Remarja 1:1 - O Debleskro Drom 2021 (Sinte)

¹ Me, o Paulo, o budepaskro o Jesus Kristestar, tchinau kau liil. Job das man gole, te wap leskro bitchepaskro, un rodas man win, te sikrap i menshende leskro drom.

O Debleskro Lab 2024 (Sinte-Manouche)

¹ Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Remarja 1:1 ပူးပေါင်းရင်းမြစ်များ

1. Familjakro liil 23:13

O Amram, leskre tchawe his: o Aron un o Mose. Un o Aron un leskre tchawe wan win rodedo, te wenn le rashaja hako tsireske. Jon kokres nai kran o baro Debleskri budi: nai chatchran viechen ap leskri chatchepaskri, un nai rakran o Debleskri bacht win pral i Israelitarja.

Jesaja 49:1

Shunenn ap mande, tumer kai pash o baro pani djiwenn! Denn jak ap miro rakepen, tumer an i themma, hoi dur krik hi! Har gomme gar boldo wom, das man o baro Dewel gole, un das man miro lab.

Jeremia 1:5

Me prindjrom tut, glan te krom tut an tiri dakro per, un rodom tut win, glan te wal boldo, te wess miro rakepaskro i menshenge dran i tsele themma.

Markus 1:14

Har o Johanni stildo was, djas o Jesus an o them Galilea, un sikras i menshende o Debleskro drom.

Johanni 12:26

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Johanni 15:15

Tumer han mange buder gar budepangre. I budepaskro djinell gar, hoi leskro rai krella. Tumenge penom halauter, hoi shunom miro dadestar. Doleske han tumer kanna mire mala.

Johanni 15:20

Rikrenn an tumaro shero, hoi me tumenge penom: I budepaskro hi gar bareder har leskro rai. Lan man jon palla, lenn jon tumen ninna palla. Te shunan jon ap kowa, hoi me lenge penom, shunenn jon ninna, hoi tumer lenge penenna.

Bičepangre 13:9

O Saulo, kai kharell ninna Paulo, pherdo Debleskro Ducho, dikas ap leste,

Bičepangre 20:24

Me dau tchi buder ap miro djipen. Jek koowa kamau me an miro djipen te krell: Me kamau koi budi te krell, hoi das man maro rai Jesus: Job penas mange, te penap i menshenge, har latcho o Dewel lenge hi, un har kras job i drom, te nai wenn le pash leste.

Bičepangre 21:40

Un o pralstuno lurdo penas ap o Pauleste: “Palle rake!” O Paulo his tardo pral glan o kheer un hadas peskro wast, te wenn le pokones. Har jon buder gar gole dan, rakras job lentsa ap hebretikes.

Bičepangre 22:21

O rai Jesus penas ap mande: Dja dran o foro Jerusalem win! Me bitchrau tut an i wawar themma pash kolende, kai kek bibolde hi.

Bičepangre 22:7

Me perom ap i phub, un shunom, har jek ap mande penas: Saulo, Saulo, hoske leh tu man palla?

Bičepangre 26:1

O Agrippa penas ap o Pauleste: “Tu nai rakreh kanna tuke.” Koi hadas o Paulo o wast, un penas:

Bičepangre 26:14

Un mer lauter peram ap i phub. Un me shunom jekes, kai penas ap hebretikes ap mande: Saulo, Saulo, hoske leh tu man palla? Tiro kurepen hi tchitcheske. Me hom sorleder har tu.

Bičepangre 27:23

Kai rat was i bolepaskro pash mande. Koles bitchras miro Dewel, koleske budrau.

Bičepangre 9:15

Penas o rai Jesus leske: “Dja pash leste! Me rodom koles win, te well job mange koi, te djal lo pash kolende, kai kek bibolde hi, pash lengre bare rajende, un pash kol tsele biboldende, te penell lo lenge mandar.

Remarja 1:16

Me ladjau gar glan i menshende, te penap lenge o latcho lab o Jesus Kristestar. An kau lab hi o Debleskri soor. Un o Debleskri soor lell kolen dran o tchilatchepen un o merepen win, kai ap ko lab patsenna, – i bibolden un kolen, kai kek bibolde hi.

Remarja 1:5

Job das man koi Debleskri budi te djap pash i menshende an i tsele themma. Job bitchras man, te penap lenge, te patsenn le ap leste un shunenn ap leste.

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

Remarja 11:13

Tumer han kek bibolde. Un tumenge penau me: Man hi o Jesuseskro wast. Job bitchras man pash tumende. Un me parkrau man pash leste, te nai sikrap tumende leskro drom.

Remarja 15:16

Job bitchras man, te budrap o Jesus Kristeske un te djap pash kolende, kai kek bibolde hi, te sikrap len o Debleskro drom. Jaake hom har i rashai, kai anell kol menshen, kai kek bibolde hi, pash o Debleste. Un o Dewel dell len peskro Ducho, te wenn le leskro. Un job dikell latches ap lende.

