Remarja 1:3 - O Debleskro Drom 2021 (Sinte)

^3-4 Ko drom hi o Debleskro tchawo. Kowa was i mensho un was o Davideskre menshendar. Job was ninna o Deblestar. O Dewel sikras i bari sorjah, te hi lo leskro tchawo, har kras lo les i mulendar djido. Kowa hi o Jesus Kristo, maro rai.

O Debleskro Lab 2024 (Sinte-Manouche)

^3-4 Ko drom hi o Debleskro čavo. Kova vas i mensho oun vas o Davideskre menshendar. Yob vas ninna o Deblestar. O Devel sikras i bari zoryah, te hi lo leskro čavo, har kras lo les i moulendar djido. Kova hi o Yezous Kristo, maro ray.

Remarja 1:3 ပူးပေါင်းရင်းမြစ်များ

1. Mose 3:15

Tu un koi romni, tumen hi choli jek ap o wawareste. Ninna tire tchawen hi choli ap lakre tchawende. Un lakre tchawen hi choli ap tire tchawende. Jek lakre tchawendar stakrell tiro shero khetne. Un tu dandreh les an leskri heri.”

Debleskri gili 2:7

Kau baro rai penell: “Mukenn man tumenge kowa te penell, hoi o baro Dewel kamell te krell. Job penas ap mande: ‘Miro tchawo hal tu. Kau diwes wom tiro dad.’

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Mateo 1:1

Kawa hi o liil, hoi sikrella, koon o Jesus Kristeskre phure his. Mank lende his o David un o Abraham.

Mateo 1:16

Koleskro tchawo his o Josef. Koleskri romni his i Maria. Lakro tchawo hi o Jesus. Kowa kharella Kristo.

Mateo 1:6

Koleskro tchawo his o David, ko baro rai. Koleskro tchawo his o Salomo. Koleskri dai his i romni fun o Urija.

Mateo 12:23

Un i tsele menshe, kai trul leste tardo his, kran bare jaka. Un jon penan: “Hi kawa nai o Davideskro tchawo?”

Mateo 15:22

Kote djiwas i djuwel, kai kek biboldetsa hi. Joi hi i Kanaanitetsa. Kaja was pash leste, un das ap leste gole: “Mo rai, tu Davideskro tchawo, kre tiro dji mange pre! I beng hi an miri tchate. Un kowa marell lat khetne.”

Mateo 26:63

O Jesus penas tchi. Pale penas o baro rashai ap leste: “Glan o djido Dewel, pen menge: Hal tu ko baro rai, kolestar o Dewel penas, te well job? Hal tu o Debleskro tchawo?”

Mateo 27:43

Job patsas o Debles, un penas: Me hom o Debleskro tchawo. Te kamell o Dewel les o djijestar, mu well lo, un lell les kanna kau trushelestar tele!”

Mateo 3:17

Un i rakepen dran o bolepen penas: “Kawa hi miro tchawo, koles me kamau. Pral leste hom me bachtelo.”

Mateo 9:27

Un o Jesus djas dureder. Un dui korele mursha djan leske palla. Kolla dan gole: “Davideskro tchawo, kre men sasto!”

Louka 1:35

O bolepaskro penas ap late: “O Debleskro Ducho un leskri soor well pral tute. Doleske well o ternepen o Deblestar un well Debleskro tchawo kharedo.

Louka 1:69

Job bitchras menge jek soreles, te lell job men dran o tchilatchepen win. Un kawa wella o Davideskre menshendar.

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Johanni 1:34

Me dikom kowa halauter. Doleske nai penau me ninna: Kau mursh hi o Debleskro tchawo.”

Johanni 1:49

“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”

Johanni 10:30

Me un o dad ham jek.”

Johanni 10:36

Man hi o dadeskro wast. Un miro dad bitchras man ap kai phub. Me te penau, kai hom o Debleskro tchawo, har nai penenna tumer ap mande: Tu kreh, har te wess o Dewel?

Johanni 20:28

Koi penas o Thomas ap leste: “Miro rai un miro Dewel!”

Johanni 20:31

Kawa was tchinlo, te patsenn tumer, kai o Jesus ko baro rai hi, kolestar o Dewel penas, te well job. Job hi o Debleskro tchawo. Un te patsenn ap leste, lenn tumer o tchatcho djipen lestar.

Johanni 5:25

Tchatchepah, me penau tumenge: Ko tsiro wella un hi kanna kai, kai i mule shunenn i gole o Debleskro tchawestar. Un kolla, kai shunenn, kai dell job gole, kolla djiwenna.

Johanni 7:42

O Debleskro lab penella, ko baro rai, kai well o Deblestar, kowa hi o Davideskre menshendar, un well an o foro Betlehem boldo har o David.”

