Nahum 1:7 - O Debleskro Drom 2021 (Sinte)

⁷ Kamles hi o baro Dewel. Job prindjrell kolen, kai ap leste dikenna. Jon nai khatrenn pen pash leste an phare tsirja.

O Debleskro Lab 2024 (Sinte-Manouche)

⁷ Kamles hi o baro Devel. Yob prindjrell kolen, kay ap leste dikenna. Yon nay khatrenn pen pash leste an phare tsirya.

Nahum 1:7 ပူးပေါင်းရင်းမြစ်များ

1. Familjakro liil 16:34

Sharedo well o baro Dewel! Parkrenn tumen pash o baro Debleste! Job hi i latcho Dewel. Leskro latchepen atchella hako tsireske.

1. Familjakro liil 5:20

Un i lurde dran i khera Ruben un Gad un Manasse dikan ap o baro Debleste un dan gole ap leste, te well lo lenge ap i rig. Un job shunas ap lende, un das i Hagararja an lengre wasta un lauteren, kai pash lende his.

2. Familjakro liil 13:18

Jaake wan i mursha dran Israel phagedo, un i mursha dran o them Juda wan i sorleder doleske kai rikran jon pen ap o baro Debleste, koles lengre phure an-mangan.

2. Familjakro liil 32:11

O Hiskija penell tumenge chochene laba, te penell lo tumenge: ‘O baro Dewel hi maro Dewel, job lell men win dran o wast o baro rajestar pral o them Assur.’ Tchatchepah, job mukell tumen i bokatar un i trushatar te merell.

2. Familjakro liil 32:21

Kote bitchras o baro Dewel i bolepaskres. Kowa maras i tsele lurden, ninna lengre pralstunen un bare lurden ap i lurdengri platsa o baro rajestar dran o them Assur. Un i ladjatar djas lo pale an peskro them. Har job an o kheer leskro deblestar was, maran les leskre tchawe o chareha.

2. Familjakro liil 32:8

O baro rai dran Assur rikrell pes ap i menshengri soor. Pash mende hi o baro Dewel, kai maro Dewel hi. Job well menge ap i rig un kurell pes menge.” Un i menshe rikran pen ap kol laba, hoi lengro baro rai, o Hiskija, lenge penas.

Esra 3:11

Un jon giwan, sharan un parkran pen pash o baro Debleste: “Job hi latcho un leskro kamlepen hi an hako tsiro pral Israel.” Un i tsele menshe dan gole i bachtjatar, har parkran le pen pash o baro Debleste doleske, kai i telstune barra leskro khereske tchiddo his.

Debleskri gili 1:6

O baro Dewel prindjrell o drom kolendar, kai an o tchatchepen tardo hi. Un o drom i tchilatchendar anell len an i bibacht.

Debleskri gili 100:5

Kamlo hi o baro Dewel. Leskro latchepen atchell hako tsireske. Un leskro tchatchepen herell gar pre.

Debleskri gili 20:1

I gili o rajeske pral i gipangre. O David kras kai gili.

Debleskri gili 25:8

Latcho un tchatcho hi o baro Dewel. Doleske sikrell lo kolen, kai doosh ap pende lan, o tchatcho drom.

Debleskri gili 27:5

An o tchilatcho tsiro lell lo man an peskro kheer. Awa, an peskro kheer khatrell lo man, pral ap i baro bar hidjrell lo man.

Debleskri gili 37:39

O baro Dewel well ap i rig kolendar, kai ap leste rikrenna. An i pharo tsiro dell lo len soor.

Debleskri gili 37:40

Un o baro Dewel hi pash lende tardo, un lell len win, awa, dran o wast i tchilatchendar lell lo len win. Jon nashenn pash leste, un job dell garda ap lende.

Debleskri gili 46:2

O Dewel hi menge har i sorelo kheer, kai nai khatrah men. Job hi ap mari rig an phare tsirja.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 59:16

hoi nashenn trujel, te rodenn le penge chapen. Un te wenn le gar tchalo, sikrenn le pengre danda.

Debleskri gili 71:3

Ab mange har i baro sorelo bar, pash koleste nai nashau un man khatrau! Tu dal tiro lab, te wess ap miri rig. Tu hal mange har i baro sorelo kheer ap i barreskri berga, kai nai khatrau man.

