Micha 6:13 - O Debleskro Drom 2021 (Sinte)

¹³ Tumer lan bud doosh ap tumende. Doleske dau tumen tumari phagi, un krau tumaro foro paash.

O Debleskro Lab 2024 (Sinte-Manouche)

¹³ T'mer lan boud doosh ap t'mende. Doleske dau t'men t'mari phagi, oun krau t'maro foro paash.

Micha 6:13 ပူးပေါင်းရင်းမြစ်များ

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jeremia 14:18

Djau me win ap o them, dikau me menshen, kai peran an o kurepen. Wau me an o foro, hi koi menshe tchiddo, kai meran i bokatar. Ninna Debleskre rakepangre un rashaja nashenn trujel an o them, un djinenn gar, hoi te krenn.

Ropaskre gilja 1:13

Job bitchras i jag dran o bolepen an mire kokale, hoi an mande chatchell. Job tchiwas i netsa win, te taprenn pen mire pire dren, un mukas man ap o dumo te perell. Job mukas man kokres tchiddo. O tselo tsiro hom nasselo.

Ropaskre gilja 3:11

Job tserdas man tele o dromestar, dandras man an kotja, un mukas man tchiddo.

Ropaskre gilja 5:16

Mer nashram maro railepen. Mari doosh, hoi anam ap mende, anas men an i bibacht!

Hosea 5:9

An ko tsiro, kai dau o Efrajimeske peskri phagi, well leskro them i mulo them. Halauter, hoi i Israelenge trad dom, well jaake har penom.

3. Mose 26:16

palle krau tumentsa jaake: Bari bibacht anau pral tumende, pharo nasslepen, hoi tumenge o djipen randell. Tumer chatchenn glan fibro, tumare jaka nai dikenn buder gar mishto, un kek soor atchell an tumende. Tchitcheske witsrenn djob win an i phub. Kolla, kai kurenn pen tumentsa, chan les pre.

Micha 1:9

O dukepen o forestar Samaria nai well gar sasto. Koi bibacht well ninna an o them Juda, un taprell o foro Jerusalem, ko foro mire menshendar.

Micha 6:16

Ko tchilatcho koowa, hoi kol raja, o Omri un o Ahab, tumenge glan kran, kowa kran tumer ninna. Un hoi jon penan, kowa kran tumer ninna. Doleske krau me dran tumaro foro i mulo foro. Un pral tumende, kai kote djiwenn, san i wawar menshe. Bari ladj well pral tumende.

Micha 7:13

An ko tsiro hi i phub i mulo them dran kowa, hoi i menshe ap late kran.

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.