Micha 7:17 - O Debleskro Drom 2021 (Sinte)

¹⁷ Jon hunte tchiwenn pen ap i phub pengre mujentsa an i tchik har i sapa un i kirme. Un trisslepah wenn le win dran pengre sorele khera, un wenn glan tute, maro baro Debleste, bari darjah.

O Debleskro Lab 2024 (Sinte-Manouche)

¹⁷ Yon hounte čivenn pen ap i phoub pengre mouyentsa an i čik har i sapa oun i kirme. Oun trisslepah venn le vin dran pengre zorele khera, oun venn glan toute, maro baro Debleste, bari daryah.

Micha 7:17 ပူးပေါင်းရင်းမြစ်များ

2. Samuel 22:46

Len hi buder kek soor an pende. Darjah wenn le dran pengre sorele rajengre khera win.

2. Familjakro liil 17:10

Ap i tsele themma, hoi trul o them Juda tchiddo his, mukas o baro Dewel i traash te well, jaake te djas kek an o kurepen o rajeha Josafat.

Debleskri gili 18:45

I wi-themarja rakrenn shukar ap mande, un shunenn ap mande un krenn sik, hoi penau.

Debleskri gili 72:11

I tsele bare raja perenn tele ap i phub glan leste. Un i tsele natsjone budrenn leske.

Debleskri gili 72:9

Glan leste mukenn pen kolla tele te perell, kai an o mulo tato them djiwenna. Un kolla, kai les gar kamenna, hunte tchiwenn pen glan leste an i tchik.

Debleskri gili 9:20

Baro Dewel, ste pre! Muk i menshen gar te hadenn le pen pral tute! An i menshen dran i tsele themma glan tute! Un rake o tchatchepen pral lende win!

Jesaja 25:3

Doleske sharenn tut i menshe an sorele themma. Un i menshe an forja, kai lengre pralstune i sorjah ap lende djan, mangenn tut an.

Jesaja 49:23

Un bare raja wenn tuke koi un lengre romja denn jak ap tire tikne tchawende. Un bare raja witsrenn pen glan tute ap i phub, un tchumrenn i tchik tire pirendar. Kote haiweh tu palle, te hom me o baro Dewel. Un kolla, kai dikenn ap mande, te wap ap lengri rig, dikenn gar tchitcheske ap mande.

Jesaja 59:19

Palle taprell i daar i menshen ap i tseli phub glan o baro Debleste un leskro railepen. Job wella har i diwjo sorelo pani hoi nashella, koles o ducho o baro Deblestar glan peste phurdell.

Jesaja 60:14

Un i tchawe kolendar, kai rikran tut tele, wenn pash tute, un tchiwenn pen glan tute tele. Un kolla, kai praassan tut, witsrenn pen glan tire herja an i tchik. Un jon kharenn tut ‘foro o baro Deblestar’, un ‘Zion, o foro o Israeleskro Deblestar’.

Jesaja 64:2

te kreh tu pale baro sorelo koowa, hoi kek wawar nai krell, witar gar glan-wi dikell. Ab tele, te trissenn i berge glan tute!

Jesaja 65:25

O diwjo djuklo un o terno bakro chan khetne jek pash o wawar. Un o lewo chal phuss har i grumni, un o sap hunte chal tchik. Kek krell tchomone, hoi duka anell, witar tchi, hoi tchilatcho hi ap miri tseli berga, kai djiwau, penell o baro Dewel.

Jesaja 7:19

Un jon lauter beshenn pen ap hake platse – an i telstuni tala un mank i bare barra, an i burra un ap o senlepen.

Jeremia 16:16

Me kamau bud matchepangren win bitchrell. Kolla hunte matchrenn len. Pal kowa bitchrau bud jegarjen win, te taprenn jon len, kai jon ninna hi: ap haki bari un tikni berga, un mank kol bare barra, kai khatran le pen.

Jeremia 33:9

Palle well o foro Jerusalem mange i foro, pral koleste bachtelo hom. I menshe an i tsele themma sharenn man, un hadenn man, te shunenn le ko tselo latcho koowa, hoi me o foreske Jerusalem krau. Lenge atchell o rakepen krik, un jon krenn bare jaka, te dikenn le ko tselo latchepen un koi tseli bacht, hoi dau kau foreske.

Ropaskre gilja 3:29

Peskro mui mu tchiwell lo tele an i tchik, Nai well i tsiro, kai djal leske pale feteder.

Zakarie 14:5

Koi tala djal jaake dur har Azel. An koi tala mank o baro Debleskre berge nashenn tumer tumenge jaake, har tumare phure nashan penge, har i berge trissan an ko tsiro, kai o Usija o baro rai pral o them Juda his. Un palle well miro baro Dewel. Un leskre tsele bolepangre wenn khetne leha.

5. Mose 32:24

I bokatar merenn le, un o fibro chal len pre. Pharo nasslepen marell len. Me bitchrau diwje vieche un tchilatche sapa mank lende, kai dandrenn len mulo.

Josua 9:24

Un jon penan ap o Josua: “Maro rai, mer shunam, te hi kowa tchatcho, te penas o baro Dewel ap o Mose, koles leskro tchatcho wast his, te dell lo tumen o tselo them, un te hunte wenn halauter mulo dino, hoi dren djiwenn. Doleske his men bari daar maro djipaske, un kram kawa jaake.

Debleskro tsiro 3:9

Shunenn, hoi me kol bengeskre menshentsa krau, kai chochenn un penenn pendar, te hi le o Debleskre menshe, un jon hi kek Debleskre menshe. Me krau, te wenn le pash tumende, te witsrenn le pen glan tumende ap i phub, un te haiwenn le, te kamau tumen o tselo djijestar.

1. Samuel 14:11

Un kol dui sikran pen kol Filistarengre lurdenge, kai koi jak dan. Un kolla penan ap pende: “Ake, i Hebrearja wenn dran pengre chebja win, an kolende jon pen khatran!”