Remarja 11:6 - O Debleskro Drom 2021 (Sinte)

⁶ Kran jon latcho koowa? Un doleske rodas lo len win? Na-a! Te krals lo kowa, wals peskro kamlepen gar o tchatcho kamlepen.

O Debleskro Lab 2024 (Sinte-Manouche)

⁶ Kran yon lačo koova? Oun doleske rodas lo len vin? Na-a! Te krals lo kova, vals peskro kamlepen gar o čačo kamlepen.

Remarja 11:6 ပူးပေါင်းရင်းမြစ်များ

Louka 6:13

Har diwes was, das lo peskre malende gole, un rodas deesh-te-dujen lendar win, te wenn le leskre bitchepangre.

1. Korintarja 15:10

O Dewel kamas an peskro baro latchepen, te wap me kowa, hoi me kanna hom. Un leskro baro latchepen, hoi job man das, his gar tchitcheske. Me budrom budeder har kol tsele wawar. Gar me kokres, o Debleskro latchepen an mande budras mantsa, te krap nai koi budi.

Galatarja 2:21

Jaake tchiwrau o Debleskro latchepen gar ap i rig. Te djiwoms me pal o Moseskre laba, un kolla krans mange tchatcho glan o Debleste, meras o Jesus Kristo tchitcheske.

Galatarja 5:4

Koon mank tumende djiwell pal o Moseskre laba, te well lo tchatcho glan o Debleste, kowa mukas o Jesus Kristes. Leskro kamlepen hi buder gar leske koi.

2. Timoteo 1:9

Job las men dran o tchilatchepen win, un das men gole, te djiwas leha khetne. His gar dran maro latcho koowa, te das lo men gole. Na-a. Kowa his an leskro dji, te was lo menge latches. Har o bolepen un i phub gomme gar koi his, his an leskro dji, te bitchrell lo o Jesus Kristes menge ap i phub.

Tito 3:5

un anas men pash peste. Hams gar moldo, te kras job kowa. Ninna te kram gar latcho un tchatcho koowa, his o Debles i baro dji menge. Doleske thowas lo mari doosh mendar tele, un mer wam leskre tchawe. Kau newo djipen das men o Debleskro Ducho.