Mateo 7:7 - O Debleskro Drom 2021 (Sinte)

⁷ Mangenn o Debles! Un o Dewel dell tumen! Rodenn les! Un tumer hatsenn les. Denn ap o wudar, un kowa well tumenge pre kerdo!

O Debleskro Lab 2024 (Sinte-Manouche)

⁷ Mangenn o Debles! Oun o Devel dell t'men! Rodenn les! Oun t'mer hatsenn les. Denn ap o voudar, oun kova vell t'menge pre kerdo!

Mateo 7:7 ပူးပေါင်းရင်းမြစ်များ

1. Mose 26:32

Ap ko diwes wan o Isaakeskre budepangre pash leste, un rakran leha pral koi brunna, hoi jon wi-hadan, un penan: “Mer hatsam pani.”

1. Rajengro liil 3:5

Kote an o foro Gibeon mukas pes o baro Dewel o Salomeske an i suni te dikell an i rati. Un o Dewel penas: “Tu nai putcheh man, hoi kameh mandar.”

Debleskri gili 10:17

Kowa, hoi i tchorwele tutar mangenna, shuneh tu, mo baro Dewel. Tu kreh lengro dji sorelo, un tiro kand hi lenge pre.

Debleskri gili 10:4

O tchilatcho rikrell o nak pral un penell peske: O Dewel putchell gar palla. Lauter, hoi leske an o shero trujel djala, hi: Dell kek Dewel.

Debleskri gili 119:12

Sharedo wess tu, mo baro Dewel! Tu sikral mange, hoi mandar kameh.

Debleskri gili 27:8

Tire laba wan mange an o shero, hoi tu penal: “Awenn pash mande!” Doleske wau pash tute.

Debleskri gili 34:4

Giwenn mantsa gilja o baro Debleske! Krenn leskro lab mantsa khetne baro!

Debleskri gili 37:4

Rode tiri bacht pash o baro Debleste, palle dell job tut lauter, hoi tiro dji kamella.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 69:32

Kowa hi tuke feteder har te anap tuke i grumni, awa, i sorelo gurum, te well lo tuke chatchedo.

Debleskri gili 70:4

Mu well lengri ladj jaake baro, te hunte rissrenn le trujel un djan pale, – kolla lauter, kai sanenn pral mande.

Debleskri gili 86:5

Tu hal latcho, miro baro Dewel, un leh i doosh krik. Tiro latchepen hi baro kolenge, kai ap tute gole denn.

Gosewe laba 8:17

Me kamau kolen, kai man kamenn. Un kolla, kai rodenn man o djijestar, kolla hatsenn man ninna.

Kamlepaskri gili 3:2

Kamau pre te stell, kamau an o foro te nashell, ap i dromma un ap i platse kamau les te rodell, koles miro dji kamell. Me rodom les un hatsom les gar.

Jesaja 30:19

Tumer menshe an o foro Jerusalem, kai djiwenn ap i berga Zion, tumer hunte rowenn buder gar. Te denn tumer ap leste gole, hi lo latches ap tumende. Jaake sik har shunell lo tumari gole, rakrell lo ap tumende pale.

Jeremia 33:3

Khare man, palle kamau tuha te rakrell, un kamau tuke baro koowa te sikrell, hoi tu gar haiweh, un kolestar tchi djinal.

Amos 5:4

O baro Dewel penell ap o kheer Israel: Rodenn man, palle djiwenn!

Mateo 18:19

Me penau tumenge ninna: Te mangenn dui tumendar khetne tchomone o Deblestar, palle dell len miro dad an o bolepen kowa, hoi jon lestar mangan.

Mateo 21:22

Te patsenn tumer, te lenn kowa, hoi mangenna o Deblestar, palle lenn tumer kowa lauter ninna.”

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

Mateo 7:11

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen latcho koowa kolen, kai les mangenna.

Mateo 7:8

Koon mangella, kowa lella. Koon rodella, kowa hatsella. Un koon ap o wudar della, koleske well pre kerdo.

Markus 11:24

Doleske penau tumenge: Lauter, hoi tumer o Deblestar mangenna, patsenn, te lan les, palle lenn tumer kowa ninna.

Louka 13:25

Te stell o rai pral o kheer pre un krell o wudar pandlo, palle han tumer win tardo, un tumer denn gole: Rai, kre menge o wudar pre! Un ko rai penella: Me prindjrau tumen gar.

Louka 18:1

Un o Jesus penas lenge laba, kai i khatedo tchatchepen dren hi, te sikrell lo len, te hunte mangenn le o Debles hako tsiro, un te hunte mukenn le gar tele, te denn le les gole. Un job penas:

Johanni 15:16

Tumer rodan man gar win. Me rodom tumen win, te djiwenn jaake, te well dran tumaro djipen latcho koowa, hoi atchella. Un o dad dell tumen halauter, hoi mangenn lestar an miro lab.”

Johanni 15:7

Te atchenn tumer an mande un krenn kowa, hoi me penom, palle nai mangenna mandar, hoi kamenna. Un kowa lenn tumer.

Johanni 4:10

Penas o Jesus ap late: “Te djinals tu, hoi o Dewel kamell tut te dell, un koon tutar ko pani mangella, mangals tu mandar, te dap tut o pani. Un me doms tut o pani, hoi dell o djipen.”

Remarja 2:7

Kolen, kai mukan gar tele, te krenn le o latchepen, dell lo o djipen, hoi gar pre-herella. Jon hi kolla, kai tchiwan pengro dji koi pre, te dikell o Dewel kamles ap lende, un te lell lo len pash peste an leskro railepen, kai dell lo len o djipen, hoi gar pre-herella.

Remarja 3:11

Kek mensho hi gosewo. Kek rodell o Debles.

Hebrearja 11:6

Te hi jekes kek patsepen, nai krell lo gar, hoi hi latcho glan o Debleskre jaka. Koon kamell pash o Debleste te well, kowa hunte patsell, te hi o Dewel djido, un te hi lo latcho ap koleste, koon rodell les.

Jakobo 5:15

Te mangenn i phureder o Debles un patsenn ap leskri soor, well ko nasselo sasto. Un o Dewel krell les pale soreles. Te hi doosh ap leste, palle lell o Dewel koi doosh lestar.

1. Johanni 3:22

Un lauter, hoi mer lestar mangah, kowa lah mer, te rikrah men ap kowa, hoi job menge penas, un djiwah jaake, har job kamella.