Remarja 15:29

Un me djinau, te wau pash tumende, anau tumenge i tseli bacht, hoi wella o Jesus Kristestar.

Remarja 16:18

Sawe menshe budrenn gar maro rajeske, o Jesus Kristeske. Na-a, jon krenn, hoi lenge kokres mishto hi. Shukar labentsa un baro rakepen anenn le kolen o Debleskro dromestar tele, kai denn gar jak.

Remarja 16:25

Sharedo well o baro Dewel! Les hi i soor, te krell lo tumaro patsepen soreles. Jaake penell les o latcho lab, hoi me penau i menshenge, ko latcho lab o Jesus Kristestar. Kate well siklo o drom pash o Debleste. Kowa djinan le i rah tsiro gar.

1. Korintarja 1:1

Kau liil tchinau me, o Paulo. O Jesus Kristo rodas man win, te wap leskro bitchepaskro. Kowa kamas o Dewel jaake. Un me un maro phraal Sostenes tchinah kau liil

1. Korintarja 9:1

Dikenn ap mande, har me hom! Me nai kroms, hoi me kamau, un me krau les gar. Hom me gar o Jesuseskro bitchepaskro? Awa, me hom o Jesuseskro bitchepaskro. Me dikom o Jesuses, maro rajes. Tumer djinenna, koon tumen ap o Debleskro drom anas. Kowa homs me.

2. Korintarja 1:1

Kau liil tchinau me, o Paulo. Me hom o Jesus Kristeskro bitchepaskro, jaake har o Dewel kowa kamell. Un me un maro phraal, o Timoteo, mer tchinah kau liil ap i patslende, kai wenn khetne an o Debleskro lab an o foro Korint. Kau liil hi ninna i tsele Debleskre tchawenge an o them Achaja.

2. Korintarja 11:5

Me djinau, me molau ninna jaake bud har kol bare rakepangre pash tumende, kai penenn, te hi le bitchedo o Jesus Kristestar.

2. Korintarja 11:7

Krom me man baro, har lom kek lowe tumendar, har penom tumenge o Debleskro latcho lab? Lom me doleske i doosh ap mande? Na-a, me krom tumen baro.

2. Korintarja 12:11

Tumer kran, te rakrom har i dinelo. Me hunte sharoms man gar. Na-a, tumer hunte sharans man. Ninna te woms me tchi, woms me jaake bud moldo har kol bare rakepangre pash tumende, kai penenn, te hi le bitchedo o Jesus Kristestar.

2. Korintarja 2:12

Har wom me an o foro Troas, te penap kote o latcho lab o Jesus Kristestar, kras o Dewel i menshengre djia pre.

2. Korintarja 4:5

Lestar rakrah mer, un gar mendar. Mer penah i menshenge, o Jesus Kristo hi o rai. Un mer ham leskre budepangre un budrah tumenge.

Galatarja 1:1

Me, o Paulo, tchinau kau liil ap i patslende, kai wenn khetne an o them Galatia. O Jesus Kristo das an miro wast, te penap i menshenge leskro lab. Me hom gar i menshendar bitchedo. Kowa, kai bitchras man, hi o Jesus Kristo un o Dewel, maro dad. Kowa kras les i mulendar djido.

Efesarja 1:1

Kau liil tchinau me, o Paulo. O Jesus Kristo bitchras man, te penap i menshenge leskro lab. Jaake kamell kowa o Dewel. Me tchinau kau liil ap kolende, kolen o Dewel win gole das an o foro Efesus, un kai patsenn ap o Jesus Kristeste.

Efesarja 1:13

Tumer ninna shunan o tchatchepen. Un tumen was ko drom siklo, hoi anas tumen pash o Debleste. Ko drom hi o Jesus Kristo. Har tumer ap leste patslo wan, das lo tumen o Debleskro Ducho an tumare djia. Glan i rah tsiro penas o Dewel, te dell lo les peskre tchawende. Jaake sikrell lo, koon leskre tchawe hi.

Efesarja 4:11

Job hi kowa, kai das i patslen pengri budi. Koi hi kolla, kolen job bitchras, te penenn le i menshenge lestar. Wawar rakrenna, hoi job lenge an o dji tchiwas, hoi kek wawar djinella. Wawar anenn kol menshen, kai gar patslo hi, pash o Jesus Kristeste. Pale wawar rikrenn i patslen khetne, un sikrenn lende o Debleskro drom.

5. Mose 10:8

Ko tsireske rodas peske o baro Dewel kol murshen dran o kheer Levi win, te hidjrenn jon o mochton, kai o Debleskre deesh laba dren hi, un te wenn jon rashaja un budrenn leske, un rakrenn an leskro lab bacht win pral i menshende. Un kowa krenn le ninna kau diwes.

Filiparja 1:1

Mer, o Paulo un o Timoteo, tchinah kau liil. Mer budrah o Jesus Kristeske, un tchinah kau liil ap lauterende, kolen o Dewel win gole das an o foro Filipi, te patsenn le ap o Jesus Kristeste. Kau liil hi ninna i pralstunenge, kai denn garda ap i patslende, ninna kolenge, kai krenn o Debleskri budi mashkral i patslende.

