Nahum 2:12 - O Debleskro Drom 2021 (Sinte)

¹² Hoi was kanna dran o foro Ninive? O foro his har i khatepen, kai o lewo un i lewetsa pengre ternentsa trujel nashan, un kek koi his, kai lenge kote nai daar krals.

O Debleskro Lab 2024 (Sinte-Manouche)

¹² Hoy vas kanna dran o foro Ninive? O foro his har i khatepen, kay o levo oun i levetsa pengre ternentsa trouyel nashan, oun kek koy his, kay lenge kote nay daar krals.

Nahum 2:12 ပူးပေါင်းရင်းမြစ်များ

2. Samuel 17:8

Tu prindjreh tiro dades un leskre lurden, kai hi sorele kurepangre un chojedo har i diwjo dajengro viecho an o weesh, koleske jek i ternen krik las. Ninna hi tiro dad i lurdo, kai prindjrell o kurepen. Job sowell gar pash i wawar lurdende.

Debleskri gili 17:12

Jon hi har i lewo, hoi khatedes beshdo hi, un ap jekeste lurella, hoi job nai chal.

Jeremia 51:34

O foro Jerusalem penell: O Nebukadnezar, ko baro rai dran o them Babilonia, chas man pre un maras man. Har i baro panjeskro sap chas lo man, un kras peskro per pesso miro brawlepah. Palle witsras lo man krik har i khoro, kai tchi dren hi. “Mu well pral o foro Babilon ko tchilatchepen, hoi was menge ninna kerdo”, penenn i menshe ap i berga Zion. “I Babilonarja mukan maro rat te nashell. Kanna mu nashell lengro rat!”

Nahum 2:11

Khetne stakedo un wi-tchoredo well o foro. Halauteren hi darene djia, lengre herja trissenn i darjatar. Jon djan bango i dukatar, lenge muja hi parno.

Nahum 2:13

O lewo randas un tapras jaake bud viechen, te wan leskre tchawe un leskre romja tchalo. Leskro khatepen kras lo pherdo koleha, hoi lo randas un maras.

4. Mose 23:24

Kai natsjona hi har i terni bari margodja, un well sorelo har i bari margodja, hoi tchiwell pes gar tele, bis te chas li pre, hoi joi maras, un pijas ko rat kolendar, hoi joi mulo das.