Nahum 3:15 - O Debleskro Drom 2021 (Sinte)

¹⁵ Ninna te krenn kowa lauter, well i jag un chal tumen, un i lurde pengre charentsa marenn tumen. Ninna te han tumer jaake bud har stepangre, tumendar atchell gar budeder pral har i hachetikri phubjatar, kai chan i stepangre o djob pre.

O Debleskro Lab 2024 (Sinte-Manouche)

¹⁵ Ninna te krenn kova lauter, vell i yag oun rhal t'men, oun i lourde pengre rharentsa marenn t'men. Ninna te han t'mer yaake boud har stepangre, t'mendar ačell gar boudeder pral har i harhetikri phoubyatar, kay rhan i stepangre o djob pre.

Nahum 3:15 ပူးပေါင်းရင်းမြစ်များ

Jesaja 66:15

Dik, o baro Dewel well an i jag, un leskre wurdja hi har i sorelo phurdepen. Job dell len lengro tchilatchepen pale i bari choljah, un leskro tchingepen hi har jag, kai chatchrell.

Jesaja 66:16

I jagah un peskro chareha krell o baro Dewel o tchatchepen win pral i tsele menshende, un bud lendar wenn jaake maredo.

Jeremia 51:14

O baro Dewel, ko rai pral o bolepen un i phub das pes sowel pash peste: Tchatchepah, me anau bud lurden an tiro foro – jaake bud har stepangre! Un jon denn bari gole i bachtjatar, te lenn le tiro foro dren.

Joel 1:4

Bud bud stepangre wan pral o them un beshan pen ap o djob. Hoi mukan kolla pral, chan kolla, kai pal lende wan. Hoi kolla pral mukan, chan kolla, kai pal kolende wan. Hoi palle pral atchas, chan kolla, kai pal kolende wan.

Joel 2:25

Un me dau tumen kol bersha pale, hoi nashran, har i bud stepangre lauter chan. Me homs, kai kolen lauteren mank tumende bitchrom.

Amos 7:1

O baro Dewel, maro rai, mukas man te dikell, har kras jek stepangre. Kowa his an ko tsiro, har o khass o duito kopo pre djas, pal kowa, har mukas o baro rai o khass o ersto kopo te tchinell.

Nahum 2:13

O lewo randas un tapras jaake bud viechen, te wan leskre tchawe un leskre romja tchalo. Leskro khatepen kras lo pherdo koleha, hoi lo randas un maras.

Nahum 3:13

Tire kurepangre – har djuwja wan le! I wudja glan tiro them hi dur pre, te nai djan kolla dren, kai kamenn tut te marell. I jag chatchrell kol sorele kashta, kolentsa i bare wudja pandle hi.

Zefanja 2:13

Un o baro Dewel hadell peskro wast ap koi rig, kai norden hi, te krell lo o them Assur paash. Un o forestar Ninive atchell tchi har paash-dine khera. O foro well har i mulo them, kai buder kek menshe djiwenna.