Nahum 3:7 - O Debleskro Drom 2021 (Sinte)

⁷ Hakeno, kai tut palle dikell, nashell tutar un penell: Ninive hi paash dino! Kekes khaitell ko foro. Kekes hi latche laba ko foreske.

O Debleskro Lab 2024 (Sinte-Manouche)

⁷ Hakeno, kay tout palle dikell, nashell toutar oun penell: Ninive hi paash dino! Kekes khaytell ko foro. Kekes hi lače laba ko foreske.

Nahum 3:7 ပူးပေါင်းရင်းမြစ်များ

Jesaja 51:19

Kal dui koowa wan ap tute: Tiro them was paash dino un tire forja tele-phagedo. Bud tire menshendar meran i bokatar un an o kurepen. Un kek hi koi, te rowell lo tuha, te penell lo tuke latche laba.

Jeremia 15:5

Koon krell peskro dji tuke pre, Jerusalem? Kones khaiteh tu? Un koon wella un putchella, har tuke djala?

Jeremia 50:18

Doleske penell o baro Dewel, ko rai pral o bolepen un i phub, kai o Israeleskro Dewel hi: Tchatchepah, me dau o rajes pral o them Babilonia un leskro them pengri phagi, jaake har dom o rajes pral o them Assur peskri phagi.

Jeremia 51:9

[I wi-themarja, kai kote djiwenn, penenn:] Mer kamam o foro Babilon sastes te krell, un job kamas gar sasto te well. Palle mukenn les, har job kamella! Mer djas halauter pale an mare themma! Leskri phagi hi jaake baro, te djal li bis an o bolepen.

Ropaskre gilja 2:13

Ach, Jerusalem, hoi te penap tuke? Miro foro, hoi jaake kamau, har nai dap tut kamle laba? Kekeske djas jaake djungeles har tuke! Hoi nai penoms tuke, te djal tuke feteder? Tiri duk hi jaake baro har o baro pani. Koon nai krell tut sasto?

Nahum 1:1

Kawa hi ko liil, kai tchinlo hi, hoi rakras o baro Dewel pral o foro Ninive. Job sikras kowa peskro rakepaskreste, o Nahum. Kowa was dran ko gab Elkosh.

Zefanja 2:13

Un o baro Dewel hadell peskro wast ap koi rig, kai norden hi, te krell lo o them Assur paash. Un o forestar Ninive atchell tchi har paash-dine khera. O foro well har i mulo them, kai buder kek menshe djiwenna.

4. Mose 16:34

Har i wawar Israelitarja, kai trul lende his, shunan, har jon gole dan, nashan le penge. Jon trashan, te chal len i phub ninna pre.

Debleskro tsiro 18:10

Dur glan o foro hi le tardo i darjatar, te well koi bibacht ninna ap lende, un jon penenna: “Dikenn! Hawi bibacht! Hawi bibacht! O baro foro Babilon, o sorelo foro! Leskri phagi was an jek tikno tsiro pral leste.”