Micha 7:1 - O Debleskro Drom 2021 (Sinte)

¹ Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.

O Debleskro Lab 2024 (Sinte-Manouche)

¹ Me bibarhtelo, mange hi har yekeske, kay bokella, oun hatsell kek phabya ap o rouk, oun kek drake ap i drakengro rouk. Kol tsele lače phabya oun goudle drake hi krik.

Micha 7:1 ပူးပေါင်းရင်းမြစ်များ

Debleskri gili 120:5

Hawi bibacht hi mange, te hunte djiwap mank i wi-themarja, pash i menshende, kai prindjrenn gar miro Debles.

Gosewe laba 20:6

Bud menshe sharenn pen pengro latchepah. Nai hatseh tchatchepah i murshes o labestar?

Jesaja 17:6

Kokres i wast pherdo menshe atchenn djido. O Israel hi har i djeteskro ruk, kolestar dan le i djeteskre drake tele. Un dui te triin drake atchan pral ap i pralstune kashta, un star te pantch ap i telstune kashta. Me, o baro Dewel, hom o Israeleskro Dewel, un penom kowa.

Jesaja 24:13

I menshentsa an i themma djal jaake har an ko tsiro win dikell, kai wan i drake i djeteskre rukendar un i moljakre rukendar tele dino. Un kokres i wast pherdo atchenn ap i ruka.

Jesaja 24:16

Dran themma, kai dur mendar krik hi, shunah o gipen: “Sharedo well o Dewel, kai o tchatchepaskro hi.” Me penom mange: Mange hi ropaske! Mange hi ropaske! Har djungelo djal mange? Phukepangre phukrenn, awa, phukepangre phukrenn, un mukenn gar tele pengro phukepah.

Jesaja 28:4

Un ko railepen kol pralstunendar hi har i bluma, hoi merell tele, un hi buder gar koi. Lenge djal har i faige, kai wan glan lengro tsiro bares. Jaake sik har jek len dikell, hi le an leskro wast un job chal len pre.

Jesaja 6:5

Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

Jeremia 15:10

Me bibachtelo, hoske das miri dai mande o djipen? Hakeno dikell tchilatches ap mande. An o tselo them tchingrenn le ap mande. Ninna te patsom kekestar lowe, un kek patsas man lowe, praassell man hakeno.

Jeremia 24:2

An koi jek korba his latche un shukar faige har kol newe faige an i bersh. An koi wawar korba his djungele faige, jaake djungele te nai chal len kek.

Jeremia 4:31

Me shunau i gole, har i djuwjatar, kai lell o ersto kopo i ternepen. Kaja hi koi gole o forestar Zion, kai taprell pal ducho, un peskre wasta pre hadell, un gole dell: Me hom nashedo! Kolla wenna un denn man mulo!

Jeremia 45:3

Tu peneh: Me bibachtelo! Har das man o baro Dewel ropen un duk an miro djipen! Me rowau man khines un hatsau kek sopen.

Jeremia 5:1

Djan kol dromma an Jerusalem pral un tele! Krenn tumare jaka pre un rodenn ap kol dromma o forestar! Te hatsenn jekes, kai djiwell an o tchatchepen, un rikrell pes ap o Debleste, palle bistrau i doosh o tselo forestar.

Hosea 9:10

O baro Dewel penell: I Israelitarja his mange har drake an o mulo them, har hatsom len kote. Un tumare phure his mange har newe faige ap i faigetikro ruk. I tsiro koi pre, har wan le pash i berga Peor, dan le pen o wi-ladjedo debleske Baal koi, un wan jaake pale-tchiddo har ko dewel, kones jon kaman.