Mateo 6:34 - O Debleskro Drom 2021 (Sinte)

³⁴ Doleske penau tumenge: Ma darenn glan kowa, hoi taissar wella! Mukenn o wawar diwes ap tumende te well, un palle dikenna, hoi te krenn! