Nehemia 9:27 - O Debleskro Drom 2021 (Sinte)

²⁷ Doleske dal tu len an o wast kolendar, kai lenge i pharo djipen kran. Un har len bari daar his, dan le gole ap tute. Un tu shunal len dran o bolepen, un kral tiro dji lenge pre, un bitchral lenge murshen, kai len win lan dran i tchilatche wasta.

O Debleskro Lab 2024 (Sinte-Manouche)

²⁷ Doleske dal tou len an o vast kolendar, kay lenge i pharo djipen kran. Oun har len bari daar his, dan le gole ap toute. Oun tou shounal len dran o bolepen, oun kral tiro dji lenge pre, oun bičral lenge morshen, kay len vin lan dran i čilače vasta.

Nehemia 9:27 ပူးပေါင်းရင်းမြစ်များ

2. Rajengro liil 13:5

Un o baro Dewel bitchras i Israelenge jekes, kai len win las dran i tchilatche wasta i menshendar dran o them Syria, te nai djiwenn i Israelitarja pale an pengre khera, jaake har glan ko tsiro his.

2. Rajengro liil 17:20

Doleske witsras o baro Dewel kol tsele menshen Israel ap i rig, un kras lengro djipen phares, un das len an i wasta kol menshendar, kai lendar tchoran, bis te his le dur lestar krik tradedo.

2. Rajengro liil 17:39

Me, o baro Dewel kokres, hom tumaro Dewel. Man mangenn an! Un me lau tumen win dran i wasta lauterendar, kai kamenn tumen marell.”

2. Familjakro liil 36:17

Un o baro Dewel mukas o baro rajes Nebukadnezar dran o them Babilonia pral lende te well. Leskre lurde maran i terne murshen o chareha, ninna an o Debleskro kheer. O baro rajes dran Babilonia khaitas kek, gar i terne mursha, witar gar i terne tcha, gar i phure, ninna te his le nasselo. Halauteren das o baro Dewel an leskro wast.

Nehemia 9:19

Tu mukal len gar kokres, kote an o mulo them. Jaake baro his tiro kamlepen lenge. Koi bari wolka atchas ap o diwes, te sikrell li o drom, koles jon hunte djan. Un i jag atchas an i rat, te well len i momeli ap o drom, koles jon djan.

Debleskri gili 136:24

Un las men win dran i wasta kolendar, hoi menge o djipen phares kran. Leskro latchepen atchella hako tsireske!

3. Mose 26:17

Me dikau buder gar latches ap tumende, un tumer wenn dino kolendar, kai kurenn pen tumentsa. Kolla, kai kamenn tumaro merepen, wenn rai pral tumende. Tumer han ap o naashepen, ninna te lell tumen kek palla.

Obadja 1:21

Un kolla ap i berga Zion, kai win lino wan dran o pandepen, len hi penepaske pral i Edomarja ap pengre berge. Un o baro Dewel hi o baro rai.

Čačepangre 2:18

Un te mukas o baro Dewel lenge tchatchepangre murshen pre te stell, palle his job ko tchatchepaskro mursheha, un las len win dran i tchilatche wasta. Les khaitas lengro ropen pral kolende, kai lenge o djipen phares kran. Jaake rah har ko tchatchepaskro rai djiwas, shunan le ap o baro Debleste.