Remarja 10:18 - O Debleskro Drom 2021 (Sinte)

¹⁸ Kanna putchau tumendar: Shunan i bibolde ko lab gar? Awa! Jon shunan kowa lauter. Jaake hi tchinlo an o Debleskro lab: Ap i tseli phub shunan le ko rakepen. An i tsele themma was ko lab penlo.

O Debleskro Lab 2024 (Sinte-Manouche)

¹⁸ Kanna poučau t'mendar: Shounan i bibolde ko lab gar? Ava! Yon shounan kova lauter. Yaake hi činlo an o Debleskro lab: Ap i tseli phoub shounan le ko rakepen. An i tsele themma vas ko lab penlo.

Remarja 10:18 ပူးပေါင်းရင်းမြစ်များ

1. Rajengro liil 18:10

Me dau man sowel pash o baro Debleste, kai tiro Dewel hi: O Ahab rodas tut an hako them, pash i tsele bare rajende. Un te penan jon: ‘Job hi gar pash mende’, kamas lo, te denn le pen sowel, kai nai hatsan le tut gar.

Debleskri gili 19:4

Kek labentsa rakrenn le. Un lengri gole well gar shunlo.

Debleskri gili 22:27

Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!

Debleskri gili 98:3

Job bistras gar peskro latchepen o khereske Israel, un rikrell peskro lab, hoi das lo lende. I tseli phub dikas, har las lo len win dran o tchilatchepen.

Jesaja 24:16

Dran themma, kai dur mendar krik hi, shunah o gipen: “Sharedo well o Dewel, kai o tchatchepaskro hi.” Me penom mange: Mange hi ropaske! Mange hi ropaske! Har djungelo djal mange? Phukepangre phukrenn, awa, phukepangre phukrenn, un mukenn gar tele pengro phukepah.

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Mateo 24:14

Ap i tseli phub well i menshenge ko latcho lab penlo, kai o Dewel kamell len dran o tchilatchepen te lell un kamell lengro rai te well. I menshe an hake themma hunte shunenn ko lab. Un palle well ko tsiro, kai hi o Dewel o rai pral lauterende.

Mateo 26:13

Tchatchepah, me penau tumenge: Ap i tseli phub, kai mire laba i menshenge penlo wenna, koi well ninna penlo, hoi koja djuwel mange kras. Joi well gar bistedo.”

Mateo 28:19

Doleske djan pash i menshende an hake themma, un penenn lenge mire laba, te patsenn le ap mande! Taufrenn len ap o lab o dadestar, o tchawestar un o Debleskro Ducho!

Mateo 4:8

Pal kowa anas les o beng ap i bari berga pre, un sikras les i tsele themma ap i phub un lengro brawlepen,

Markus 16:15

Un job penas ap lende: “Djan pash i tsele menshende ap i phub un sikrenn hakeneste miro drom!”

Markus 16:20

Un jon djan, te penenn le i menshenge o latcho lab o Jesus Kristestar an hake gaba un forja. Un o rai Jesus his pash lende peskri sorjah, un kras baro koowa, kai nai krell kek mensho. Un jaake dikan i menshe, kai leskro lab tchatcho hi.

Bičepangre 1:8

Ap tumende well o Debleskro Ducho un dell tumen i bari soor. Palle rakrenn tumer mandar an o foro Jerusalem, un an o tselo them Judea, un an o them Samaria, un ap i tseli phub.”

Bičepangre 26:20

Me djom an o foro Damaskus, un palle an ko foro Jerusalem. Un i tsiro koi pre djom an ko them Judea. Un pal kowa djom pash kolende, kai kek bibolde hi, un penom lauterenge, te mukenn le pengro tchilatcho drom, un te djan le ap o Debleskro drom, un te djiwenn le jaake, kai i wawar dikenna, kai jon pengro phuro djipen mukan.

Bičepangre 28:23

Un i bibolde un o Paulo kran penge i diwes win, kai wenn le pale khetne an koi kertchima. Har ko diwes was, wan bud pash leste. Un o Paulo penas lenge, te was ko tsiro, kai o Dewel i menshen pash peste gole della, te lell lo len dran o tchilatchepen win. Un job sikras lende, hoi o Mose un o Debleskre rakepangre pral o Jesuseste tchinan. Un pral kowa rakras o Paulo lentsa o tselo diwes.

Remarja 1:8

Glan hake wawar laba, hoi kamau tumenge te tchinell, penau tumenge: Hako tsiro, kai rakrau o Jesus Kristeha, parkrau man pash miro Debleste tumenge halauterenge. Ap i tseli phub rakrenn le pral tumaro patsepen.

Remarja 15:19

Un job sikras peskri soor, har kras o Debleskro Ducho baro koowa, hoi kek wawar nai krella. Jaake penom o latcho lab o Jesus Kristestar an o tselo them trul o foro Jerusalem bis an o them Illirikum.

Kolossarja 1:23

Jek koowa hunte krenn tumer: Atchenn ap o Jesuseskro drom! Patsenn soreles ap leste! Mukenn gar tele, te dikenn ap kowa, hoi tumen hi pash o Debleste! Rikrenn soreles ap leskro latcho lab, hoi tumenge penlo was! Ko lab was penlo ap i tseli phub. Ninna me, o Paulo, hunte penap ko lab i menshenge. Kowa hi miri budi.

Kolossarja 1:6

Kau latcho lab was gar tumenge kokres penlo. Na-a, kau lab well ap i tseli phub penlo. Un bud un budeder menshe wenna patsle. Jaake hi ninna pash tumende: Tumer shunan ko latcho lab, un haiwan tchatchepah, kai hi o Dewel latches ap tumende.

1. Tessalonikarja 1:8

Tumendar djas o latcho lab o Jesusestar, maro rajestar, dureder, gar kokres an i themma Macedonia un Achaja. Na-a, ninna an bud wawar themma shunan i menshe, har tumer patsenn ap o Debleste. Jaake hunte penas mer lenge buder tchi pral kowa.