Nahum 1:14 - O Debleskro Drom 2021 (Sinte)

¹⁴ Ap i menshende an o them Assur penell o baro Dewel: Kek tchawe wenn tumen, kai tumare familjengre laba dureder hidjrenn. Dran i khera tumare deblendar witsrau i tsele figure win. Me krau tumenge i grufta, tumaro djipen his tchitcheske.

O Debleskro Lab 2024 (Sinte-Manouche)

¹⁴ Ap i menshende an o them Assour penell o baro Devel: Kek čave venn t'men, kay t'mare familyengre laba doureder hidjrenn. Dran i khera t'mare deblendar vitsrau i tsele figure vin. Me krau t'menge i grufta, t'maro djipen his čičeske.

Nahum 1:14 ပူးပေါင်းရင်းမြစ်များ

2. Rajengro liil 19:37

Un har lo an-mangas an o kheer leskro deblestar, o Nisroch, dan les leskre tchawe, o Adrammelech un o Sharezer, mulo o chareha. Un jon nashan penge krik an o them Ararat. Un leskro tchawo Asarhaddon was baro rai pal leste.

2. Familjakro liil 32:21

Kote bitchras o baro Dewel i bolepaskres. Kowa maras i tsele lurden, ninna lengre pralstunen un bare lurden ap i lurdengri platsa o baro rajestar dran o them Assur. Un i ladjatar djas lo pale an peskro them. Har job an o kheer leskro deblestar was, maran les leskre tchawe o chareha.

Hiob 18:17

Kek ap i tseli phub djinell gomme, koon job his. Pash hakeneste well lo bistedo.

Debleskri gili 109:13

Kre, te merenn kolla win, kai pal leste wenna. Leskre tchawengre tchawen wenn kek tchawe buder, jaake te well lengro lab bistedo.

Debleskri gili 71:3

Ab mange har i baro sorelo bar, pash koleste nai nashau un man khatrau! Tu dal tiro lab, te wess ap miri rig. Tu hal mange har i baro sorelo kheer ap i barreskri berga, kai nai khatrau man.

2. Mose 12:12

Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

Gosewe laba 10:7

Latche menshe wenn gar bistedo. Kowa, hoi le kran, hi o Debleskro latchepen. I tchilatche wenn bistedo.

Jesaja 19:1

Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Jesaja 33:13

Tumer, kai dur krik han, un tumer kai gar jaake dur han, shunenn, hoi me krom un haiwenn hawi soor man hi!

Jeremia 50:2

Denn win gole an i wawar themma! Halauter hunte shunenn! Hadenn tumari themeskri plachta pre! Hakeno te shunell kowa! Rikrenn les gar pale! Penenn: O foro Babilon hi dren lino, Lengro dewel Bel nai kras tchi, lengro dewel Marduk hi khetne phagedo; lengre mule debla nai kran tchi, lengre figure hi pash kerdo!

Daniel 11:21

Un pal koleste stell jek pre, kowa hi gar an-diklo un gar moldo, te well lo baro rai. Un pokones un chochenes lell job peske i rajeskri soor.

Daniel 5:27

‘Tekel’ kharell ‘ap i waga tchiddo’. Tu wal ap i waga tchiddo, un hal gar phares doha.

3. Mose 26:30

Me krau kol mulne platse paash, kai tumer tumare deblenge viechen chatchrenna. Un kol boba, kai tumer lenge sungepaskro koowa chatchrenn, phagau khetne. Tumare mulen witsrau ap kol paash-dine figuren, un tumendar kamau buder tchi te djinell.

Micha 5:13

Kol kashta, hoi i debletsa Ashera sikrenn, tserdau win dran i phub, un tumare forja krau paash.

Micha 5:14

Un me dau an miri choli dren an i tsele themma ap kai phub, kai shunan gar ap mande.

Habakuk 2:10

An tiro dji his, te maress i menshen an bud themma. Kowa hoi tuke glan lal, anell i ladj pral tiro kheer, un tu weh maredo.

1. Samuel 3:13

Job djinas, har peskre tchawe sawo koowa kran, hoi ladj ap mande anas. Un job mukas len kowa te krell. Doleske dau me leskro kheer peskri phagi, hoi atchella hako tsiro ap leste. Kowa penom leske glan i tsiro.