Nehemia 3:14 - O Debleskro Drom 2021 (Sinte)

¹⁴ Un o Viechengro Fuleskro Wudar tchiwas o Malkija pre, koleskro dad o Rechab his. Kowa his o pralstuno pral o them trul Bet-Kerem. Un job tchiwas kol dui wudja dren, un i kashtengre un i saster, hoi i wudja pandenna.

O Debleskro Lab 2024 (Sinte-Manouche)

¹⁴ Oun o firhengro Fouleskro Voudar čivas o Malkiya pre, koleskro dad o Rekab his. Kova his o pralstouno pral o them troul Bet-Kerem. Oun yob čivas kol douy voudya dren, oun i kashtengre oun i saster, hoy i voudya pandenna.

Nehemia 3:14 ပူးပေါင်းရင်းမြစ်များ

2. Samuel 4:2

Dui leskre murshendar his pralstune pral i lurdende. Ko jek kharas Baana, ko wawar Rechab. Lengro dad his o Rimmon dran o foro Beerot dran o kheer Benjamin. O foro Beerot his ninna an o them Benjamin.

2. Rajengro liil 10:15

Un har job kotar dureder djas, dikas job o Jonadabes, koleskro dad o Rechab hi, un penas ap leste: “Latcho diwes”, un putchas lestar: “Rikreh tu ap mande, jaake har rikrau me ap tute?” O Jonadab penas: “Awa!” Koi penas o Jehu: “Te hi kowa jaake, de man tiro wast!” Un o Jonadab das les peskro wast. Koi mukas o Jehu les pash peste ap o wurdin te djal,

1. Familjakro liil 6:40

Un jon dan len o foro Hebron an o them Juda un koi tseli phub trul Hebron lengre viechengre, te nai chan le.

Nehemia 12:31

Un me – penas o Nehemia – mukom i pralstunen o themestar Juda pre ap i massuri te djal; un mukom gipangren ap i tchatchi rig un ap i serwi rig te djal, te sharenn le o Debles. Kolla, kai tchatches pre djan, djan dureder pash o Viechengro Fuleskro Wudar.

Nehemia 2:13

Jaake djom rati dran o Telstuno Wudar win, un dureder glan wergel ko pani, hoi kharell Sapeskro Pani, un kotar dureder bis pash o Viechengro Fuleskro Wudar. Un me dikom mange mishto an, kai o foreskre massurja dren phagedo hi un kol wudja pre-chatchedo wan.

Nehemia 3:9

Un kolenge ap i rig budras o Refaja, koleskro dad o Hur his. O Refaja his o pralstuno pral o paash foro Jerusalem.

Jeremia 6:1

Tumer menshe dran o kheer Benjamin, nashenn dran Jerusalem! un phurdenn koi phurdepaskri an Tekoa! Krenn i jag ap i berga Bet-Kerem, te well o jagakro ducho i sikepen! Bari bibacht un merepen well kotar, kai norden hi.