Micha 1:6 - O Debleskro Drom 2021 (Sinte)

⁶ Doleske krell o baro Dewel, te well o foro Samaria khetne dino bis ap i telstune barra. Lestar atchell tchi pral har barra. Kolen witsrell lo an i tala. Kote kai o foro tardo his, wenn drakengre ruka an i phub tchiddo.

O Debleskro Lab 2024 (Sinte-Manouche)

⁶ Doleske krell o baro Devel, te vell o foro Samaria khetne dino bis ap i telstoune barra. Lestar ačell či pral har barra. Kolen vitsrell lo an i tala. Kote kay o foro tardo his, venn drakengre rouka an i phoub čiddo.

Micha 1:6 ပူးပေါင်းရင်းမြစ်များ

2. Samuel 17:13

Job te tserdell pes an i sorelo foro pale, hunte tchiwenn i tsele Israelitarja shelle trul ko foro, un tserdenn ko foro tele an i tala, te atchell lestar kek bar buder pale.”

2. Rajengro liil 18:10

Un pal triin bersh las lo ko foro peske dren. Kowa his an o shobto bersh, kai o Hiskija o baro rai his, un an o enjato bersh, kai o Hoshea o baro rai pral Israel his.

2. Rajengro liil 18:9

O Hiskija his an o starto bersh o baro rai pral o them Juda, – ko his ko eftato bersh, kai o Hoshea o baro rai pral Israel his. Koleskro dad his o Ela. Koi djas o baro rai pral o them Assur, o Salmanassar, peskre lurdentsa pral an Israel un tchiwas pes trul o foro Samaria un pandas o fores dren.

2. Rajengro liil 19:25

Shun un muk tuke te penell: Kowa was jaake har me kamom. Glan i rah tsiro his jaake an miro shero. Kanna mukom te djal, kai tu wal, un sorele forja paash dal. Un kokres lengre barra pral atchan.

Jesaja 17:1

Kate sikrell o Dewel, hoi pral o foro Damaskus wella: I tsiro well sik, kai o foro Damaskus buder kek foro hi. Lestar atchell tchi har tele phagede barra.

Jesaja 25:12

Un kol sorele bare khera an o them Moab phagell o Dewel tele, un dell len khetne, te perenn le tele an i tchik.

Jesaja 25:2

Tu kral o sorelo foro paash. Lestar atchas tchi pral har barra. Ko foro, kai i soreli massuri trul leste his, hi tchiddo an kotja. Kote, kai rajen dran wawar themma pengre shukar khera his, hi kek foro buder. Un kek nai tchiwell len pale pre.

Jeremia 31:5

Tu tchiweh pale drakengre ruka an i phub ap i berge an Samaria, un chah lengre drake.

Jeremia 51:25

Babilon, tu marepaskri berga, tu, kai o merepen anal pral i tseli phub, dik, me wau pral tute, penell o baro Dewel. Me taprau tut miro wasteha, un witsrau tut i berga tele. Hoi tutar atchell hi chatchede barra.

Jeremia 51:37

Tchi te atchell o forestar Babilon har barra, un diwje djukle djiwenn kote. Kolenge, kai dikenn ko foro, atchell o rakepen krik i trashatar. O foro well lenge sapaske. Un kek mensho djiwell buder kote.

Jeremia 9:11

Me putchom: Baro Dewel, hoske chatchell ko them un well mulo, jaake kai nai djal kek buder koi trujel? Koon hi gosewo un haiwell kowa? Ap koneste penal tu kowa, jaake te penell job kowa i wawarenge?

Ropaskre gilja 4:1

Har was o sonakai jaake kalo, un o latcho sonakai jaake djungelo! Har nai wan i kutch barra trujel tchiddo ap i dromma!

Ezekiel 13:14

Jaake phagau koi massuri tele, hoi tumer parnes makan. Me mukau lat trujel te witsrell, te wenn lakre telstune barra diklo. Te perell li khetne, perenn i barra ap tumende, un tumer merenn. Un tumer dikenn un haiwenn, te hom me o baro Dewel.

Amos 5:11

Kowa krenn tumer: I tchorwelen rikrenn tele, un lenn lendar budeder djob har tchatcho hi. Doleske well jaake: An kol shukar newe khera, hoi tumenge kran, djiwenn tumer gar. Un i mool kol newe drakengre rukendar, hoi an i phub tchiwan, pijenn tumer gar.

Amos 6:8

O baro un sorelo Dewel, ko rai pral o bolepen un i phub, das pes sowel pash peskro djipen un penas: Me hom chojedo pral o pre-phurdepen o Jakobeskre tchawendar, un nai dikau lengre shukar khera buder gar glan i jaka. Doleske dau o foro un lauter, hoi koi dren hi, an i wasta wawar menshendar.

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Habakuk 3:13

Tu djal win, te wess ap i rig tire menshenge, un o rajeske, koles tu win rodal. I dacha ap o kheer o tchilatchestar dal tu khetne. Un leskro kheer rissral trujel bis ap i telstune barra.

Mateo 24:2

Koi penas lo ap lende: “Kowa, hoi tumer kote lauter dikenna, kowa lauter djal paash. Kate atchell kek bar ap i wawareste.”