Nehemia 9:5 - O Debleskro Drom 2021 (Sinte)

⁵ Un i Levitarja, o Jeshua, un o Kadmijel, un o Bani, un o Hashabneja, un o Sherebja, un o Hodija, un o Shebanja, un o Petachja penan: Stenn pre! Sharenn o baro Debles! Job hi tumaro Dewel. Sharenn les kanna un hako tsireske! Baro Dewel, hakeno te sharell tiro railo lab! Kek wawar lab hi jaake baro un railo har tiro lab.

O Debleskro Lab 2024 (Sinte-Manouche)

⁵ Oun i Levitarya, o Yeshoua, oun o Kadmiel, oun o Bani, oun o Hashabneya, oun o Sherebya, oun o Hodiya, oun o Shebanya, oun o Petaya penan: Stenn pre! Sharenn o baro Debles! Yob hi t'maro Devel. Sharenn les kanna oun hako tsireske! Baro Devel, hakeno te sharell tiro raylo lab! Kek vavar lab hi yaake baro oun raylo har tiro lab.

Nehemia 9:5 ပူးပေါင်းရင်းမြစ်များ

1. Rajengro liil 8:14

Un o rai Salomo rissras pes un dikas ap i menshende un rakras o Debleskri bacht win pral i tsele Israelitarjen, kai kote tarde his.

1. Rajengro liil 8:15

Un job penas: “Sharedo well o baro Dewel, ko Dewel pral o Israel. Job mukas tchatches te well, hoi lo miro dadeske, o Davideske, penas, har penas lo:

1. Rajengro liil 8:22

Un o Salomo djas glan koi chatchepaskri, kai o baro Debleske vieche chatchedo wenn. Un i tsele Israelitarja his ninna koi. Un job hadas peskre wasta pral an o bolepen,

1. Rajengro liil 8:27

Nai well tchatcho, kai o Dewel kamell te djiwell ap i phub? O tselo bolepen hi gar bares doha leske. Har nai krals kowa kau kheer, hoi me mukom te krell?

1. Familjakro liil 16:36

Sharedo well o baro Dewel, kai o Israeleskro Dewel hi, kanna un hako tsireske! Un i tsele menshe penan: “Amen! Sharedo well o baro Dewel!”

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

1. Familjakro liil 29:13

Maro Dewel, mer parkrah men pash tute, un sharah tiro railo lab.

1. Familjakro liil 29:20

Un o David penas ap i tsele menshende, kai kote khetne his: “Sharenn tumaro baro Debles!” Koi sharan i tsele menshe o baro Debles, ko Debles lengre phurendar. Un jon djan ap pengre tchanga glan o baro Debleste un glan o baro rajeste,

2. Familjakro liil 20:13

Un i tsele mursha dran o them Juda, ninna lengre tchawe un djuwja pengre tikne tchawentsa, halauter his tardo glan o baro Debleste.

2. Familjakro liil 20:19

Un i Levitarja dran i khera Kohat un Korach, stan pre un sharan i bari goljah o baro Debles, kai o Israeleskro Dewel hi.

Esra 3:11

Un jon giwan, sharan un parkran pen pash o baro Debleste: “Job hi latcho un leskro kamlepen hi an hako tsiro pral Israel.” Un i tsele menshe dan gole i bachtjatar, har parkran le pen pash o baro Debleste doleske, kai i telstune barra leskro khereske tchiddo his.

Nehemia 9:4

Un ap i pralstuni platsa, hoi i Levitarenge his, stas o Jeshua pre, un o Bani, un o Kadmijel, un o Shebanja, un o Bunni, un o Sherebja, un o Bani, un o Kenani. Un jon dan bares gole ap pengro baro Debleste, te well lo ap lengri rig.

Nehemia 9:6

Tu, baro Dewel hal kokres o Dewel! Tu kral o bolepen un leskre tsele bolepangre momlia, un i phub un lauter, hoi ap late hi, ninna o baro pani un lauter, hoi an leste hi. Un tu kral, te djiwell kowa lauter. Un i tsele bolepangre an o bolepen witsrenn pen tele glan tute.

Hiob 1:21

Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

Debleskri gili 106:2

Koon nai penella ko tselo baro koowa, hoi o baro Dewel lauter kras? Koon nai sharell les doha?

Debleskri gili 134:1

I gili te giwell ap o drom an Jerusalem. Stenn pre! Sharenn o baro Debles, tumer tsele budepangre o baro Deblestar, kai han tardo rati an o baro Debleskro kheer!

Debleskri gili 145:2

Hako diwes kamau man pash tute te parkrell. Kanna un hako tsiro kamau tut te sharell.

Debleskri gili 145:5

Jon rakrenn pral tiro railepen un barepen. Un me mukau mange an o shero te well, hoi tu kral un hoi kek wawar nai krella.

Debleskri gili 146:2

Jaake rah har me djiwau, kamau o baro Debles te sharell. Jaake rah har hom ap kai phub, kamau leske te bashrell.

Debleskri gili 16:2

Me penom ap o baro Debleste: Tu hal miro rai. Hako latcho koowa, hoi man hi, well tutar.

Debleskri gili 66:2

Giwenn leske, te well leskro lab hadedo! Rakrenn win, har railo job hi!

Debleskri gili 99:3

Mu hadenn le lauter tiro baro un railo lab! Tu kokres hal o tchatcho Dewel.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

2. Mose 15:6

Tu, mo baro Dewel, har sorelo hi tiro tchatcho wast! Tu, baro Dewel, tiro tchatcho wasteha dal tu kolen an kotja, kai kuran pen tuha.

Daniel 2:20

un penas: Sharedo well o Dewel kanna un hako tsireske! Leske hi o goswepen un i soor.

Mateo 11:25

Un ap kau tsiro penas o Jesus: Tata, tu hal o rai pral o bolepen un i phub. Me sharau tut. Kowa, hoi tu kreh, sikral tu kolende, kai gar bud djinenna. Kolla, kai gosewo hi un bud djinenna, kolla haiwenn kowa gar.

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

5. Mose 28:58

Un o Mose penas dureder: Doleske denn jak, te djan ap o drom tumaro baro Deblestar! Un rikrenn leskre tsele laba, hoi an kau liil dren tchinlo hi! Un dikenn ap leste pre, ap tumaro rajeste, kai jaake baro koowa krell, kai darenn i menshe lestar.

1. Petro 1:3

Mer sharah o Debles, ko dades maro rajestar, o Jesus Kristestar. O Dewel kamas men jaake bud, te was job maro dad un das men o newo djipen. Un an mare djia djinah soreles, jaake har job o Jesus Kristes i mulendar djido kras,

Čačepangre 13:18

O bolepaskro o baro Deblestar penas ap leste: “Hoske putcheh tu pal miro lab? Kowa hi i lab, hoi well gar kharedo.”