Nehemia 12:31 - O Debleskro Drom 2021 (Sinte)

³¹ Un me – penas o Nehemia – mukom i pralstunen o themestar Juda pre ap i massuri te djal; un mukom gipangren ap i tchatchi rig un ap i serwi rig te djal, te sharenn le o Debles. Kolla, kai tchatches pre djan, djan dureder pash o Viechengro Fuleskro Wudar.

O Debleskro Lab 2024 (Sinte-Manouche)

³¹ Oun me – penas o Nehemia – moukom i pralstunen o themestar Youda pre ap i massouri te djal; oun moukom gipangren ap i čači rig oun ap i servi rig te djal, te sharenn le o Debles. Kolla, kay čačes pre djan, djan doureder pash o firhengro Fouleskro Voudar.

Nehemia 12:31 ပူးပေါင်းရင်းမြစ်များ

1. Familjakro liil 13:1

Un o David beshas pes khetne kol pralstunentsa pral i sero lurdende un kolentsa pral sheel lurdende un kol wawar bare lurdentsa un rakras lentsa.

1. Familjakro liil 28:1

O David mukas i tsele pralstunen khetne gole te dell an o foro Jerusalem: Kolla his: i pralstune pral i deesh-te-dui bare familjende, i pralstune pral i lurdende, kai his khetne lino, te wenn le jek tchon an o bersh o baro rajeske koi, i pralstune pral jek sero lurdende un kolla pral jek sheel lurdende, kol mursha, kai dan jak ap o brawlepen un ap i viechende o baro rajestar un leskre tchawendar, i pralstune pral o baro rajeskro kheer, i sorele kurepangre, un i tsele an-dikle mursha.

2. Familjakro liil 5:2

Kote mukas o baro rai Salomo i phureden dran Israel pash peste well an o foro Jerusalem: kolla, kai his i pralstune pral i deesh-te-dui bare khera o Jakobeskre deesh-te-dui tchawendar, un i pralstune pral lengre tsele familje. Khetne lentsa kamas job o baro Debleskro mochton, kai o Debleskre deesh laba dren tchiddo hi, an o Debleskro kheer te anell. Ko mochton his tchiddo an o Davideskro foro ap i berga Zion.

Nehemia 12:32

Un kolenge palla djas o Hoshaja un o paash i pralstunendar dran o them Juda.

Nehemia 12:38

Un kol wawar gipangre djan serwes. Un me djom pal lende khetne ko wawar paash kol pralstunendar. Un mer djam pral ap koi massuri bis pash ko bobeskro turmo un dureder pash ko kotar an i massuri, hoi kharell Buchli Massuri,

Nehemia 12:40

Jaake wan i gipangre i tchatchi rigjatar un i serwi rigjatar, un atchan tardo pash o Debleskro kheer. Me ninna un ko paash kol pralstunendar, kai mantsa djam, wam un atcham koi tardo.

Nehemia 2:13

Jaake djom rati dran o Telstuno Wudar win, un dureder glan wergel ko pani, hoi kharell Sapeskro Pani, un kotar dureder bis pash o Viechengro Fuleskro Wudar. Un me dikom mange mishto an, kai o foreskre massurja dren phagedo hi un kol wudja pre-chatchedo wan.