Mateo 7:24 - O Debleskro Drom 2021 (Sinte)

²⁴ Hakeno, kai mire laba shunella un kowa krella, hoi me penau, kowa hi jaake har i gosewo mursh, kai peskro kheer ap i sorelo baro bar kras.

O Debleskro Lab 2024 (Sinte-Manouche)

²⁴ Hakeno, kay mire laba shounella oun kova krella, hoy me penau, kova hi yaake har i gosevo morsh, kay peskro kheer ap i zorelo baro bar kras.

Mateo 7:24 ပူးပေါင်းရင်းမြစ်များ

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Debleskri gili 111:10

Koon djiwell o baro Debleha, kowa lell goswepen. Gosewo hi hakeno, kai ap o baro Debleskre laba shunella. Te sharas les hako tsiro!

Debleskri gili 119:130

Te haiwah tiro lab, palle krell men kowa bachtelo, un ninna kolla, kai tchi djinenn, wenn gosewo.

Debleskri gili 119:99

Me rakrau miro djijeha pral tire laba, hoi menge sikrenn, har te djiwas. Doleske haiwau budeder har mire sikepangre.

Gosewe laba 10:25

Har i sorelo ducho pral i phub phurdas, his o tchilatcho buder gar koi. Kowa, kai an o tchatchepen tardo hi, atchell hako tsireske.

Gosewe laba 10:8

Koles, kai i gosewo dji hi, rikrell pes ap kol laba, hoi leske penlo wan. jek, kai dinelo koowa rakrell, nashrell halauter.

Gosewe laba 12:7

I tchilatche wenn tele witsedo un hi gar buder koi. O kheer kolendar, kai an o tchatchepen tardo hi, atchell tardo.

Gosewe laba 14:8

O gosewo dell jak har lo djiwell, doleske hi lo gosewo. I narwele perenn hako kopo ap dinlepen dren. Un jaake chochenn le pen kokres.

Mateo 12:50

Kowa, kai krella, hoi miro dad an o bolepen kamella, kowa hi miro phraal, un miri pheen, un miri dai.”

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Mateo 24:45

I latcho budepaskro della mishto garda ap peskro rajeskro kheer, un sowella gar. Leskro rai das peskre tsele budepangren an leskre wasta. Un ko latcho budepaskro dell len hako diwes kowa, hoi len hunte well djipaske.

Mateo 25:2

Pantch lendar his dinelo, un pantch lendar his gosewo.

Mateo 25:4

I gosewe tchen his djet an pengre khore.

Mateo 25:9

Penan i gosewe: Na-a! Maro djet hi gar doha menge un tumenge. Djan pash i bikepangre, un ginenn tumenge djet!

Mateo 7:25

Har das sorelo brishin, un bud pani was, un i sorelo ducho phurdas ap ko kheer, koi peras o kheer gar khetne. Kowa his ap i sorelo baro bar tardo.

Mateo 7:26

Hakeno, kai mire laba shunella un kowa gar krella, hoi me penau, kowa hi har i dinelo, kai peskro kheer ap i tchik kras.

Louka 11:28

Koi penas lo: “Bachtele hi kolla, kai ap o Debleskro lab shunenna, un kowa ninna krenna, hoi o Dewel penella.”

Johanni 13:17

Tumer djinenn kowa kanna halauter. Te krenn tumer kowa, han bachtelo.

Johanni 14:15

“Te kamenn tumer man o djijestar, krenn tumer, hoi me tumenge penom.

Johanni 15:10

Te krenn tumer kowa, hoi me tumenge penom, atchenn tumer an miro kamlepen jaake, har me kowa krau, hoi miro dad mange penas. Un me atchau an leskro kamlepen.

Johanni 15:14

Te krenn tumer, hoi me tumenge penom, han mire mala.

Remarja 2:13

Glan o Debleste hi kolla tchatcho, kai krenna, hoi job kamella, un gar kolla, kai shunenn kol laba un krenn gar, hoi kol laba penenna.

1. Johanni 2:3

Mer te krah kowa, hoi o Dewel menge penas, te kras, djinah mer, te prindjrah les.