Remarja 10:14 - O Debleskro Drom 2021 (Sinte)

¹⁴ Te patsenn jon gar ap o Jesus Kristeste, nai denn le les witar gar an-gole. Te shunan le lestar gar, nai patsenn le gar ap leste. Te penell kek lenge o Jesus Kristestar, nai shunenn le gar lestar.

O Debleskro Lab 2024 (Sinte-Manouche)

¹⁴ Te patsenn yon gar ap o Yezous Kristeste, nay denn le les vitar gar an-gole. Te shounan le lestar gar, nay patsenn le gar ap leste. Te penell kek lenge o Yezous Kristestar, nay shounenn le gar lestar.

Remarja 10:14 ပူးပေါင်းရင်းမြစ်များ

Jona 1:16

Kote lan i mursha bari traash glan o baro Debleste. Un jon chatchran leske i vieches, te parkrenn le pen pash leste, jaake har jon pen sowel dan.

Jona 1:5

Un i bari traash was ap kol tsele murshende, kai ap ko shiffo budran. Un jon dan i bari gole hakeno ap peskro debleste. Un jon witsran ko koowa, hoi ap ko shiffo tchiddo his, an o baro pani, te well ko shiffo buder gar jaake pharo. Un o Jona his tele an o shiffo, his koi tchiddo, un sowas soreles.

Mateo 20:7

Penan le: Kek das men i budi. Koi penas job: Djan ap miro kotar them, un budrenn mange kote!

Johanni 20:31

Kawa was tchinlo, te patsenn tumer, kai o Jesus ko baro rai hi, kolestar o Dewel penas, te well job. Job hi o Debleskro tchawo. Un te patsenn ap leste, lenn tumer o tchatcho djipen lestar.

Johanni 9:36

Penas ko mursh: “Miro rai, koon hi kowa, te patsap ap leste?”

Bičepangre 19:2

Ap kolende penas job: “Was o Debleskro Ducho ap tumende, har wan patslo?” Koi penan jon ap leste: “Mer shunam gar, kai hi o Debleskro Ducho kai.”

Bičepangre 8:31

“Na-a,” penas lo, “har nai haiwap, te penell mange kek, hoi koi tchinlo hi?” Un job mangas o Filipes, te well job pash leste an o wurdin, te beshell lo pes pash leste.

Remarja 1:5

Job das man koi Debleskri budi te djap pash i menshende an i tsele themma. Job bitchras man, te penap lenge, te patsenn le ap leste un shunenn ap leste.

Efesarja 2:17

O Jesus Kristo was, un sikras lauteren o drom pash o Debleste. Tumen, kai tumer dur o Deblestar hans, un ninna i bibolden, kai gar dur o Deblestar his, sikras lo ko drom, te djiwas mer lauter pash leste khetne.

Efesarja 4:21

Tumer shunan lestar, un djinenna, har job djiwas. Ko drom, hoi job sikras men, hi o tchatcho drom.

5. Mose 30:13

Kau lab hi gar ap i wawar rig o baro panjestar, jaake te nai penans tumer: “Koon djal menge ap i wawar rig o baro panjestar un anell les menge, jaake te nai shunas mer les un djiwas koi pal?”

2. Timoteo 4:17

O rai Jesus his ap miri rig, un das man i soor, te nai penap kote o tselo latcho lab lestar, jaake te shunan les ninna kolla, kai hi kek bibolde. Un job las man jaake dran lengre wasta win, har te woms dran i leweskro mui win lino.

Tito 1:3

Un kanna, kai o tchatcho tsiro was, mukell lo hakeneske peskro lab te haiwell. Maro Dewel, kai men dran o tchilatchepen un o merepen win lella, job bitchras man, te penap kowa i menshenge.

Hebrearja 11:6

Te hi jekes kek patsepen, nai krell lo gar, hoi hi latcho glan o Debleskre jaka. Koon kamell pash o Debleste te well, kowa hunte patsell, te hi o Dewel djido, un te hi lo latcho ap koleste, koon rodell les.

Jakobo 5:15

Te mangenn i phureder o Debles un patsenn ap leskri soor, well ko nasselo sasto. Un o Dewel krell les pale soreles. Te hi doosh ap leste, palle lell o Dewel koi doosh lestar.