute, te hom gar jaake har kal wawar menshe: tchorepangre, chochene, un har kolla, kai chochenn pengri romjat i wawar djuwjah, un gar jaake har kowa, kai koi wergel tardo hi: Ko pale-tchiddo.

Johanni 3:34

Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale.

Remarja 1:5

Job das man koi Debleskri budi te djap pash i menshende an i tsele themma. Job bitchras man, te penap lenge, te patsenn le ap leste un shunenn ap leste.

Remarja 11:20

Kowa hi tchatcho. I bibolde patsan gar o Debles. Jaake hi le har kol kashta, hoi wan tele tchinlo. Tumer han har wawar kashta, hoi wan dren tchiddo ap ko rukeste kokres dran tumaro patsepen. Doleske ma krenn tumen bares! Denn jak!

Remarja 11:25

Mire phrala, me kamau tumenge i baro tchatchepen te penell, hoi djinenn i menshe gar. Te djinenn tumer kowa, palle penenn tumer gar: “Har gosewo ham mer!” Tumer hunte djinenn, hoske hi bud bibolden i dji dran bar, un patsenn gar ap o Jesus Kristeste. Kowa atchella jaake rah, bis te wan kol tsele menshe dran i wawar themma ap o Jesuseskro drom, kolendar o Dewel kamell, te wenn le pash leste.

Remarja 12:16

Awenn tumen jek dji un jek djipen! Ma krenn tumen bares! Awenn i mala kolendar, ap kolende i wawar tele dikenna! Ma penenn, te han kokres gosewo!

1. Korintarja 15:10

O Dewel kamas an peskro baro latchepen, te wap me kowa, hoi me kanna hom. Un leskro baro latchepen, hoi job man das, his gar tchitcheske. Me budrom budeder har kol tsele wawar. Gar me kokres, o Debleskro latchepen an mande budras mantsa, te krap nai koi budi.

1. Korintarja 3:10

O Dewel his latches ap mande un das man i budi, te budrap ap ko kheer. Jaake tchiwom me i telstune barra. Me krom kowa, har i gosewo budepaskro, koon haiwella khera te krell. Ap kol telstune barra tchiwell i wawar budepaskro wawar koowa pre. Hakeno hunte dell garda, hoi job pre tchiwella.

1. Korintarja 7:17

Kowa, hoi tumenge kanna penau, penau me i tsele patslenge, kote, kai jon khetne wenna. Mer lauter hunte djiwas maro djipen ap koi platsa, kai maro rai Jesus men tchiwas, un hunte atchas koi pashel, hoi mer hams, har o Dewel men gole das:

2. Korintarja 10:13

Mer kamah men gar jaake bud sharell. Kokres pral koi budi, hoi das men o Dewel, sharah mer men. Un mari budi anas men pash tumende.

2. Korintarja 12:13

Me krom tumenge jaake bud, har krom ninna i wawar patslenge, kai an wawar forja khetne wenna. Jek koowa hi wawartchandes: Tumendar lom kek lowe. Te his kowa i doosh, mangau tumendar, bistrenn koi doosh!

2. Korintarja 12:7

O Dewel kamella, te wap gar pre-phurdo pral ko baro bolepaskro koowa, hoi mukas lo man te dikell. Doleske mukas o Dewel tchomone ap mande te well, hoi dukrell man har i subjengro kasht an miro mass. Kowa hi har te dals man i bengeskro kurepaskro dawa, te wap gar pre-phurdo.

Galatarja 6:3

Koon patsella, kai job feteder hi har ko wawar, un hi kowa gar, kowa chochell pes kokres.

Efesarja 3:4

Te drawerenn tumer miro liil, palle haiwenn, kai prindjrau kowa, hoi o Jesus Kristo menge kras.

Efesarja 4:16

Job rikrell len khetne jaake, te well jek patslo i wawareha khetne anlo. Un jek patslo hidjrell o wawares jaake, har les i soor hi. Mer te ham jaake kamlo, ko jek ap o wawareste, palle well o Debleskri familja baro un sorelo.

Filiparja 2:13

Job sikrell tumen, hoi job kamella. Ninna krell lo an tumende, te kamenn tumer kowa, hoi job kamella, un te nai krenn kowa ninna.

Kolossarja 1:29

Dran kowa budrau i tseli sorjah, hoi o Jesus Kristo an mande das.

Kolossarja 2:13

An o phuro tsiro, har tumer an o tchilatchepen djiwan, hans mulo o Debleske, un hans gar leskre menshe. Kanna kras o Dewel tumen o Jesus Kristeha djido, un las tumari tseli doosh tumendar.

1. Timoteo 1:14

Jaake latcho his o Jesus Kristo mange, te das lo man ninna o patsepen ap leste un o kamlepen i wawarenge.

1. Timoteo 2:15

I djuwel well sharedo, te lell li tchawen, un te patsell li ap o Jesuseste, un te hi lat o Debleskro kamlepen an lakro dji, un te djiwell li i djudjo djipen glan o Debleste un glan i menshende.

1. Timoteo 2:9

Ninna kamau, te riwell i djuwel kek wi-ladjede ripja. Te riwell li pes gar jaake, te dikell hakeno ap late. Lakro shukapen te well gar diklo an kowa, har joi peskre balla hidjrella, witar gar an o sonakai un wawar kutch koowa, witar gar an kutch ripja.

Tito 2:12

An peskro latchepen penell lo menge, te penas “na-a” ap lauter, hoi job gar kamella, te kras mer ko djungelo koowa gar, hoi kol wawar kate ap i phub krenna. Mer das jak, hoi krah, te djas ap o tchatcho drom, un te kras, hoi o Dewel kamella, jaake rah har mer djiwah ap kai phub.

Tito 2:2

Pen i phure murshenge, te penenn le kek dinelo koowa, te djiwenn le latches glan i menshende, te denn le jak, hoi jon rakrenna, te atchenn le an o tchatcho patsepen, te kamenn le i menshen o tselo djijestar, un te wenn le gar khino an o patsepen!

Tito 2:4

I terne djuwjenge hunte penenn le, te kamell hakeni peskro romes un pengre tchawen o djijestar,

Tito 2:6

Pen i terne murshenge soreles, te denn le jak, hoi jon rakrenna un krenna!

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.

1. Petro 1:13

Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!

1. Petro 4:7

Ko tsiro wella sik, kai tchi atchella, hoi kanna koi hi. Doleske denn garda, har tumer djiwenna, te rikrell tumen tchi pale, te rakrenn o Debleha!

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.

1. Petro 5:8

Denn garda, un awenn gar khino! O beng kamell tumen te marell. Un job djal trujel har i diwji bari margodja, hoi hi lat bok, un rodella, kones joi nai chal pre.

3. Johanni 1:9

Me tchinom i tikno liil ap i patslende, kai kote khetne wenna, kai hal. Jek lendar hi o Diotrefes. Kowa kamell o pralstuno mashkral lende te well, un shunell gar ap mande.