Nehemia 12:37 - O Debleskro Drom 2021 (Sinte)

³⁷ Un jon djan pash ko wudar, hoi Djido Panjeskro Wudar kharell; un dureder pre an o Davideskro foro, kote, kai djal i massuri bis pral o Davideskro kheer, un dureder bis pash o Panjeskro Wudar. Kowa hi ap koi rig o forestar, kai o kham pre djala.

O Debleskro Lab 2024 (Sinte-Manouche)

³⁷ Oun yon djan pash ko voudar, hoy Djido Panyeskro Voudar kharell; oun doureder pre an o Davideskro foro, kote, kay djal i massouri bis pral o Davideskro kheer, oun doureder bis pash o Panyeskro Voudar. Kova hi ap koy rig o forestar, kay o kham pre djala.

Nehemia 12:37 ပူးပေါင်းရင်းမြစ်များ

Nehemia 2:14

Un me klissom dureder pash o Djido Panjeskro Wudar un pash o rajeskro pani. Un har wom miro viecheha kote gar budeder dureder,

Nehemia 3:26

bis wergel o Panjeskro Wudar ap koi rig, kai o kham pre djal, un ko turmo, hoi pash o Debleskro kheer glan tardo hi. Kowa his gar dur fun koi platsa Ofel, kai kol budepangre djiwan, kai an o Debleskro kheer budran.

Nehemia 8:1

Un har o eftato tchon was, un i Israelitarja pale an pengre forja his, wan i tsele menshe khetne har jek mursh ap i platsa glan o Panjeskro Wudar. Un jon penan ap o Esra, te anell job o Moseskro liil, kai dren tardo hi, hoi o baro Dewel penas, hoi i Israelitarja hunte krenn un rikrenn. O Esra his i sikepaskro, kai prindjras mishto o Debleskro lab.

Nehemia 8:16

Kote djan i menshe win un anan kashta i patjentsa un kran penge patjengre khera. Un hakeno kras peske sau kheer, kol jek pral ap pengre khera, kol wawar pal pengre khera, ninna ap koi platsa glan o Debleskro kheer un ap i platse pash o Panjeskro Wudar un pash o Efrajimeskro Wudar.

Nehemia 8:3

Un sik taissarlakro bis mashkral o diwes draweras job dran ko liil glan, kote ap koi platsa glan ko Panjeskro Wudar. Un hakeno das jak ap kowa, hoi an ko liil dren tardo his.