Nahum 2:3 - O Debleskro Drom 2021 (Sinte)

³ O Israel his har i shukar drakengro them, hoi i randepangre khetne stakran, un lengre drakengre kashta tele dan. Kanna dell o baro Dewel o Jakobeskre tchawende pengro barepen pale pale.

O Debleskro Lab 2024 (Sinte-Manouche)

³ O Israel his har i shoukar drakengro them, hoy i randepangre khetne stakran, oun lengre drakengre kashta tele dan. Kanna dell o baro Devel o Yakobeskre čavende pengro barepen pale pale.

Nahum 2:3 ပူးပေါင်းရင်းမြစ်များ

Hiob 39:23

Ap leskri rig hi i possita, an kolate stenn i faile, un i lengste tchurja dikenn win har jag, te perell o kham pre.

Debleskri gili 80:13

Hoske phagal tu kol barra tele, hoi trul leste pre-tchiddo wan? Kanna nai lell hakeno peske drake lestar tele, kai kote djal.

Jesaja 14:8

Ninna i zipresstikre ruka hi bachtele pral tute, un kol zedertikre ruka ap o Libanon penenn: “Jaake rah har tu koi tchiddo hal well kek kai pre, un dell men trujel.”

Ezekiel 23:24

Un jon wenn pral tute pengre wurdjentsa o kurepaske, ninna kol wurdjentsa, hoi hidjrenn chapen un wawar koowa, un bud bud lurdentsa. Un jon wenn trul tute trujel, un hidjrenn bare un tikne shilte, un sasterne stadja. Lenge dau tut an i wasta, te denn le tut tiri phagi pal lengro tchatchepen.

Ezekiel 26:7

Kawa penell o baro Dewel, maro rai: Me mukau o Nebukadnezar, ko baro rai dran o them Babilonia, ko sorleder i tsele rajendar, pral tute, Tirus, te well fun kotar, kai norden hi. Un khetne leha wenn graja, wurdja o kurepaske, klissepangre un bud bud lurde.

Nahum 3:2

I klissepangre wenna! Shunenn, har denn le pengre tchupjentsa! Jaake sik har djala nashenn i graja. I wurdja ulerenn, te krenn i rade bari gole. I klissepangre hadenn pengre sasterne chare un witsepaskre tchurja. Koi hi le tchiddo – bud bud marede menshe, jaake bud, te perenn i djide pral lende. Jaake bud mule, te nai djinell kek, har bud jon hi.

Zakarie 1:8

Me dikom an i rati i murshes, kai klissas ap i lolo grai. Job atchas tardo an i tala mank i mirtetikre ruka. Pal leste his wawar graja: lole graja, kalo-parne graja un parne graja.

Zakarie 11:2

Rowenn, tumer wawar senele ruka! Kol raile zedertikre ruka peran, hi buder gar koi. Rowenn, tumer eichtikre ruka an o them Bashan! O pesso weesh hi tele dino.

Zakarie 6:2

Glan o ersto wurdin his lole graja, glan o duito kale graja,

Debleskro tsiro 12:3

Un i wawar baro koowa sikras pes ap o bolepen: I baro lolo sap was. Un les hi efta shere un deesh shinga. Un ap hako shero hi shereskro sonakai.

Debleskro tsiro 6:4

Un i wawar grai was win. Ko grai his lolo har i jag. Un kowa, hoi pre beshdo his, koles was i soor dino, te anell lo o kurepen ap i phub, jaake te marenn pen i menshe. Un les was i baro charo dino.