Mateo 6:9 - O Debleskro Drom 2021 (Sinte)

⁹ Tumer te rakrenn o Debleha, penenn: Maro dad an o bolepen. Tiro lab well sharedo!

O Debleskro Lab 2024 (Sinte-Manouche)

⁹ T'mer te rakrenn o Debleha, penenn: Maro dad an o bolepen. Tiro lab vell sharedo!

Mateo 6:9 ပူးပေါင်းရင်းမြစ်များ

2. Samuel 7:26

Palle well tiro lab sharedo an hake tsirja, un i menshe penenna: ‘O baro Dewel, ko rai pral o bolepen un i phub, hi o Israeleskro Dewel.’ Un o kheer David, kai tiro budepaskro hi, atchell tardo glan tute.

1. Rajengro liil 8:43

palle shun tu, kai djiweh an bolepen, un kre halauter, hoi ko wi-themari tutar mangell, te nai haiwenn i menshe an i tsele themma ap kai phub, koon tu hal, un mangenn tut an, jaake har tire menshe Israel. Palle djinenn le, kai tu djiweh an kau kheer, hoi tuke krom.

1. Familjakro liil 17:24

te djinenn i menshe, kai kowa, hoi tu penal, ninna jaake well, un tiro lab sharedo well an hake tsirja, un i menshe penenna: ‘O baro Dewel, ko rai pral o bolepen un i phub, koles i Israelitarja an-mangenn, job hi o Israeleskro Dewel.’ Un o kheer David, kai tiro budepaskro hi, atchell tardo glan tute.

2. Familjakro liil 20:6

Un job penas: “Baro Dewel, tu Dewel mare phurendar, tu hal o Dewel an o bolepen un o rai pral i tsele raja un lengre themma ap kai phub. Un an tiro wast hi i soor un o penepaske pral halauter, un kote hi kek, kai nai well sorleder har tu.

Nehemia 9:5

Un i Levitarja, o Jeshua, un o Kadmijel, un o Bani, un o Hashabneja, un o Sherebja, un o Hodija, un o Shebanja, un o Petachja penan: Stenn pre! Sharenn o baro Debles! Job hi tumaro Dewel. Sharenn les kanna un hako tsireske! Baro Dewel, hakeno te sharell tiro railo lab! Kek wawar lab hi jaake baro un railo har tiro lab.

Debleskri gili 111:9

O baro Dewel las peskre menshen win dran i tchilatche wasta, un kras lentsa win, te wenn le leskre menshe hako tsiro. Job kokres hi lengro Dewel. Baro hi lo!

Debleskri gili 115:3

Maro Dewel hi an o bolepen, un job nai krell lauter, hoi lo kamella.

Debleskri gili 72:18

Sharas o baro Debles, ko Debles pral o Israel. Job kokres krell baro un sorelo koowa!

Jesaja 37:20

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Jesaja 63:16

Tu hal maro dad. O Abraham djinell tchi mendar, un o Jakob prindjrell men gar. Tu, baro Dewel, hal maro dad, kowa kai men win las dran o them Egiptia. Glan rah tsiro kral tu tuke koleha i baro lab.

Jesaja 64:8

Baro Dewel, muk tiri choli gar jaake bares te well, te bistress mari doosh gar buder. Dik ap mende, mangah tut, tire menshe ham halauter.

Jesaja 66:1

O baro Dewel penell: O bolepen hi miri raili beshepaskri, un i phub i tikno banko, kai me mire herja pre tchiwau. Hawo kheer kamenn tumer mange pre te tchiwell, An hawo kheer kamenn tumer, te djiwap?

Ezekiel 36:23

Tumer kran, kai was djungeles rakedo pral miro baro lab mank i menshende an wawar themma. Un me krau, te wap pale sharedo. Kowa hoi krau tumenge, sikrell lende, te hom tchatchepah o Dewel. Un jon hunte dikenn un haiwenn, te hom me o baro Dewel. Kowa penau me, o baro Dewel, tumaro rai.

Ezekiel 38:23

Un jaake sikrau me glan i jaka bud menshendar dran wawar themma, te hom i sorelo Dewel. Un jon dikenn un haiwenn palle, te hom me o baro Dewel.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

Habakuk 2:14

Jaake har o baro pani pherdo pani hi, well i tseli phub pherde menshe, kai djinenn, har railo o baro Dewel hi.

Zakarie 14:9

Palle hi o baro Dewel o rai pral i tsele themma ap i phub. An ko tsiro hi job kokres o Dewel. Les kokres mangenn le an.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Mateo 10:29

Dui tikne tchirkle hi glan i menshende gar budeder moldo har jek bema. Un kek lendar perella ap i phub, te kamell o Dewel kowa gar. Job hi tumaro dad an o bolepen.