Filiparja 2:11

Un lauter hunte penenna: “O Jesus Kristo hi o rai pral lauter!” Un jaake sharenn le o Debles, maro dades an o bolepen.

Kolossarja 1:1

Me, o Paulo, tchinau kau liil khetne maro phraleha, o Timoteo. O Jesus Kristo bitchras man, te penap i menshenge leskro lab. Jaake kamell kowa o Dewel. Mer tchinah kau liil ap o Debleskre tchawende an o foro Kolossa. Tumer han mare phrala un phenja an o patsepen ap o Jesus Kristeste. Latchepen un bacht tumenge! Kowa dell tumen o Dewel, maro dad, an o dji!

Kolossarja 1:25

Lengro budepaskro wom me. O Dewel das man koi budi, te penap tumenge o tselo Debleskro lab.

1. Tessalonikarja 2:2

Glan ko tsiro, kai wam pash tumende, hams an o foro Filipi. Ninna te wam kote palla lino un dino, har tumer djinenn, djam pal kowa pash tumende an o foro Tessalonika. O Dewel das men i soor, te penas tumenge o Debleskro latcho lab, ninna te his pash tumende bud menshe, kai kran menge o djipen phares.

1. Tessalonikarja 2:8

Tumer hans an mare djia, un doleske sikram tumende gar kokres o Debleskro drom, na-a, mer djiwam ninna tumentsa khetne; jaake baro his maro kamlepen tumenge.

1. Tessalonikarja 2:9

Mire phrala, tumer djinenna, har phari mari budi his, har hams pash tumende, un sikram tumende o Debleskro drom. Ap o diwes un an i rat budram, te djiwas gar dran tumari possita.

1. Timoteo 1:1

Me, o Paulo, tchinau kau liil. Me hom o Jesus Kristeskro bitchepaskro, te penap i menshenge leskro lab. Jaake kamell kowa o Dewel, kai lell men dran o tchilatchepen win, un o Jesus Kristo, ap koleste patsah.

1. Timoteo 2:7

Doleske bitchras man o Dewel pash kolende, kai kek bibolde hi, te penap lenge o latcho lab o Jesus Kristestar, un te sikrap lende o tchatcho patsepen. Man hi o Jesuseskro wast. Kowa hi o tchatchepen. Me chochau gar.

2. Timoteo 1:11

O Dewel bitchras man, te penap o latcho lab o Jesus Kristestar i menshenge, un sikrap len leskro drom.

Tito 1:1

Me, o Paulo, tchinau kau liil. Me hom o Debleskro budepaskro. Un o Jesus Kristo bitchras man pash kolende, kolen o Dewel peske win rodas, te krap lengro patsepen soreles, te haiwenn le o tselo tchatchepen, un te djan le ap o Debleskro drom.

Hebrearja 5:4

Kek mursh nai penella: Me wau baro rashai. Na-a, o Dewel rodell les win, jaake har job glan i rah tsiro ninna o Arones win rodas, te well lo i baro rashai.

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.

Jakobo 1:1

Kau liil tchinau me, o Jakobo, kowa, kai budrell o Jesus Kristeske un o Debleske. Me penau latche laba kolenge, kai patsenn ap o Jesus Kristeste un djiwenn mashkral kolende, kai gar patslo hi.

1. Petro 4:17

Kanna was ko tsiro, kai wenna i tchilatche diwessa pral o Debleskre tchawende. Pal kowa wella bari bibacht pral kolende, kai patsan gar ap o Debleskro latcho lab!

2. Petro 1:1

Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

Judas 1:1

Me, o Judas, tchinau kau liil ap tumende, kolen o Dewel peske win rodas. Job hi tumaro dad un kamell tumen o djijestar. Un o Jesus Kristo dell garda ap tumende. Me hom o Jesus Kristeskro budepaskro un o Jakobeskro phraal.

Debleskro tsiro 1:1

An kau liil hi kowa tchinlo, hoi o Dewel mukas o Jesus Kristes te dikell, te sikrell job peskre budepangren, hoi an i tikno tsiro hunte wella. Un o Jesus Kristo bitchras peskro bolepaskres pash mande, te sikrell lo mande kawa lauter. Me, o Johanni, hom leskro budepaskro

Debleskro tsiro 22:6

Un o bolepaskro penas ap mande: “Kal laba hi tchatcho. Un jaake well kowa. O Dewel, maro rai, kai das peskre rakepangren peskro Ducho, kowa bitchras peskro bolepaskres, te sikrell lo peskre budepangren, hoi an i tikno tsiro hunte wella.”

Debleskro tsiro 22:9

Un job rakras ap mande un penas: “Ma kre kowa! Me hom o Debleskro budepaskro har tu un tire phrala, kai o Debleskre rakepangre hi. Un me hom ninna jek kolendar, kai rikrenn kal laba an pengre djia, hoi an kau liil tchinlo hi. Ma share man! Share o Debles!”