Mateo 6:5 - O Debleskro Drom 2021 (Sinte)

⁵ Tu te rakreh o Debleha, palle ma kre kowa har kolla, kai hi len dui djia. Jon kamenn, te dikenn len i menshe, har jon an i biboldengre kangria un ap o drom tardo hi, un o Debleha rakrenna. Tchatchepah, me penau tumenge: Kolla lenna tchi o Deblestar. Jon anan pengro latchepen kokres dren.

O Debleskro Lab 2024 (Sinte-Manouche)

⁵ Tou te rakreh o Debleha, palle ma kre kova har kolla, kay hi len douy djia. Yon kamenn, te dikenn len i menshe, har yon an i biboldengre kangria oun ap o drom tardo hi, oun o Debleha rakrenna. Čačepah, me penau t'menge: Kolla lenna či o Deblestar. Yon anan pengro lačepen kokres dren.

Mateo 6:5 ပူးပေါင်းရင်းမြစ်များ

Debleskri gili 5:2

Baro Dewel, shun mire laba! Shun, har me ap tute rowau!

Debleskri gili 55:17

Me dau ap miro Debleste gole. Un o baro Dewel lell man win dran lengre wasta.

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Gosewe laba 16:5

O baro Dewel dikell chojedes ap hakeneste, koles i pre-phurdo dji hi. O wast pre, kowa lell peskri phagi.

Jesaja 1:15

Un te hadenn tumer tumare wasta pre, te mangenn man an, palle tchakrau me mire jaka tele, te dikap tumen gar. Un ninna te mangenn mandar pale te pale, me shunau tumen gar: Tumare wasta hi pherdo rat.

Jeremia 29:12

Te denn tumer man an-gole un wenn un mangenn mandar, palle shunau me ap tumende.

Daniel 6:10

Jaake mukas o baro rai kau lab pre te tchinell un tchiwas peskro lab tele.

Mateo 21:22

Te patsenn tumer, te lenn kowa, hoi mangenna o Deblestar, palle lenn tumer kowa lauter ninna.”

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Mateo 23:5

Lauter, hoi kolla krenna, krenn le, te dikenn kowa i wawar. Te pandenn le i diklo trul o shero un trul i mussi, kai o Debleskre laba dren tchinlo hi, jaake hi lengro diklo buchleder har ko diklo i wawar murshendar. Un len hi lengste koola ap pende, te sikrenn le i menshende, te hi le o Debleskre mursha.

Mateo 23:6

Pash i baro chapen kamenn le ap i feteder beshepangre te beshell. Un an i biboldengre kangria kamenn le ap i pralstune beshepangre te beshell.

Mateo 6:1

Denn jak, har krenn tumer latcho koowa! Ma krenn les jaake, te dikenn i menshe kowa un sharenn tumen! Koon tumendar kowa krella, koles dell tumaro dad an o bolepen kek latchepen pale.

Mateo 6:16

Te chan tumer i tikno tsiro tchi, te mangenn o Debles an, palle krenn kowa gar jaake, te dikenn i menshe kowa! Ma krenn har kolla, kai hi len dui djia! Jon sikrenn ap pengro mui, te bokenn le pengro Debleske. Tchatchepah, me penau tumenge: Kolla lenna tchi o Deblestar. Jon anan pengro latchepen kokres dren.

Mateo 6:2

Tu te deh i tchorweles lowe, palle ma pen kowa hakeneske! Ma kre har kolla, kai hi len dui djia, un penenn an i biboldengre kangria un ap o drom, hawo latchepen jon kran, te wenn le i menshendar sharedo. Tchatchepah, me penau tumenge: Kolla lenna buder tchi o Deblestar. Jon anan pengro latchepen kokres dren.

Mateo 9:38

Doleske mangenn o Deblestar, te bitchrell lo budepangren, kai leske budrenna!”

Markus 11:25

Un te han tumer tardo un mangenn tchomone o Deblestar, bistrenn ko tchilatcho koowa, hoi i wawar ap tumende kras, te bistrell tumaro dad an o bolepen ninna ko tchilatcho koowa, hoi tumer kran.

Markus 12:38

Un job rakras ap lende un penas: Denn jak ap tumende! Kowa, hoi kol biboldengre tchatchepangre krenna, hi gar mishto. Len hi lengste koola ap lende, te sikrenn le, te hi le o Debleskre menshe. Te djan le an o foro, kamenn le, te penenn i menshe “Latcho diwes, mo rai” ap lende.

Louka 11:43

Tumer Farisarja, hoi tumer krenna, ko hi gar mishto. Tumer kamenn ap i pralstune beshepangre an i biboldengri kangri te beshell. Un tumer kamenn, te penenn i menshe ap o drom: Latcho diwes, mo rai, ap tumende.

Louka 18:1

Un o Jesus penas lenge laba, kai i khatedo tchatchepen dren hi, te sikrell lo len, te hunte mangenn le o Debles hako tsiro, un te hunte mukenn le gar tele, te denn le les gole. Un job penas:

Louka 18:13

Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!”

Louka 20:47

Jon lenn i khera kol djuwjendar krik, kolengre romma mulo hi. Te mangenn le o Debles, palle rakrenn le leha i rah tsiro, te dikenn i menshe, har patslo jon hi. O Dewel rakrell i phagi pral lende win, un jon lenna i bareder phagi har i wawar.”

Louka 6:24

Bibacht well ap tumende, kai kanna brawelo han. Tumer lenna tchi buder.

Johanni 16:24

Bis kanna mangan tumer tchi an miro lab. Mangenn un job dell tumen, te well tumari bacht jaake bari, bareder djal gar!

Efesarja 6:18

Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

1. Tessalonikarja 5:17

Mangenn o Debles hako tsiro!

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.