Mateo 9:14 - O Debleskro Drom 2021 (Sinte)

¹⁴ Palle wan o Johanneskre mala pash o Jesuseste, un penan ap leste: “Mer un i Farisarja chah un pijah i tsiro tchi, te mangas o Debles an. Hoske krenn tire mala kowa gar?”

O Debleskro Lab 2024 (Sinte-Manouche)

¹⁴ Palle van o Yohanneskre mala pash o Yezouseste, oun penan ap leste: “Mer oun i Farisarya rhah oun piyah i tsiro či, te mangas o Debles an. Hoske krenn tire mala kova gar?”

Mateo 9:14 ပူးပေါင်းရင်းမြစ်များ

Gosewe laba 20:6

Bud menshe sharenn pen pengro latchepah. Nai hatseh tchatchepah i murshes o labestar?

Mateo 11:2

Ap ko tsiro his o Johanni an o stilepen. Kote shunas lo, hoi o Jesus Kristo lauter kras. Un job bitchras peskre malen pash leste,

Mateo 6:16

Te chan tumer i tikno tsiro tchi, te mangenn o Debles an, palle krenn kowa gar jaake, te dikenn i menshe kowa! Ma krenn har kolla, kai hi len dui djia! Jon sikrenn ap pengro mui, te bokenn le pengro Debleske. Tchatchepah, me penau tumenge: Kolla lenna tchi o Deblestar. Jon anan pengro latchepen kokres dren.

Mateo 9:15

Penas o Jesus ap lende: “Jaake rah har o bijabeskro ap i bijab hi, hi peskre mala bachtelo. Ko tsiro wella, kai well o bijabeskro lendar lino. Ap ko tsiro chan le un pijenn le tchi, te mangenn le o Debles an.

Johanni 3:25

Jek diwes tchingras i biboldo kolentsa, kai djan o Johanneske palla, pral kowa, har kolla, kai pal o biboldengro tchatchepen pale-tchiddo hi, nai wenn pale erligo.

Johanni 4:1

I Farisarja shunan, kai bud menshe djan o Jesuseske palla. Jon shunan ninna, kai job taufras budeder menshe har o Johanni.