Bičepangre 2:30

O David his i Debleskro rakepaskro, kai nai dikas glan-wi, hoi wella. O David djinas, hoi o Dewel leske penas, te well jek pal leste, hoi well o baro rai. Un kowa wella leskre menshendar. O Dewel das pes sowel, te well kowa jaake.

Bičepangre 3:13

Na-a! O Dewel o Abrahamestar, un o Isaakestar un o Jakobestar, ko Dewel mare dadendar sikras tumende kate, hawi bari soor un railepen job peskro budepaskres, o Jesuses, das. Koles dan tumer an o Pilateskre wasta, un dan les buchoste, har o Pilato kamas les te djal mukell.

Bičepangre 8:36

Koi wan le pash o pani, un ko pralstuno penas: “Koi hi pani. Hi mange tchomone an o drom tchiddo, te mukap man te taufrell?”

Bičepangre 9:20

un rakras an i biboldengre kangria, un sikras len, kai o Jesus o Debleskro tchawo hi.

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

Remarja 4:1

Kowa hi jaake har pash maro phuro dadeste, o Abrahameste, kolestar i bibolde wenna. Har was lo tchatcho glan o Debleskre jaka?

Remarja 9:5

Lengre phure hi o Abraham, o Isaak un o Jakob. Ninna o Jesus Kristo was i Israelitari, har was lo boldo. Sharas o Debles pral kowa lauter hako tsireske. Amen!

1. Korintarja 1:9

Kowa, hoi o Dewel penella, kowa rikrell job ninna. O Dewel das tumen gole, te wenn hako tsiro peskro Tchaweha, o Jesus Kristeha, khetne. Un kowa hi maro rai.

1. Korintarja 10:18

Kowa hi jaake, har pash i menshende an Israel. Jon wan khetne un chan kol viechendar, kai anan le o Debleske. Lauter kolla, kai chan, his khetne. Un o Dewel his mank lende.

Galatarja 4:4

Har ko tchatcho tsiro was, bitchras o Dewel peskro tchawes. Kowa was i mensho, un pandlo ap o Moseskre laba.

1. Tessalonikarja 1:10

Tumer dikenn ap ko diwes, kai well o Debleskro tchawo dran o bolepen pale. Kowa hi o Jesus, koles kras o Dewel i mulendar djido. Job lell men dran o Debleskri choli win, hoi pral i menshende wella.

1. Timoteo 2:5

Hi jek Dewel i tsele menshenge. Un hi jek rakepaskro, kai anell o Debles un i menshen khetne. Kowa hi ko mensho Jesus Kristo.

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

2. Timoteo 2:8

Rike an tiro shero o Jesus Kristes! Koles las o Dewel dran i mulende win, un kras les djido. Job his o Davideskre menshendar. Jaake penau kowa i menshenge.

1. Johanni 1:3

Kowa, hoi mer dikam un shunam, penah mer tumenge, te nai was mer tumentsa khetne an o tchatchepen. Un tchatchepah, mer ham khetne o Debleha, kai hi maro dad an o bolepen, un leskro tchaweha, o Jesus Kristeha.

1. Johanni 3:23

Un kawa kamell o Dewel mendar: te patsas mer ap leskro tchaweste, o Jesus Kristeste, un te kamas men, jek o wawares o djijestar, jaake har o Jesus Kristo les menge penas.

1. Johanni 3:8

Kolla, kai djiwenn an o tchilatchepen, kolla hi o bengestar. O beng krella o tchilatchepen jaake rah, har job koi hi. Doleske was o Debleskro tchawo ap kai phub, te phagell lo o bengeskri soor.

1. Johanni 4:15

Koon glan i menshende penella, kai o Jesus o Debleskro tchawo hi, koleha atchell o Dewel, un job atchell o Debleha.

1. Johanni 5:1

Kolla, kai patsenna, kai o Jesus o baro rai hi, kolestar o Dewel penas, te well job, kolla hi o Debleskre tchawe. Un hakeno, kai kamell o dades, kowa kamell ninna leskre tchawen.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.

1. Johanni 5:5

Awa, kowa, kai patsella, kai o Jesus o Debleskro tchawo hi, koles hi i soor pral o tchilatcho koowa, hoi i menshe krenna.

2. Johanni 1:7

Bud chochene sikepangre nashenn ap i phub trujel, kai kamenn i patslen o tchatcho dromestar tele te anell. Jon penenna, kai was o Jesus Kristo gar i mensho dran mass un rat. Kol sikepangre wenna gar o Deblestar. Jaake har jon rakrenna, jaake rakrell ninna ko chocheno, kai hadell pes pral o Jesus Kristeste.

Debleskro tsiro 2:18

“Tchin kau liil ap o Debleskro budepaskro, kai dell jak ap i patslende an o foro Tiatira: Kawa penell o Debleskro tchawo, koles hi jaka har i jag, un herja har sonakai.