Debleskri gili 86:7

Ap ko diwes, kai mange ropaske hi, dau ap tute gole, un tu shuneh man.

Debleskri gili 9:10

I bibachtele nai khatrenn pen pash leste, un job rikrell peskro wast pral lende, un dell jak ap lende an phare tsirja.

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

Gosewe laba 18:10

O baro Dewel hi har i baro sorelo kheer. Kowa, kai an o tchatchepen tardo hi, nashell pash leste un khatrell pes pash leste.

Jesaja 25:4

Tchatchepah, tu wal o tchorweleske har i sorelo kheer, kai job pes nai khatrell. Te krenn le leske o djipen phares, nai well lo pash tute. Tu hal har i kheer, kai nai khatrell jek pes, te dell baro brishin, un te chatchell o kham tele. Kol pralstune, kai sorjah ap mende djan, hi har i baro phurdepen, hoi phurdell an o wend,

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Jeremia 17:17

Kameh tu man traashnes te krell? Pash tute wau me un khatrau man ap o tchilatcho diwes.

Jeremia 24:5

Kowa penell o baro Dewel, ko Dewel pral o Israel: Kol menshe dran o them Juda, kolen tradom kate krik an ko them, kai i Kaldearja djiwenn, jon hi har i latche faige.

Jeremia 33:11

kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

Ropaskre gilja 3:25

Latches hi o baro Dewel koleske, kai dikell ap leste, un rodell les o tselo djijestar.

Daniel 3:28

Un o Nebukadnezar penas: “Sharedo well o Dewel, koles o Shadrach un o Meshach un o Abed-Nego an-mangenn. Job bitchras peskro bolepaskres un las peskre budepangren dran o merepen win. Kolla rikran ap leste, un shunan gar ap miro lab, un dan pengro djipen an o merepen. Jon kaman kek wawar debles an-mangenn har pengro Debles kokres.

Daniel 6:23

Miro Dewel bitchras peskro bolepaskres, un kowa pandas i muja kol lewendar, jaake te nai dukran le man gar. Miro Dewel dikell kek doosh ap mande. Un ninna ap tute, miro baro rai, krom me tchi, koleske i phagi hunte loms.”

Zefanja 3:12

Kokres tchorwele menshen, un sawen, kai rikrenn gar bud pendar, mukau djido an tiro them. Kolla patsenn pengro tselo djijeha ap o baro Debleste.

Mateo 27:43

Job patsas o Debles, un penas: Me hom o Debleskro tchawo. Te kamell o Dewel les o djijestar, mu well lo, un lell les kanna kau trushelestar tele!”

Mateo 7:23

Palle penau lenge: Me prindjrau tumen gar. Djan mandar, tumer tchilatche!

Johanni 10:14

Me hom o latcho bakrengro un prindjrau, koon mire bakre hi. Jon prindjrenn man,

Johanni 10:27

Mire bakre shunenn ap miro rakepen. Un me prindjrau len. Un jon djan mange palla.

Remarja 11:22

Jaake dikah, o Dewel nai well latcho, un job nai dell i phagi. Kolla, kai peran leskro dromestar tele, kolen dell lo i phagi. Latcho hi lo ap tumende, kai djiwenn dran leskro latchepen. Te djiwenn tumer buder gar dran leskro latchepen, tchinell lo tumen ninna tele.

Galatarja 4:9

Kanna prindjrenn tumer o Debles. Feteder hi, te penau me: O Dewel prindjrell tumen. Har nai tchiwenn tumer tumen pale tel kol sorja, ap kolende i menshe pandlo hi? Tumer shunenn pale ap laba, hoi tchi moldo hi, un an lende kek soor hi.

2. Timoteo 2:19

Ninna te hi sawe menshe koi, kai rakrenn chochepen, djinah mer: Kowa, hoi o Dewel kras, nashte krell kek paash. Kowa hi har i bar, hoi soreles tardo hi. Kek nai witsrell les trujel. Ap leste hi tchinlo: O rai prindjrella kolen, kai leskre hi. Un ninna hi tchinlo: Koon o rajes an-mangella, hunte mukell o tchilatcho drom.