Mateo 9:30 - O Debleskro Drom 2021 (Sinte)

³⁰ Un jon nai dikan. Un o Jesus penas soreles ap lende: “Te shunell kowa kek!”

O Debleskro Lab 2024 (Sinte-Manouche)

³⁰ Oun yon nay dikan. Oun o Yezous penas zoreles ap lende: “Te shounell kova kek!”

Mateo 9:30 ပူးပေါင်းရင်းမြစ်များ

Debleskri gili 146:8

O baro Dewel krell, te nai dikenn i korele pale. O baro Dewel hadell kolen pale pre, kai tele dino hi. O baro Dewel kamell kolen o djijestar, kai an o tchatchepen tardo hi.

Jesaja 35:5

Palle nai dikenn i korele, un kolla, kai nai shunan gar, shunenn.

Jesaja 42:7

Tu kress i korelenge i jaka pre, un less i pandlen win dran o stilepen, kai hi le beshdo an i kali rat.

Jesaja 52:13

Dik, kowa, hoi miro budepaskro krell, djal leske mishto. Job well sharedo un bares kerdo, un well dur pral tardo.

Mateo 12:16

Un job penas soreles ap lende, te penenn le kowa kekeske.

Mateo 17:9

Un o Jesus djas lentsa koi berga tele, un penas soreles ap lende: “Penenn kekeske, hoi tumer dikan, jaake rah har o Mensheskro Tchawo gar i mulendar pre stas!”

Mateo 8:4

Un o Jesus penas ap leste: “Shun, pen kekeske, hoi me tuke krom! Dja an o Debleskro baro kheer pash o rashajeste un sike leste, kai tiro nasslepen tutar djas! Un an kowa glan o Debleste, hoi o Mose penas, te djinenn i menshe, kai tu sasto wal.”

Markus 1:43

Un o Jesus bitchras les pestar un penas soreles ap leste:

Markus 3:12

Un job penas soreles ap lende, te penenn le kowa kekeske.

Markus 5:43

Un job penas lenge soreles: “Ma penenn kowa kekeske!” Un palle penas lo: “Denn lat te chal!”

Louka 5:14

Un o Jesus penas leske: “De jak, te peness kekeske, hoi me tuke krom! Dja pash o rashajeste un sike leste, kai tiro nasslepen tutar djas. Un an kowa glan o Debleste, hoi o Mose penas, te djinenn i menshe, kai tu sasto wal!”

Louka 8:56

Lakro dad un lakri dai kran bare jaka pral kowa, hoi koi djas. Un o Jesus penas lenge, te penenn le kekeske, hoi job kras.