Nahum 1:8 - O Debleskro Drom 2021 (Sinte)

⁸ I baro sorelo panjeha khossell lo o foro krik kolendar, kai hadan pen pral leste. Un an i kali rat tradell lo len.

O Debleskro Lab 2024 (Sinte-Manouche)

⁸ I baro zorelo panyeha khossell lo o foro krik kolendar, kay hadan pen pral leste. Oun an i kali rat tradell lo len.

Nahum 1:8 ပူးပေါင်းရင်းမြစ်များ

Hiob 30:15

Bari daar tapras man. Miro an-dikepen djas peske, har te phurdals les i ducho krik. Un miri bacht djas krik har i wolka.

Hiob 40:11

Tchore tiri tseli choli win, dik ap lauterende, kai pre-phurdo hi, un witse len tele!

Gosewe laba 4:19

O drom kolendar, kai o tchilatchepen krenn, hi har i kali rat; jon nai dikenn gar, pral hoi jon perenn.

Jesaja 13:10

I bolepangre momlia chatchenn buder gar. Hi sawe koi, kai dikeh buder gar. O kham well kalo, sik pal kowa kai lo pre djas. Un o tchon hi buder gar djelto.

Jesaja 13:9

Kanna well lo, ko diwes, kai o baro Debleskri choli well! Djungeles hi ko diwes, pherdi choljah. An leskri bari choli krell o baro Dewel i phub paash, un tradell i tchilatchen latar win.

Jesaja 28:17

An miro kheer djiwell o tchatchepen, un mire menshende dau tchatchepaskre laba. Sorelo brishin, kai brishineskre barra dren hi, dell palle o chochepen paash, ap koleste tumen rikrenn. Un panja hidjrenn tumaro khatepen krik.

Jesaja 28:18

Un kowa, hoi tumer win kran o merepah un o mulengro themeha, well krik lino un hi gar buder. Un i lurde wenn har i baro pani, un stakrenn tumen khetne.

Jesaja 28:2

O baro Dewel bitchrell jekes, koles bud soor un penepaske hi. Un kowa well har i baro diwjo phurdepen, kai brishineskre barra dren hi, un hoi lauter paash dell. Job witsrell halauter tel peste an i tchik, jaake har i baro brishin, hoi lauter tel pani tassell.

Jesaja 8:22

un tel pende ap i phub, un hatsenn tchi har daar un tamlepen, awa bari daar un kali rat, kai hi le dren tradedo.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Jeremia 51:64

un pen: “Jaake hunte djal o foro Babilon tele, un well buder gar pre dran koi bari bibacht, hoi o baro Dewel pral kau foro anell.” Palle hi ko foro buder gar koi. Kalla his o Jeremijeskre laba.

Ezekiel 13:13

Kawa penell o baro Dewel, maro rai: An miri tati choli mukau me i sorelo ducho win te phagell, un i sorelo brishin te well, un brishineskre barra te perell, te well i massuri paash dino.

Daniel 11:10

Un leskre tchawe djan an o kurepen, un anenn bud bud lurden khetne. Un jek lendar well har i sorelo pani pral o them, un djal kau kopo glan bis pash o sorelo foro o wawar baro rajestar.

Daniel 11:22

Un kol lurde, kai har bare panja ap leste djan, thowell lo pestar tele, har te wans le tchi. Un ninna marell lo i rajes, kai hi o pralstuno pral o Debleskre menshende.

Daniel 11:40

Un an ko tsiro, kai i phub buder gar rah koi hi, djal o baro rai pral o them Egiptia ap leste pre. Un o baro rai pral o them Syria dell i sorjah pale, un well peskre kurepangre wurdjentsa un peskre lurdentsa, kai ap i graja klissenna un bud shiffe. Un sorjah perell lo an i themma dren; har i baro sorelo pani well lo pral lende.

Daniel 9:26

Un pal kol efta kope 62 (shob-deesh-te-dui) bersha well ko rai maredo, kai o Deblestar bitchedo was. Un kek his ap leskri rig tardo. Un palle wenna lurde jek rajestar, kai gomme wella, un denn o fores un o Debleskro kheer paash. Un jon djan tele har an i baro pani. Un jaake rah har i phub gomme koi hi, atchell kurepen un marepen. Kowa hi i wi-kerdo koowa.

Amos 8:8

Doleske krau, te trissell i phub, un hakeno an o them trashell. O tselo them hadell pes un djal pale tele har o lengsto pani Nil an o them Egiptia.

Nahum 1:1

Kawa hi ko liil, kai tchinlo hi, hoi rakras o baro Dewel pral o foro Ninive. Job sikras kowa peskro rakepaskreste, o Nahum. Kowa was dran ko gab Elkosh.

Nahum 2:8

Koi rani well pandles krik anlo. Lakre djuwjengre budepangre rowenn har i taube, un denn penge ap pengro betch.

Zefanja 2:13

Un o baro Dewel hadell peskro wast ap koi rig, kai norden hi, te krell lo o them Assur paash. Un o forestar Ninive atchell tchi har paash-dine khera. O foro well har i mulo them, kai buder kek menshe djiwenna.

Mateo 7:27

Har das sorelo brishin, un bud pani was, un i sorelo ducho phurdas ap ko kheer, koi peras ko tselo kheer khetne.”

Mateo 8:12

Un i biboldendar wenna bud an i kali rat win witsedo. Un jon rowenna, un dandrenn i danda i dukatar khetne.”

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.