Mateo 9:24 - O Debleskro Drom 2021 (Sinte)

²⁴ penas lo: “Djan tumenge! Kai tchai meras gar. Joi sowella.” Un jon san pral leste.

O Debleskro Lab 2024 (Sinte-Manouche)

²⁴ penas lo: “Djan t'menge! Kay čay meras gar. Yoy sovella.” Oun yon san pral leste.

Mateo 9:24 ပူးပေါင်းရင်းမြစ်များ

Hiob 12:4

Hoske wom mire malenge sapaske? Me dom gole ap o Debleste, un job shunas man. Ninna te hom an o tchatchepen tardo un djau o tchatcho drom, sanenn le man win.

Jesaja 49:7

O baro Dewel, kowa, kai o Israel dran o tchilatchepen win lell, un kokres leskro Dewel hi, job penell koleske, kai i menshe tele dikenn ap leste, un koles i menshe dran bud themma gar kamenna, un lengre raja lestar pengro budepaskro krenn, ap koleste penell o baro Dewel: Bare raja dikenn tut, un stenn pre glan tute. Un pralstune dikenn tut un witsrenn pen ap i phub glan tute, Jon dikan, kai rikrau pash tute, me, o Israeleskro Dewel, kai tut win rodom.

Jesaja 53:3

I menshe dikan tele ap leste, un tchiwan les ap i rig. I mursh pherde duka un nasslepen his lo. I grecho his lo lenge, glan koleste jon pengro shero krik rissran. Un menge his lo tchi-moldo.

Markus 5:40

Un jon san pral leste. O Jesus tradas len lauteren win, un las kol tchakro dades un lakri dai peha, ninna kolen, kai pash leste his, un djas dren, kai koi tchai tchiddo his.

Louka 8:53

Jon djinan, te meras li, un san pral leste.

Johanni 11:4

Har o Jesus kowa shunas, penas lo: “Kau nasslepen was gar ap leste, te merell lo. Job was nasselo, te dikenn tumer, hawi bari soor o Debles hi, un te well o Debleskro tchawo sharedo.”

Bičepangre 20:10

O Paulo djas tele, tchiwas pes ap leste, tapras les trujel, un penas: “Ma trashenn! Job djiwella.”

Bičepangre 9:40

Un o Petro tradas len win, djas ap i tchanga glan o Debleste, mangas o Debles, un djas pash koi muli djuwjate un penas: “Tabita, ste pre!” Koi kras joi peskre jaka pre. Har joi o Petres dikas, beshas pes li pre.