Mateo 7:11 - O Debleskro Drom 2021 (Sinte)

¹¹ Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen latcho koowa kolen, kai les mangenna.

O Debleskro Lab 2024 (Sinte-Manouche)

¹¹ Ninna te han t'mer čilače menshe, denn t'mer t'mare čaven lačo koova. Har boud boudeder dell t'maro dad an o bolepen lačo koova kolen, kay les mangenna.

Mateo 7:11 ပူးပေါင်းရင်းမြစ်များ

1. Mose 6:5

O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

2. Samuel 7:19

Un kanna hi kowa tuke gar doha. Baro Dewel, miro rai, tu penal mange, hoi mire tchawende kameh te dell, ninna an ko tsiro, hoi dur glan mende hi. Un tu mukeh kowa man, i menshes, te djinell.

Hiob 15:16

Har bud budeder hatsell lo doosh ap o mensheste. O mensho krell djungelo koowa un hi tchi-moldo. O tchilatchepen krell lo, har te pijals lo pani.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Debleskri gili 85:12

Kate ap kai phub rikrah mer soreles ap o Debleste. Un dran o bolepen well o Debleskro tchatchepen ap mende.

Debleskri gili 86:15

Tu, baro Dewel, hal i latcho Dewel, un kreh tiro dji tire menshenge pre. Tu weh gar sik chojedo, Tiro latchepen hi baro un tu rikreh pash tire menshende.

Debleskri gili 86:5

Tu hal latcho, miro baro Dewel, un leh i doosh krik. Tiro latchepen hi baro kolenge, kai ap tute gole denn.

Jesaja 49:15

Bistrell i djuwel peskro ternepen? Hi lat gar i kamlo dji leske, hoi joi ap i phub anas? Un ninna te bistrals koja les nai, me bistrau tut gar.

Jesaja 63:7

Me kamau te rakrap pral o Debleskro latchepen, ko baro koowa, hoi o baro Dewel halauter menge kras, un ko tselo latcho koowa, hoi mukas lo ap o kheer Israel te well. Les hi lenge i baro dji un hi lenge jaake latches.

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Jeremia 33:14

Tchatchepah, penell o baro Dewel, ko tsiro wella, kai mukau ko latcho lab tchatches te well, hoi me penom ap o khereste Israel un ap o khereste Juda.

Hosea 14:2

Tu Israel, dja pale pash o baro Debleste, ko tiro Dewel hi! Koi doosh, hoi ap tute anal, mukas tut an i bibacht te perell.

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.

Maleachi 1:6

O baro Dewel, ko rai pral o bolepen un i phub, penell: I tchawo hunte hadell peskro dades, un i budepaskro hunte dikell pre ap peskro rajeste. Me hom tumaro dad – hoske hadenn man gar? Me hom tumaro rai – hoske dikenn gar pre ap mande? Tumer rashaja, tumer dikenn tele ap mande. Un tumer putchenn: Hoi kram, kai peneh ‘tumer dikan tele ap mande?’

Mateo 23:9

Ma kharenn jekes ap kai phub: Dad! Jek dad hi tumen. Kowa hi o Dewel an o bolepen.

Mateo 7:10

Witar gar dell kek dad peskro tchawes i sap an o wast, te mangas job lestar i matcho.

Johanni 3:16

O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

Remarja 3:9

Hoi hi kanna? Hi i bibolde feteder glan o Debleste tardo har kolla, kai kek bibolde hi? Na-a, jaake har penom: I bibolde, har kolla, kai kek bibolde hi, halauter kran tchilatcho koowa.

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

Galatarja 3:22

O Debleskro lab penella, kai hi hako mensho pandlo ap o tchilatchepen. Ko jek drom, kai anell men win dran o tchilatchepen, hi o patsepen ap o Jesus Kristeste. Kowa penas o Dewel.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

1. Johanni 3:1

Dikenn, har baro o Debleskro kamlepen menge hi. O Dewel, maro dad, penell ap mende: “Mire tchawe.” Un tchatchepah, kolla ham mer. Dran kowa haiwenn men kol menshe gar, kai o Debles gar prindjrenna. Jon haiwenn gar, koon job hi.

1. Johanni 4:10

Kawa hi o Debleskro kamlepen: Hi gar jaake, kai mer kamam o Debles. Na-a, job kamas men, un bitchras peskro tchawes, te lell job mari doosh ap peste.