Micha 4:4 - O Debleskro Drom 2021 (Sinte)

⁴ Hakeno nai beshell tel peskre drakengre ruka un faigetikre ruka. Un kek krell leske traash. Kawa penell o baro Dewel, ko rai pral o bolepen un i phub.

O Debleskro Lab 2024 (Sinte-Manouche)

⁴ Hakeno nay beshell tel peskre drakengre rouka oun faygetikre rouka. Oun kek krell leske traash. Kava penell o baro Devel, ko ray pral o bolepen oun i phoub.

Micha 4:4 ပူးပေါင်းရင်းမြစ်များ

1. Rajengro liil 5:5

Jaake nai djiwan i menshe kek darjah an o them Israel un an o them Juda. Hakeno nai beshas tel peskro drakengro ruk un peskro faigetikro ruk. Kowa his jaake an o tselo them, o themestar Dan bis tel pash o foro Beersheba, jaake rah har o Salomo djiwas.

Hiob 11:19

Un tu hal tchiddo, un kek well pral tute, un krell tut traash. Un bud wenna, kai mangenn tutar, te kress lenge latchepen.

Debleskri gili 72:3

Kote, kai job o baro rai hi, djiwenn i menshe i latcho djipen o Debleha, un tchatchepen well an o tselo them, ninna ap peskre tikne un bare berge.

Gosewe laba 3:25

Tut hunte well kek daar glan i bibacht, hoi well sik, witar gar glan o merepen, hoi well pral kolende, kai kamenn o Deblestar tchi te djinell.

Jesaja 1:20

Kamenn tumer gar te shunell, un pandenn tumare djia glan mande, palle wenn o chareha mulo dino. Kowa penau me, o baro Dewel!”

Jesaja 17:2

Kol forja an Syria hi muklo, un i vieche nai chan kote, un kek hi koi, kai len krik tradell.

Jesaja 22:25

Ko saster phagell win un perell tele. Un ko tselo koowa, hoi o saster hidjras, phagell khetne. Kowa penell o baro Dewel.

Jesaja 26:16

Baro Dewel, an o pharo tsiro rodan tire menshe tut. Har dal len i phagi, dan le darenes ap tute gole.

Jesaja 32:17

Un kote, kai o tchatchepen khere hi, un i menshe pal o Debleskre tchatchepaskre laba djiwenn, kote hi kek kurepen un kek tchingepen. Un kekes hunte well daar. Jaake atchell kowa hako tsireske.

Jesaja 36:16

Ma shunenn ap o Hiskija! Shunenn ap mande: O rai pral o them Assur penell tumenge: Was men khetne mala, un awenn pash mande win! Palle nai chal hakeno peskre molengre drake un faige peskre rukendar, un nai pijell peskro pani dran peskri brunna,

Jesaja 40:5

O baro Debleskro railepen well diklo. Un i tsele menshe dikenn les. Kowa penas o baro Dewel.”

Jesaja 54:14

An o tchatchepen weh tu soreles tardo. Tu hunte daress kekestar, te rikrell lo tiro djipen phares. Un tu hunte daress kek bibacht. Kaja nai well gar pash tute!

Jesaja 58:14

palle hatseh tchatchi bacht an o baro Debleste. Un me, o baro Dewel, hadau tut pral i pralstune berge. Un dau tut ko them, hoi dom tiro phuro dadeste, o Jakobeste. Kawa hi, hoi o baro Dewel penas.

Jeremia 23:4

Un me dau pralstunen pral lende, kai hi har latche bakrengre: Jon denn garda ap lende, te hunte darenn un trashenn le buder gar. Kek bakro djal buder nashedo. Kowa penell o baro Dewel.

Jeremia 30:10

Doleske ma dare, tu, miro budepaskro Jakob! Ma traash, Israel, penell o baro Dewel. Shun, me lau tut un tire tchawen win dran ko dur them, kai pandle han. Tumer wenn khere an tumaro them. Kote djal tumenge mishto. Kek krell tumenge kote tchilatchepen. Tchi hunte krell tumenge daar.

Ezekiel 34:25

Un me pandau miro dji ap lende, un krau lentsa win, te nai djiwenn le an o latchepen. Hake diwje viechen tradau krik dran o them. Un an o mulo them nai djiwenn le kek darjah. Un an i wesha sowenn le.

Ezekiel 34:28

Un i menshe dran wawar themma randenn len buder gar win. Un i diwje vieche chan len buder gar. Jon nai djiwenn kek darjah. Un kek krell lenge buder traash.

Ezekiel 38:11

Un peneh tuke: Me kamau pral ko them te perell, kai kek massurja trul leskre forja hi. Un kamau pral kolende te well, kai djiwenn an o latchepen kek darjah. Kek massurja un pandle wudja hi trul lengre gaba un forja.

Ezekiel 39:26

An ko tsiro, kai djiwenn le pale kek darjah an pengro them, un kek len traash krell, bistrenn le ko tsiro, kai was bari ladj ap lende har mukan le man.

3. Mose 26:6

Tumer nai djiwenn an o latchepen kolentsa, kai trul tumende djiwenn, te nai sowenna, un kek tserdell tumen dran o sopen. Kol diwje viechen tradau me dran o them win. Kek lurde wenna an tumaro them, te marenn le tumen.

Micha 5:3

Un job, ko newo rai, dell garda ap lende, har i bakrengro garda dell ap peskre bakren. Leskro Dewel bitchras les, un leskri soor well lestar, o baro Deblestar. An ko tsiro djal leskro railepen un leskri soor jaake dur har i phub hi. Un i menshe an leskro them nai djiwenn kek darjah.

Zefanja 3:13

Un kol pral-mukle menshe an o them Israel krenn kek tchilatchepen, un chochenn gar, un rakrenn gar dui tchipjentsa. Lenge djal mishto, un jon djiwenn kote kek darjah.

Zakarie 3:10

An ko emligo tsiro, mukell jek o wawares te penell: Am pash mande, te was mer bachtelo tel i drakengre ruka un tel i faigetikre ruka. Kowa penell o baro Dewel, ko rai pral o bolepen un i phub.