Micha 1:11 - O Debleskro Drom 2021 (Sinte)

¹¹ Tumer, kai djiwenn an o foro Shafir, djan an o pandepen, nanges un an ladj. I menshe an o foro Zaanan djan gar win dran lengro foro. An o foro Bet-Ezel well baro ropen shunlo. Kote hi tumenge kek khatepen.

O Debleskro Lab 2024 (Sinte-Manouche)

¹¹ T'mer, kay djivenn an o foro Shafir, djan an o pandepen, nanges oun an ladj. I menshe an o foro Zaanan djan gar vin dran lengro foro. An o foro Bet-Ezel vell baro ropen shounlo. Kote hi t'menge kek khatepen.

Micha 1:11 ပူးပေါင်းရင်းမြစ်များ

Jesaja 16:2

I bitchepangre te penenn leske: “I djuwja an Moab hi har tchirkle, kai krik tradedo wan dran lengro kheer. Pash o lengsto pani Arnon nashenn le kate te kote.

Jesaja 20:4

jaake lell o baro rai pral Assur i menshen an Egiptia un an Etiopia pandles, un tradell len krik, i ternen un i phuren. Un jon hunte djan nanges un pirkenes. Un len hi kek cholopja ap pende. Hawi ladj hi kowa lenge!

Jeremia 13:22

Un te putcheh tu tutar: Hoske well koi bibacht pral mande, palle penau tuke: Kowa well pral tute ko bud tchilatchepaske, hoi kral. Un kolla hadenn tiro ripen un djan sorjah ap tute.

Jeremia 48:6

“Nashenn tumenge sik”, kharenn le. “Nashenn tumaro djipaske! Nashenn an o mulo tato them, te djiwenn kote har i bur.”

Jeremia 48:9

Tchiwenn i sikepen pre ap o drom, kai i Moabarja nai nashenn penge. Lengre forjendar atchell tchi har barra pre. Kek nai djiwell buder koi dren.

Ezekiel 16:37

Doleske dik, me kharau lauteren khetne, kai tuha trujel kran, un an kolengre jaka jaake shukar hals, kolen tu kamal, un kolen gar kamal. Un dran i tsele themma, hoi trul tute tchiddo hi, anau len khetne, te djan le ap tute pre. Palle riwau tuke glan lengre jaka tire koola win, te dikenn le tut, har tu nango hal.

Ezekiel 23:29

Kolla djan tchilatches tuha trujel, un lenn tuke halauter, hoi tuke khetne anal, tutar krik. Jon mukenn tut nanges tchiddo. Hakeno nai dikell, har nango hal, un kai djiwal har i lubni, un kral wi-ladjedo un djungelo koowa.

Micha 1:8

Pral kowa halauter hunte dap i bari gole un hunte rowap, me nashau pirkenes un nanges, te sikrap har miro dji rowella. Har i diwjo djuklo dau gole, un rowau har ko tchirklo, hoi kharell straussa.

Nahum 3:5

Dik, penell o baro Dewel, ko rai pral o bolepen un i phub, kanna dau tut tiri phagi. Me tchakrau tiro ripen pre, hadau les pral tiro shero, te hal win rido tardo glan i menshende an i wawar themma, un hunte ladjess tut glan lende.

Zakarie 14:5

Koi tala djal jaake dur har Azel. An koi tala mank o baro Debleskre berge nashenn tumer tumenge jaake, har tumare phure nashan penge, har i berge trissan an ko tsiro, kai o Usija o baro rai pral o them Juda his. Un palle well miro baro Dewel. Un leskre tsele bolepangre wenn khetne leha.

Josua 15:37

Kote his ninna kol forja: Zenan, Hadasha, Migdal-Gad,