Nahum 2:2 - O Debleskro Drom 2021 (Sinte)

² Tumer menshe an o foro Ninive, kurepangre wenna, te krenn le tumaro foro paash. Denn garda ap o foreskri massuri! Rikrenn i dromma an i jak! Lenn i chare an o wast! Anenn tumare tsele lurden khetne!

O Debleskro Lab 2024 (Sinte-Manouche)

² T'mer menshe an o foro Ninive, kourepangre venna, te krenn le t'maro foro paash. Denn garda ap o foreskri massouri! Rikrenn i dromma an i yak! Lenn i rhare an o vast! Anenn t'mare tsele lourden khetne!

Nahum 2:2 ပူးပေါင်းရင်းမြစ်များ

Debleskri gili 47:4

Job witsras menge i menshen dran wawar themma tel mare pire, un tchiwas men pral lende.

Jesaja 60:15

His i tsiro, kai hals muklo, un kek kamas tut un djas pash tute. Kanna krau tutar, te wess hako tsiro sharedo un shukar, i foro, kai hi hakeno bachtelo jaake rah har menshe ap kai phub hi.

Jeremia 25:29

Shunenn, ko foro, hoi pal mande kharedo hi, hi kowa, kai anau i bibacht glanstunes ap leste. Patsenn tumer, kai lenn gar tumari phagi? Na-a! Tumer ninna lenn tumari phagi. Me bitchrau o kurepen pral halauterende, kai djiwenn ap kai phub. Kowa penell o baro Dewel, ko rai pral o bolepen un i phub.

Jeremia 48:11

Jaake rah har o them Moab koi hi, djiwan leskre menshe kek kurepah. An kek tsiro hunte djan i Moabarja an o pandepen. Jon nai atchan khere jaake har i mool, kai atchas an jek kashtengri piri, un was gar tchoredo dran jek piri an i wawar. Doleske sungell li pal peste kokres, un lakro sungepen atchas ap leste.

Jeremia 49:9

Kolla, kai i drake tele lenna, wenna pral lende. Tchi mukenn le pral! Tchorepangre wenn rati pral lende, un tchorenn len win, har lengro dji les lenge penella!

Ezekiel 37:21

Un pen ap lende: Kawa penell o baro Dewel, maro rai: Denn jak, me lau i Israelitarjen dran kol tsele themma win, an kolende jon hunte djan, un lau len khetne haki rigjatar, un anau len pale an lengro them.

Ezekiel 37:23

Un jon mangenn buder gar pengre chochene deblen un djungele figuren an, un krenn pen buder gar pale-tchiddo dran kolende un dran ko wawar djungelo koowa, hoi le kran. Me lau len win dran lengri doosh, hoi le pale te pale ap pende anan, har le miro dromestar tele djan. Un me krau, te hi le buder gar pale-tchiddo. Un jon wenn mire menshe, un me wau lengro Dewel.

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.

Nahum 2:10

Tumer lurde, randenn rup, randenn sonakai! O foro hi pherdo brawlepen, pherdo kutch koowa!

Nahum 3:14

Hidjenn tumenge pani khetne ko tsireske, kai tchiwenn pen i lurde trul tumaro foro tardo, un tumer jaake dren pandlo han. Dikenn pal tumare massurja, krenn len sorleder! Stakrenn koi tchik, kolatar tumer barra chatchenn! Krenn sorele barra!

Zefanja 3:11

An ko tsiro hunte ladjenn tumer Israelitarja tumen buder gar doleske kai tumen pral mande hadan, un jaake bud tchilatchepen kran. Me lau kol pre-phurden, kai rikran jaake bud pendar, mashkral dran tumende krik. Ap miri berga, kai me djiwau, dell buder kekes, kai krell pes bares.