Nahum 3:17 - O Debleskro Drom 2021 (Sinte)

¹⁷ Tumare raja hi har sawe stepangre, tumare pralstune har bud sawe stepangre, kai beshenn pen khetne ap i massuri ap i shila diwes. Un har o kham palle pre djal, hi le pale krik, Kek djinell, kai le hi.

O Debleskro Lab 2024 (Sinte-Manouche)

¹⁷ T'mare raya hi har save stepangre, t'mare pralstoune har boud save stepangre, kay beshenn pen khetne ap i massouri ap i shila dives. Oun har o kham palle pre djal, hi le pale krik, Kek djinell, kay le hi.

Nahum 3:17 ပူးပေါင်းရင်းမြစ်များ

Jeremia 51:27

Hadenn o kurepaskri plachta pre ap i phub! Phurdenn an i phurdepaskri an i tsele themma! Denn i rajen pral i wawar themma gole, te djan le an o kurepen o foreha Babilon! Penenn i bare rajenge pral i themma Ararat, Minni un Ashkenas, te bitchrenn le lurden, te kurenn le pen i menshentsa an Babilon! Rodenn lurdengre pralstunen win! Anenn jaake bud graja khetne har stepangre!

Ezekiel 31:12

Lurde dran wawar themma, kolen kek dji leske hi, wan un dan les trujel, un mukan les tchiddo. Ap i berge un an i tale peran leskre kashta. Ninna pash i tsele tikne panja an o them his lauter phagede kashta lestar tchiddo. Un i tsele menshe dran wawar themma, kai nai khatran pen buder gar glan o kham tel leste, mukan les tchiddo un djan penge.

Nahum 2:9

Halauter nashenn dran o foro Ninive har pani, hoi dre-pandlo his, win nashell, te well o wudar pre kerdo. Atchenn tardo! Atchenn tardo! denn le gole pal lende. Kek rissrell pes!

Debleskro tsiro 9:7

Un kol stepangre his har graja, kai djan an o kurepen. Un hakenes his ap leskro shero tchomone har i shereskro sonakai, jaake har bare rajen hi. Un lengre muja his jaake, har wans le menshengre muja.