Nehemia 6:14 - O Debleskro Drom 2021 (Sinte)

¹⁴ Miro Dewel, biste kowa lenge gar, hoi o Tobija un o Sanballat kran, un ninna hoi i Noadja an o Debleskro lab pral mande win rakras, un kol tsele wawar, kai kran, har te rakrans le Debleskre laba win, un kaman mange daar te krell.

O Debleskro Lab 2024 (Sinte-Manouche)

¹⁴ Miro Devel, biste kova lenge gar, hoy o Tobiya oun o Sanballat kran, oun ninna hoy i Noadya an o Debleskro lab pral mande vin rakras, oun kol tsele vavar, kay kran, har te rakrans le Debleskre laba vin, oun kaman mange daar te krell.

Nehemia 6:14 ပူးပေါင်းရင်းမြစ်များ

Nehemia 13:29

Miro Dewel, ma biste, kai anan jon ladj ap o rashajeskri budi, un rikran pen gar ap ko lab, hoi tu i rashajentsa un i Levitarentsa win kral.

Nehemia 5:19

Ma biste kowa mange, miro Dewel, hoi lauter kol menshenge krom!

Debleskri gili 137:7

Baro Dewel, ma biste gar, hoi i Edomarja kran, har jon ap ko diwes gole dan an i Jerusalem: “Phagenn o foro tele! Phagenn les tele bis ap o telstuno bar!”

Debleskri gili 22:1

I gili o rajeske pral i gipangre, te giwell har koi gili ‘I wesheskri grumni, hoi sik ap o diwes tradedo wella.’ O David kras kai gili.

Debleskri gili 63:1

I gili o Davidestar. Job kras kai gili an o mulo tato them Juda.

2. Mose 15:20

Un i Mirjam, o Aroneskri pheen, his i Debleskri rakepaskretsa. Un joi las peskri bashepaskri, hoi kharella pauka, an o wast, un i tsele djuwja lan ninna pengre bashepangre, un djan lake palla, un bashran un khelan.

Jeremia 14:15

Kowa hi, hoi me, o baro Dewel, krau ap kol rakepangre, kai penenn, te rakrenn le an miro lab, ninna te bitchrom len gar. Jon penenn ninna, te well kek kurepen un kek bok an kau them. Sawe rakepangre hunte merenn an o kurepen un i bokatar.

Jeremia 14:18

Djau me win ap o them, dikau me menshen, kai peran an o kurepen. Wau me an o foro, hi koi menshe tchiddo, kai meran i bokatar. Ninna Debleskre rakepangre un rashaja nashenn trujel an o them, un djinenn gar, hoi te krenn.

Jeremia 28:1

An kau emligo bersh an o pantchto tchon an o starto bersh, har o Zedekja o baro rai pral Juda his, rakras o rakepaskro, o Hananja, ap mande. Leskro dad his o Asur. O Hananja his i rakepaskro dran Gibeon, kai das glan, kai leskre laba o baro Deblestar wenna. Job rakras ap mande, har homs an o baro Debleskro kheer. Un i rashaja un kol wawar menshe, kai ninna koi his, shunan, har job mange penas:

Jeremia 28:10

Koi las o rakepaskro, o Hananja, ko kasht tele, hoi his o Jeremijes trul i meen, un phagas les an kotja.

Jeremia 28:15

Un o Jeremia penas ap o Hananja: “Shun, Hananja! O baro Dewel bitchras tut gar. Tu kral, te patsenn kal menshe chochepen.

Mateo 24:11

Ninna wenna bud chochene rakepangre un penenna, te hi le bitchedo o Deblestar. Kolla anenn bud menshen o tchatcho dromestar tele.

Mateo 24:24

Bud chochene mursha penenn ap tumende: Me hom ko baro rai, kolestar o Dewel penas, te well job. Un chochene rakepangre penenna: Me hom o Debleskro bitchedo. Un jon krenna baro un sorelo koowa, hoi i mensho nashte krell gar dran peskri soor. Kowa krenn le, te anenn le i menshen o tchatcho dromestar tele. Te djals kowa, anans le ninna kolen o Debleskro dromestar tele, kolen o Dewel peske win rodas.

Mateo 7:15

Denn jak, te patsenn gar kol chochene rakepangren, kai penenn, te wans le o Deblestar bitchedo! Jon krenn, har te wans le tumare phrala. An lengro dji hi le diwje djukle, kai marenna.

2. Timoteo 3:8

Glan rah tsiro shunan o Jannes un o Jambres gar ap o Moseste. Jaake shunenn kol menshe witar gar ap o tchatchepen. Jon hi nasselo an o shero, un lengro patsepen hi tchi moldo.

1. Johanni 5:16

Te dikeh tu, te kras i wawar patslo i tchilatcho koowa, palle hunte mangess tu o Debles leske! Un o Dewel dell les o djipen. Della ninna i doosh, hoi anell an o merepen. Un me penau gar, te mangess tu o Debles kolenge, kai koi doosh ap pende lan.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.