Remarja 1:13 - O Debleskro Drom 2021 (Sinte)

¹³ Mire phrala, tumer hunte djinenn, bud kope kamom pash tumende te well, un nai wom gar. Me kamoms ninna an tumaro foro menshen ap o Jesuseskro drom te anell, jaake har me kowa ninna krom an i wawar themma.

O Debleskro Lab 2024 (Sinte-Manouche)

¹³ Mire phrala, t'mer hounte djinenn, boud kope kamom pash t'mende te vell, oun nay vom gar. Me kamoms ninna an t'maro foro menshen ap o Yezouseskro drom te anell, yaake har me kova ninna krom an i vavar themma.

Remarja 1:13 ပူးပေါင်းရင်းမြစ်များ

Jesaja 27:6

Ko tsiro wella, kai well o Jakob pale sorelo. Awa, o Israel well har i ruk, koles sorele draba hi, un senelo well, un ap koleste blume pre djan, un bud rukengre win anenn. Kolendar well i tseli phub pherdo.

Johanni 12:24

Tchatchepah, me penau tumenge: Te well o djob gar an i phub un merell tele, anell lo nai kek newo djob. Te merell lo tele, anell job bud newo djob.

Johanni 15:16

Tumer rodan man gar win. Me rodom tumen win, te djiwenn jaake, te well dran tumaro djipen latcho koowa, hoi atchella. Un o dad dell tumen halauter, hoi mangenn lestar an miro lab.”

Johanni 4:36

Kanna anenn i budepangre kolen khetne, kai lenn o djipen, hoi gar pre-herella. Un lengri budi well plaissedo. Jaake hi hake dui bachtelo: Kowa, kai o tikno djob an i phub witsras, un kowa, kai anell o djob dren.

Bičepangre 1:15

An kolla diwessa wan bud patsle khetne, sheel-te-biish menshe. Mashkral lende stas o Petro pre un penas:

Bičepangre 14:27

Un o Paulo un o Barnabas wan kanna pale pale an kau foro. Kote dan le i patslen khetne gole, un penan lenge, kai o Dewel lentsa his, un har bud koowa job kras, un har job ninna kolen, kai kek bibolde hi, pash peste gole das, un jon ap leskro drom wan.

Bičepangre 15:12

Koi tchingran kol tsele menshe buder gar lentsa, un shunan ap o Pauleste un o Barnabeste, har kolla lenge penan, hawo baro un sorelo koowa o Dewel mashkral kolende kras, kai kek bibolde hi.

Bičepangre 19:21

Pal kau koowa kamas o Paulo pral i themma Macedonia un Achaja an o foro Jerusalem te djal, un penas: “Un pal kowa hunte dikap me o foro Rom ninna.”

Bičepangre 21:19

O Paulo penas lenge “Latcho Diwes!” Un palle penas lo lenge halauter, jek pal o wawar, hoi o Dewel leha mashkral kol menshende kras, kai kek bibolde hi.

Bičepangre 28:14

Kote hatsam patslen. Kolla mangan mendar, te atchas efta diwessa pash lende. Palle djam dureder an o foro Rom.

Remarja 1:12

Te dikah o patsepen, hoi an o wawareste hi, wah mer khetne soreles an maro patsepen.

Remarja 11:25

Mire phrala, me kamau tumenge i baro tchatchepen te penell, hoi djinenn i menshe gar. Te djinenn tumer kowa, palle penenn tumer gar: “Har gosewo ham mer!” Tumer hunte djinenn, hoske hi bud bibolden i dji dran bar, un patsenn gar ap o Jesus Kristeste. Kowa atchella jaake rah, bis te wan kol tsele menshe dran i wawar themma ap o Jesuseskro drom, kolendar o Dewel kamell, te wenn le pash leste.

Remarja 7:1

Mire phrala, tumer prindjrenn o Moseskre laba. Tumer djinenn, i mensho hi pandlo ap kol laba jaake rah, har job djiwella.

1. Korintarja 1:10

Mire phrala, me shunom, kai hi tchingepen mashkral tumende. Kowa penan mange kolla dran i familja koi djuwjatar Kloe. Kanna mangau tumen an o lab maro rajestar, o Jesus Kristestar: Ma tchingrenn tumen buder! Atchenn khetne un rikrenn khetne an kowa, hoi tumer krenna un patsenna!