Mateo 23:9

Ma kharenn jekes ap kai phub: Dad! Jek dad hi tumen. Kowa hi o Dewel an o bolepen.

Mateo 26:29

Un me penau tumenge: Me pijau buder gar i mool, bis te well ko diwes, kai me pijau newi mool tumentsa khetne pash miro dadeste an o bolepen.”

Mateo 26:42

Un palle djas lo i duito kopo kote, te mangell lo o Debles. Un job penas pale: “Mo dad, tu te kameh gar kol duka un o merepen mandar te lell, palle muk kowa te well, hoi tu kameh!”

Mateo 5:16

Jaake hunte wenn tumer har i momeli, hoi chatchell glan i menshende, te dikenn le, hawo latcho koowa tumer lauter krenna, un te sharenn le o Debles, kai hi tumaro dad an o bolepen.

Mateo 5:48

Tumer hunte wenn jaake latches ap i menshende, har tumaro dad an o bolepen hi latches ap i menshende.

Mateo 6:14

Tumer te bistrenn o tchilatcho koowa, hoi i wawar ap tumende kran, palle bistrell tumaro dad an o bolepen ninna o tchilatchepen, hoi tumer kran.

Mateo 6:6

Tu te rakreh o Debleha, palle dja an tiri isema, klide o wudar pal tute, un kote rake o Debleha! Un o baro Dewel, kai hi tiro dad an o bolepen, dikell tut kote. Un job dell o latchepen pale, hoi tu kral.

Mateo 7:11

Ninna te han tumer tchilatche menshe, denn tumer tumare tchawen latcho koowa. Har bud budeder dell tumaro dad an o bolepen latcho koowa kolen, kai les mangenna.

Louka 15:18

Me kamau pash miro dadeste te djal, te penap: Tata, me krom i tchilatcho koowa, kai me djom tutar un o Deblestar krik.

Louka 15:21

Koi penas o tchawo ap leste: Tata, me krom i tchilatcho koowa, kai me djom tutar un o Deblestar krik. Un me hom gar moldo, te atchap tiro tchawo.

Louka 2:14

“Baro hi o Debleskro railepen an o bolepen! O Debleskri bacht well ap i phub. Job dikell latches ap i menshende.”

Johanni 20:17

Penas o Jesus ap late: “Ma tape ap mande! Me djom gomme gar pash o dadeste pale. Dja pash mire phralende un pen lenge: Me djau pash miro dadeste un pash tumaro dadeste un pash miro Debleste un pash tumaro Debleste.”

Remarja 1:7

Ap tumende halauterende tchinau kau liil. O Dewel kamell tumen o djijestar, un das tumen gole, te djiwenn leha khetne. Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

Galatarja 1:1

Me, o Paulo, tchinau kau liil ap i patslende, kai wenn khetne an o them Galatia. O Jesus Kristo das an miro wast, te penap i menshenge leskro lab. Me hom gar i menshendar bitchedo. Kowa, kai bitchras man, hi o Jesus Kristo un o Dewel, maro dad. Kowa kras les i mulendar djido.

Galatarja 4:6

Kanna ham leskre tchawe. Doleske das o Dewel peskro tchaweskro Ducho an mare djia. Kowa dell gole: Tata, miro dad!

1. Timoteo 6:16

Job nai merell gar. Job djiwell kote, kai i momeli jaake sorelo hi, kai kek nai dren djala. O Debles dikas kek mensho, un kek mensho nai dikell les. Koles well o tselo railepen un i tseli soor!

1. Petro 1:17

O Dewel hi o tchatchepaskro rai, kai rakrell o tchatchepen win pral hakeneste pal kowa, hoi job kras. Un o Dewel dikell gar koi pre, koon ko mensho hi. Ap leste penenn tumer: “Tata!” Doleske djiwenn jaake, har job kowa kamella, jaake rah har tumer kate ap i phub djiwenna.

Debleskro tsiro 4:11

“Tu, o Dewel, maro rai, tu hal moldo, te less o railepen, un o sharepen, un i soor. Tu kral o bolepen un i phub. Jaake, har tu kamal, jaake kral tu kowa, un was kowa.”

Debleskro tsiro 5:12

Un jon giwenn soreles: O terno bakro, hoi was maredo, kowa hi moldo, te well les i bari soor, ninna o brawlepen, un o goswepen, un o sharepen, un o railepen, un i gilja, hoi les hadenna, un bares krenna.