Mateo 8:6 - O Debleskro Drom 2021 (Sinte)

⁶ “Rai, miro budepaskro hi khere tchiddo, un hi bango, jaake te nai djal lo buder gar. Un les hi bare duka.”

O Debleskro Lab 2024 (Sinte-Manouche)

⁶ “Ray, miro boudepaskro hi khere čiddo, oun hi bango, yaake te nay djal lo bouder gar. Oun les hi bare douka.”

Mateo 8:6 ပူးပေါင်းရင်းမြစ်များ

Mateo 4:24

Un ninna an o tselo them Syria shunan le lestar. Un jon anan lauteren pash leste, kai nasselo hi. Mashkral lende his kolla, kai hi len bare duka, un kolla, kai hi an lende benga, un kolla, kai hi nasselo an pengro shero, un kolla, kai hi bango. Un job kras len sasto.

Mateo 8:7

Penas o Jesus ap leste: “Me kamau tuha te djal, un kamau les sasto te krell.”

Mateo 9:2

Un jon anan i murshes pash leste. Kowa nashte nashell gar un his ap o tchiben tchiddo. Un har o Jesus kolengro patsepen dikas, penas lo ap ko mursheste: “Ma traash, miro tchawo! Me lau tiri doosh tutar.”

Bičepangre 10:7

Har o bolepaskro peske djas, kharas o Kornelio dui budepangren un i patslo lurdes pash peste kolendar, kai his hako tsiro pash leste.

Bičepangre 8:7

Bud menshendar tradas lo bengen win. Kolla dan soreles gole, har jon lendar win djan. Un bud menshe, kai his bango un nai djan gar, wan sasto.

Bičepangre 9:33

Koi hatsas lo i murshes, leskro lab hi Aneas. Kowa his ochta bersha ap o tchiben tchiddo, un nai nashas gar.

Kolossarja 3:11

Kote, kai o Dewel i menshen newes kras, kote hi jek jaake bud moldo har o wawar: I bibolde un kolla, kai kek bibolde hi; kolla, kai ap o mass tchinlo hi un kolla, kai gar ap o mass tchinlo hi; wi-themarja un diwje; raja un budepangre. O Jesus Kristo djiwell an hakeneste mendar.

Kolossarja 4:1

Tumer kai han raja, ap tumende penau: Awenn tchatches ap tumare budepangre un djan lentsa mishto trujel! Ma bistrenn, kai hi tumen ninna i rai an o bolepen!

1. Timoteo 6:2

Kol budepangre, kai hi len patsle raja, hunte dikenn gar tele ap pengre rajende. Na-a, jon hunte budrenn latcheder lenge. Kolla hi lengre phrala. Un o Dewel kamell len o djijestar. Un jon krenn ninna latcho koowa. Kowa pen i patslenge an o dji, te krenn le les!

Filemon 1:16

Kanna hi lo tuke buder gar kokres i budepaskro. Na-a. Job hi budeder har kowa. Job hi i latcho phraal. Kowa hi lo mange, un har bud budeder hi lo kowa kanna tuke: Job hi tiro budepaskro un ninna tiro phraal an o patsepen.