Remarja 10:20 - O Debleskro Drom 2021 (Sinte)

²⁰ O Jesaja trashas gar te penell, hoi o Dewel pral lende penas: Me mukom man kolendar te hatsell, kai rodan man gar. Un sikrom man kolende, kai gar pal mande putchan.

O Debleskro Lab 2024 (Sinte-Manouche)

²⁰ O Yesaya trashas gar te penell, hoy o Devel pral lende penas: Me moukom man kolendar te hatsell, kay rodan man gar. Oun sikrom man kolende, kay gar pal mande poučan.

Remarja 10:20 ပူးပေါင်းရင်းမြစ်များ

Gosewe laba 28:1

O tchilatcho hi ap o naashepen, ninna te lell les kek palla. Kowa, kai an o tchatchepen tardo hi, hi har i terno lewo un darell tchi.

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Jesaja 52:15

Un kanna dikenn bud menshe dran wawar themma bare jakentsa ap leste, un lengre rajenge atchell o rakepen krik. Kowa, hoi lenge gar dren ginlo was, dikenn le kanna. Un kolestar jon tchi shunan, kowa dikenn le un haiwenn les.

Jesaja 58:1

De bari gole! Rike tut gar pale! Hade tiri gole, te well li jaake sorelo har i phurdepaskri! Un pen mire menshenge, hawo tchilatcho koowa jon kran! Awa, pen o khereske Jakob, hawi doosh job ap peste las!

Mateo 20:16

Un o Jesus penas dureder: “Dikenn, jaake wenn bud palla tardo, kai kanna glan tardo hi. Ninna wenn bud glan tardo, kai kanna palla tardo hi.”

Louka 14:23

Un ko rai penas ap koleste: Dja win ap i dromma glan o foro un pash i burra ap o them, kai menshe beshdo hi, un pen lenge, te wenn le pash mande. Rake lenge an o dji, te wenn jaake bud menshe har djala an miro kheer!

Remarja 10:3

Jon haiwenn gar, har o Dewel i menshen an o tchatchepen tchiwella. Un jon djan ap pengro drom, un djiwenn pal pengro tchatchepen. Jaake krenn le gar, hoi o Dewel lendar kamella.

Remarja 9:30

Jaake nai penah: Kol menshe, kai hi kek bibolde, rodan gar pal o tchatchepen. Un kolen tchiwas o Dewel an o tchatchepen. Jon patsan ap leste. Un doleske kras lo len tchatcho glan peste.

Remarja 9:31

Kowa his wawartchandes pash i Israelitarja. Kolla kaman jaake te djiwell, har o Moseskre laba penenna, te wenn le tchatcho glan o Debleste. Un jon nai djiwan gar jaake, un wan gar tchatcho glan o Debleste.

1. Johanni 4:19

O Dewel kamas men o djijestar. Doleske kamah mer o Debles un i menshen ninna.