Micha 7:19 - O Debleskro Drom 2021 (Sinte)

¹⁹ Awa, tu kreh tiro dji pale menge pre un stakreh mari doosh tel tire pire. O tselo tchilatchepen, hoi kram, witsreh tu dur an o baro pani.

O Debleskro Lab 2024 (Sinte-Manouche)

¹⁹ Ava, tou kreh tiro dji pale menge pre oun stakreh mari doosh tel tire pire. O tselo čilačepen, hoy kram, vitsreh tou dour an o baro pani.

Micha 7:19 ပူးပေါင်းရင်းမြစ်များ

2. Samuel 24:14

Un o David penas ap o Gad: “Man hi bari traash. Muk men an o baro Debleskro wast te perell! Leskro kamlepen hi baro. Me kamau gar an i menshengro wast perell.”

Debleskri gili 103:12

Koi rig, kai o kham pre djal, hi dur krik kolatar, kai lo tele djal. Jaake dur har kai jek rig hi koi wawaratar, jaake dur tchiwas job mari doosh mendar krik.

Debleskri gili 130:8

Awa, job lell o kheer Israel win dran leskri tseli doosh.

Debleskri gili 85:3

Tu lal o tchilatchepen, hoi tire menshe kran, lendar krik! Lengri tseli doosh bistral tu.

Jesaja 33:24

Un kek mensho, kai kote djiwell, penell buder: “An mande hi kek soor.” Un kol menshe, kai an kau foro djiwenn, kolenge hi pengri phagi krik lino.

Jesaja 38:17

Dik, kowa his mange mishto, te wom nasselo: An tiro kamlepen tserdal tu miro djipen win dran o merepen. I tseli doosh, hoi me ap mande anom, witsral tu pal tiro dumo.

Jesaja 43:25

Kowa hom me, kai thowau o tchilatchepen tutar tele. Me kokres hom kowa, kai nai krell les. Un bistrau koi doosh, hoi tu ap tute lal.

Jeremia 31:20

Efrajim, tu hal miro kutch tchawo, miro tchawo, koles kamau bud! Hako kopo, kai hunte dap les trad, well lo mange gar dran o shero. Miro dji dell soreles an mande: me hunte wap leske latches, penell o baro Dewel.

Jeremia 31:34

Kek hunte penell ap o wawareste: Tu prindjress o baro Debles. Halauter djinenn, koon me hom, i tikne un i bare. Kowa penau me, o baro Dewel. Me bistrau koi doosh, hoi le ap pende anan, un lengro tchilatchepen well buder gar an miro shero.

Jeremia 33:8

Un me lau ko tselo tchilatcho koowa krik, hoi le ap mande kran, un djungelo koowa, koleha jon man dukran un choiran.

Jeremia 50:20

An ko tsiro un an kol diwessa well koi doosh rodedo, hoi o Israel un o Juda ap pende anan. Un kote well kek doosh hatslo. Me lau lat kolendar krik, kai mukom pral atchell. Kowa penau me, o baro Dewel.

Ropaskre gilja 3:22

O baro Debleskro latchepen herell gar pre, leskro kamlepen hi hako tsiro menge koi.

Ropaskre gilja 3:32

Ninna te dukell lo jekes, well lo leske pale kamles. Jaake baro hi leskro latchepen.

Ezekiel 18:22

Ko tselo tchilatcho koowa, hoi lo kras, well bistedo! Dran ko latcho un tchatcho koowa, hoi lo kanna krell, atchell lo djido.

Ezekiel 39:29

Me tchorau miro ducho win ap o kheer Israel, un mukau len buder gar. Kawa penell o baro Dewel, maro rai.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Hosea 14:2

Tu Israel, dja pale pash o baro Debleste, ko tiro Dewel hi! Koi doosh, hoi ap tute anal, mukas tut an i bibacht te perell.

Hosea 14:4

Mer putchah buder gar kolendar dran o them Assur, te wenn le menge ap i rig, un djinah, mari soor well gar mare grajendar un wurdja. Un ap kowa, hoi mer mare wastentsa kram, penah buder gar: “Tumer han mare debla.” Tu kreh tiro dji pre kolenge, kolen kek dad buder hi.

Zakarie 3:4

Un o bolepaskro penas ap kolende, kai glan leste tardo hi: “Lenn kol tchikle koola lestar!” Un ap o Jeshua penas lo: “Me lom tiri doosh tutar, un mukau tuke newe koola te riwell.”

Remarja 6:14

Tumer hunte rikrenn tumen buder gar ap o Moseskre laba. O Dewel kras tumen tchatcho glan leste dran peskro latchepen. Doleske nai well o tchilatchepen buder gar o rai pral tumende.

Remarja 8:13

Te djiwenn tumer tumaro phuro djipen, merenn tumer. Te djiwenn tumer jaake, har o Debleskro Ducho kowa kamella, un penenn ‘na-a’ ap o tchilatchepen, hoi an tumaro shero hi, palle djiwenna.

5. Mose 30:3

palle krell tumaro baro Dewel peskro dji tumenge pre un lell tumen dran o pandepen win. Un job anell tumen pale khetne un pale pale dran i tsele themma, kai lo tumen tradas.

5. Mose 30:6

Tumaro baro Dewel dell tumen djia, hoi shunenn un krenn, hoi lo tumendar kamell. Tumen un kolen, kai tumendar wenna, dell lo sawe djia, jaake te kamenn tumer tumaro baro Debles o tselo djijestar un tumari tseli sorjah. Un tumer atchenn djido.

5. Mose 32:36

Tchatchepah o baro Dewel dell peskre menshende lengro tchatchepen. Te dikell lo, har leskre budepangre nashran pengri soor, khaitenn le les. Te dikell lo, har kek ap lengri rig hi, krell job peskro dji lenge pre.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Hebrearja 8:12

Un me bistrau lengri doosh, hoi jon ap pende anan. Ko tchilatchepen, hoi jon kran, well buder gar an miro shero.

1. Johanni 3:8

Kolla, kai djiwenn an o tchilatchepen, kolla hi o bengestar. O beng krella o tchilatchepen jaake rah, har job koi hi. Doleske was o Debleskro tchawo ap kai phub, te phagell lo o bengeskri soor.