Remarja 11:2 - O Debleskro Drom 2021 (Sinte)

² Glan rah tsiro rodas o Dewel i Israelitarjen win, te wenn le leskre menshe. Doleske tchiwell lo len gar infam. Djinenn tumer gar, hoi an o Debleskro lab pral o Elija tchinlo was? Job was glan o Debleste, un rakras leha pral o tchilatchepen, hoi i Israelitarja kran.

O Debleskro Lab 2024 (Sinte-Manouche)

² Glan rah tsiro rodas o Devel i Israelitaryen vin, te venn le leskre menshe. Doleske čivell lo len gar infam. Djinenn t'mer gar, hoy an o Debleskro lab pral o Eliya činlo vas? Yob vas glan o Debleste, oun rakras leha pral o čilačepen, hoy i Israelitarya kran.

Remarja 11:2 ပူးပေါင်းရင်းမြစ်များ

1. Mose 44:15

Un o Josef penas ap lende: “Hawo tchilatcho koowa kran tumer? Djinenn gar, kai i rom har man, durkrell nai?”

Nehemia 9:30

Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

Debleskri gili 94:14

O baro Dewel tchiwell peskre menshen gar pale, un mukell gar len kokres.

2. Mose 32:1

Har dikan i menshe, kai o Mose i rah tsiro krik atchas, un gar buder koi berga tele was, wan le khetne pash o Aron un penan ap leste: “Dja, kre menge i dewel, kai djal glan mende! Mer djinah gar, hoi ko Moseha djas, kai anas men dran o them Egiptia win.”

Jeremia 31:37

O baro Dewel penell: Jaake har penell nai kek, har baro o bolepen hi, un kek nai penell, hoi an i telstuni phub hi, jaake nai witsrau me gar i Israelitarjen mandar koleske lautereske, hoi jon kran.

4. Mose 16:15

Koi was o Mose chojedo, un penas ap o baro Debleste: “Ma dik latches ap kowa, hoi jon tut denna! Me lom gar i burika lendar, un krom len kek tchilatchepen.”

Markus 12:26

Djinenn tumer gar, har an o Moseskro liil tardo hi, te wenn i mule pale djido. O Dewel penas ap o Moseste, har his job tardo pash o bur, hoi chatchas: Me hom o Abrahameskro Dewel un o Isaakeskro Dewel un o Jakobeskro Dewel.

Louka 4:1

Un o Jesus his pherdo Debleskro Ducho. Un job mukas o them pash o pani Jordan. Un o Debleskro Ducho anas les an o mulo them.

Johanni 4:11

“Romeha,” penas koi djuwel, “tut hi tchi, kai leh ko pani nai win. Un ko pani hi tel an i phub. Kai kameh tu ko pani, hoi dell o djipen, te lell?

Bičepangre 13:48

Har kolla, kai hi kek bibolde, kowa shunan, wan le bachtelo, un sharan o Debleskro lab. Un lauter kolla wan patslo, kai o Deblestar win rodedo wan, te lenn jon ko djipen, hoi gar pre-herella.

Bičepangre 15:18

O Dewel krell kowa kanna, hoi job glan i rah tsiro penas.”

Bičepangre 3:17

Me djinau, mire phrala, kai tumer djinan gar, hoi tumer koi kran o Jesuseha. Un tumare pralstune djinan kowa witar gar.

Bičepangre 7:40

Ap o Aron penan le: Kre menge i dewel, kai dell garda ap mende un sikrell mende o drom! Mer djinah gar, hoi djas o Moseske, kai anas men dran o them Egiptia win.

Remarja 6:16

Tumer djinenna: Koon tumaro rai hi, ap koleste hunte shunenn. Koleskre budepangre han tumer. Te shunenn tumer ap o tchilatchepen, palle hi o tchilatchepen o rai pral tumende, un tumer merenna. Te shunenn tumer ap o Debleste, palle krell lo tumen tchatcho.

Remarja 9:23

Kowa kras lo, te sikrell lo peskro baro railepen ap kolende, kai lan leskro kamlepen. Kolen rodas lo win, te djiwenn le leha khetne an leskro railepen.

Remarja 9:6

Kanna penau kate gar, te hi o Debleskro lab buder tchi moldo, hoi job ap i Israelitarja penas. Na-a! Hoi kamau te penell, hi kowa: I tsele Israelitarja hi gar lauter o Debleskre menshe.

1. Korintarja 6:2

Well jek tsiro, koi rakrenn i patsle o tchatchepen win pral i tsele menshende ap kai phub. Djinenn tumer kowa gar? Tumer te krenn o tchatchepen win pral kol tsele menshende ap kai phub, hoske nai rakrenn tumer kanna gar o tchatchepen win pral kol phralende, kai i tikno djungelo koowa kran?

1. Korintarja 8:3

Koon tchatchepah gosewo hi, kowa kamell o Debles o djijestar. Un o Dewel prindjrell les.

Filiparja 1:22

Me te atchau djido, nai sikrau budeder menshende o Jesuseskro drom. Doleske djinau gar, hoi budeder moldo hi.

Hebrearja 1:1

An o phuro tsiro rakras o Dewel bud kope jaake te jaake ap peskre rakepangre, un bitchras len pash mare phurende, te penenn le lenge leskre laba.

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!