Nehemia 13:13 - O Debleskro Drom 2021 (Sinte)

¹³ Un me rodom murshen win, te wenn le i pralstune pral i chapangre khera. Kolla his o rashai, o Shelemja, un o tchinepaskro, kai lila tchinell, o Zadok, un o Levitari, o Pedaja. Kolenge ap i rig his tardo o Hanan, koleskro dad o Sakkur his, koleskro dad o Mattanja his. Kolla star his mursha o labestar. Kolenge was penlo, te denn le ko chapen ap pengre phralende.

O Debleskro Lab 2024 (Sinte-Manouche)

¹³ Oun me rodom morshen vin, te venn le i pralstoune pral i rhapangre khera. Kolla his o rashay, o Shelemya, oun o činepaskro, kay lila činell, o Zadok, oun o Levitari, o Pedaya. Kolenge ap i rig his tardo o Hanan, koleskro dad o Zakour his, koleskro dad o Mattanya his. Kolla star his morsha o labestar. Kolenge vas penlo, te denn le ko rhapen ap pengre phralende.

Nehemia 13:13 ပူးပေါင်းရင်းမြစ်များ

2. Rajengro liil 12:15

Kol tsele lowe dan le kol budepangren, te nai well halauter pale newes un shukar kerdo, hoi paash un djungelo his ap o baro Debleskro kheer.

2. Rajengro liil 12:16

Un kol murshen, kai ko tselo rup dino was, te denn le les i budepangren, kolla hunte penan kekeske, har jon ko rup win dan. Jon his mursha o labestar un lenge was patslo.

2. Rajengro liil 22:7

Kol pralstune budepangre krenn pengri budi an o tchatchepen. Doleske hunte putchell o rashai lendar gar, hoi le kol tsele lowentsa kran.”

Nehemia 10:12

Micha, Rehob, Hashabja

Nehemia 10:38

Mer dah len ninna fun o newo jarro un kol newe rukengre, hoi ap mare ruka bares wan, ninna fun i newi mool un o newo djet un tchiwenn kowa lauter an i iseme pash maro Debleskro kheer. Ninna i Levitarjen te well, hoi lenge hi: o deshto kotar lauterestar, hoi ap maro phub baro was. Kolla te wenn un lenn penge o deshto kotar an hako gab un hako foro, kai mari hachetikri phub hi.

Nehemia 11:22

Un o pralstuno pral i Levitarja an Jerusalem his o Usi, koleskro dad o Bani his, koleskro dad o Hashabja his, koleskro dad o Mattanja his, koleskro dad o Micha his. Lengro phuro dad his o Asaf, kolestar i gipangre wan, kolengri budi his, te giwenn le an o Debleskro kheer.

Nehemia 12:35

Pal lende was o Secharja, koleskro dad o Jonatan his, koleskro dad o Shemaja his, koleskro dad o Mattanja his, koleskro dad o Mikaja his, koleskro dad o Sakkur his, koleskro dad o Asaf his;

Nehemia 12:44

An ko tsiro wan mursha win rodedo, kai jak hunte dan ap kol khera, kai o chapen dren anlo was, hoi i Israelitarja jaake hunte dan, har an o Moseskro liil tchinlo his: newo djob un newe rukengre, un o deshto kotar lauterestar, hoi le ap pengri phub trul i forja dren anan. Kowa lauter his i rashajenge un i Levitarenge. Un kol menshe an Juda his bachtelo pral pengre rashaja un Levitarja,

Nehemia 3:30

Pal koleste budras o Hananja, koleskro dad o Shelemja his, un o Hanun, o shobto tchawo ko murshestar Zalaf. Kolla kran i wawar kotar an i massuri newes. Pal kolende budras o Meshullam, koleskro dad o Berechja his. Un job budras wergel peskri isema.

Nehemia 7:2

Un me tchiwom dui pralstunen pral o foro Jerusalem, miro phrales, o Hanani, un o Hananja, kai o pralstuno lurdo pral o lurdengro kheer his. Job his i mursh o labestar, un djiwas jaake o Debleha har gar bud wawar.

Nehemia 8:4

Un o sikepaskro, o Esra, his tardo pre ap i kashteno mochton, hoi koleske kerdo was, te dikenn un nai shunenn les lauter. Un pash leste his tardo, ap i tchatchi rig: O Mattitja, un o Shema, un o Anaja, un o Urija, un o Hilkija, un o Maaseja. Un ap leskri serwi rig: O Pedaja, un o Mishael, un o Malkija, un o Hashum, un o Hashbaddana, un o Secharja, un o Meshullam.

Louka 12:42

Penas o Jesus: “I latcho budepaskro dell mishto garda ap peskro rajeskro kheer, un sowella gar. Leskro rai das peskre tsele budepangren an leskre wasta. Un ko latcho budepaskro dell lende hako diwes kowa, hoi len hunte well djipaske.

Bičepangre 4:35

un anan kol lowe pash i Jesuseskre bitchepangre. Un jon dan hakenes jaake bud, te his hakenes doha djipaske.

Bičepangre 6:1

An kol diwessa, kai i patsle budeder wan, djas i tchingepen mashkral i patslende, kai rakran hebretikes, un kol patslende, kai rakran grichtikes. Mashkral kolla, kai rakran grichtikes, his djuwja, kolengre romma mulo his. Un kolla lan gar jaake bud chapaske har kolla, kai rakran hebretikes. Doleske his kolla, kai rakran grichtikes, chojedo ap kolende, kai rakran hebretikes.

Bičepangre 6:3

Doleske, mire phrala, rodenn mashkral tumende efta murshen win! Kolla hunte wenn mursha, kai hi pherdo Debleskro Ducho un goswepen. Kolla hunte lenn koi budi ap pende.

1. Korintarja 4:2

Un i budepaskro hunte krell peskri budi mishto.

1. Timoteo 1:12

Me parkrau man pash maro rajeste, o Jesus Kristeste, kai das man i soor, te budrap leske. Job patsas ap mande, un tchiwas man an koi budi, te wap leske koi.

1. Timoteo 3:10

Lenn tumen i tsiro, te dikenn tumer, har jon djiwenna. Te nashte rakrell kek pral lende djungelo koowa, palle nai budrenn le i patslenge an o Debleskro kheer.