1. Korintarja 10:1

Mire phrala, ma bistrenn, har djas mare phurenge, har djan jon an o mulo them. I wolka djas glan lende lauterende un sikras lende, kai o Dewel pash lende his. Un jon halauter djan o Moseste palla mashkral o baro pani ap i wawar rig. Mer nai penams: Har wan jon an i wolka un an o baro pani, wan le ap o Moseskro lab taufedo.

1. Korintarja 12:1

Mire phrala, kanna kamau me pral kowa te rakrell, hoi o Debleskro Ducho an tumende tchiwas.

1. Korintarja 14:20

Mire phrala, ma awenn har tikne tchawe, kai gomme gar bud djinenna. Awenn gosewo har i phure! Pash tchilatcho koowa, awenn har tikne tchawe, hoi o tchilatchepen gar haiwenna!

1. Korintarja 14:26

Mire phrala, hi jaake: Te wenn tumer khetne, sharell ko jek o Debles i giljah. I wawar sikrell, har te djan ap o Debleskro drom. Ninna i wawar penell, hoi o Dewel les sikras. Pale i wawar rakrell an i rakepen, hoi o Debleskro Ducho les das. Un i wawar nai penell, hoi koi rakedo was. Lauter kowa krenn, te wenn i patsle soreles an o patsepen!

1. Korintarja 9:2

Wawar penenna, te hom me gar o Jesusestar bitchedo. Tumer djinenna, kai man o Jesus Kristo bitchras. Un har me ap tumende lestar rakrom, wan tumer patslo.

2. Korintarja 1:8

Mire phrala, tumer hunte djinenn, har hams an o them Asia, his maro djipen jaake pharo, te his men buder kek soor un patsam, mer hunte meras.

2. Korintarja 2:14

Me parkrau man pash o Debleste, te dell lo men i soor, te djas ap o Jesuseskro drom. Khetne o Jesuseha ham hako tsiro sorleder har o tchilatchepen. Un kote, kai penah i menshenge o latcho lab o Jesusestar, hi kowa jaake, har te well i latcho sungepen pash bud menshende.

Galatarja 3:15

Mire phrala, kanna rakrau pral tchomone, hoi tumer lauter prindjrenna. Te krenn dui menshe tchomone win un denn pengro dadeskro wast koi pre, nai penell kek: Kanna hi kowa buder tchi moldo. Witar gar nai tchiwell jek tchomone koi pashel.

Galatarja 6:18

Mire phrala, mangau maro rajestar, o Jesus Kristestar, te well lo tumenge latcho. Amen.

Filiparja 1:22

Me te atchau djido, nai sikrau budeder menshende o Jesuseskro drom. Doleske djinau gar, hoi budeder moldo hi.

Filiparja 4:17

Me penau kowa gar, te denn mange tchomone. Na-a, kamau, te denn tumer o Debleske tchomone, te sharell job tumen.

Kolossarja 1:10

Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.

Kolossarja 1:6

Kau latcho lab was gar tumenge kokres penlo. Na-a, kau lab well ap i tseli phub penlo. Un bud un budeder menshe wenna patsle. Jaake hi ninna pash tumende: Tumer shunan ko latcho lab, un haiwan tchatchepah, kai hi o Dewel latches ap tumende.

1. Tessalonikarja 2:18

Me, o Paulo, kamom budeder kope pash tumende te well. Un o beng was hako kopo koi mashkral.

1. Tessalonikarja 4:13

Mire phrala, mer kamah, te djinenn tumer, hoi hi kol patslentsa, kai meran, te well tumenge gar ropaske har kolenge, kai prindjrenn o Debles gar un djinenn gar, hoi pal o merepen wella.

2. Tessalonikarja 2:7

Ninna te dikah les gomme gar, well o tchilatchepen bareder. Kanna rikrell jek o tchilatchepen pale. Te well job krik lino,

2. Timoteo 4:17

O rai Jesus his ap miri rig, un das man i soor, te nai penap kote o tselo latcho lab lestar, jaake te shunan les ninna kolla, kai hi kek bibolde. Un job las man jaake dran lengre wasta win, har te woms dran i leweskro mui win lino.