Nahum 1:4 - O Debleskro Drom 2021 (Sinte)

⁴ Job tchingrell ap o baro pani, un o pani djal krik. Un kol lengste panja nashenn buder gar. O senlepen an o them Bashan un i ruka ap i berga Karmel merenn tele. Ninna i blume ap i berga Libanon merenn.

O Debleskro Lab 2024 (Sinte-Manouche)

⁴ Yob čingrell ap o baro pani, oun o pani djal krik. Oun kol lengste panya nashenn bouder gar. O zenlepen an o them Bashan oun i rouka ap i berga Karmel merenn tele. Ninna i bloume ap i berga Libanon merenn.

Nahum 1:4 ပူးပေါင်းရင်းမြစ်များ

1. Mose 8:1

O Dewel bistras o Noah gar, witar gar i viechen, kai pash leste an o panjeskro kheer his: kol diwje vieche un kolla, kai gar diwje hi. Un o Dewel mukas i baro ducho pral i phub te phurdell. Koi djas o pani tele.

2. Samuel 22:16

Kote was o telstunepen tel i panja diklo, un i telstuni phub was pre-tchakedo, har tu, baro Dewel, tchingral un trad dal an tiri choli.

Hiob 38:11

Un me penom: “Bis kate, un gar dureder wess! Tire sorele panja hunte djan gar pral wergel!”

Debleskri gili 104:7

Har tchingral ap leste, djas o pani pale, glan tiri gole nashas lo peske,

Debleskri gili 106:9

Job tchingras ap o Baro Lolo Pani. Koi djas o pani pale, un i phub his buder gar sapeno. Un job mukas len mank o pani te djal har te wals truk them.

Debleskri gili 114:3

Har wan le pash o baro pani, nashas o pani peske. Har wan le pash o pani Jordan, djas o pani pale.

Debleskri gili 114:5

“Tu baro pani, hoi his tuha, te nashal tuke, un tuha, tu pani Jordan, te djal pale?

Debleskri gili 18:16

Kote was o telstunepen tel i panja diklo, un i telstuni phub was pre-tchakedo, har tu, baro Dewel, tchingral un trad dal an tiri choli.

Debleskri gili 74:15

Tu mukal pani te nashell, kai kek his. Un kote, kai sorele panja nashan, hi le kanna buder gar koi.

Jesaja 33:9

Ninna o them rowell un nashrell peskri soor. I ruka ap i berge Libanon ladjenn pen un merenn tele. O shukar telstuno them Sharon dikell win har i diwjo truk them. Un i ruka ap i berge Bashan un Karmel witsrenn pengre patria tele.

Jesaja 42:15

Dran i tsele bare un tikne berge krau i mulo them. Lengro senlepen well djelto. Kote, kai panja nashenn, well i truk them, un i sapeni phub well truk.

Jesaja 44:27

Me hom kowa, kai ap o baro pani penell: “Ab truk!” Un kol lengste panja, hoi nashenn an o baro pani, krau me truk!

Jesaja 51:10

Hals gar tu kowa, kai o baro pani truk kras, un mank kol panja, hoi jaake dur tele djan, i drom das, jaake te nai djan kolla wergel, kai dran o pandepen win lino wan?

Ezekiel 30:12

Me krau, te wenn i lengste panja an o them Egiptia truk, un dau o them an o wast tchilatche menshendar. Un wi-themarja krenn o them un kowa, hoi dren hi, paash. Me, o baro Dewel penom kowa.

Ezekiel 38:20

Un glan mande trissenn i matche an o baro pani, i tchirkle un i wawar vieche, bare un tikne, hoi djiwenn ap i phub. Ninna i tsele menshe trissenn i darjatar. Un i berge phagenn khetne, i bare barra un i massurja perenn khetne.

Amos 1:2

O Amos penas: O baro Dewel dell bari gole i berga Zion pral tele. Leskri gole hi har i gole, hoi i lewo della, un well shunlo dran Jerusalem. O bakrengro them well truk, un o khass ap i berga Karmel well djelto.

Amos 5:8

O baro Dewel kras o bolepangre momlia, kol momlia, hoi sikrenn: o wend well un i nijal well. Dran i rat krell job o diwes, un dran o diwes i rat. Dran o baro pani lell job o pani un tchorell les ap i phub. Job kharell ‘Baro Dewel’.

Mateo 8:26

Koi penas lo: “Hoske trashenn tumer? Kai hi tumaro patsepen?” Un job stas pre, un penas ap ko sorelo ducho, hoi phurdas pral o pani: “Atch kanna!” Un ap o baro pani penas lo: “Muk tele!” Un o sorelo ducho phurdas buder gar, un o pani his buder gar diwjo.

Josua 3:16

atchas o pani, hoi pralstunes lendar his, tardo har i kheer dur pral pash o foro Adam, hoi pash Zaretan tchiddo hi. Un ko pani, hoi telstunes lendar his un tele an o Londo Baro Pani nashell, kowa nashas buder gar pal un djas krik. Un jaake nai djan i tsele menshe ap i wawar rig, pash ko foro Jericho.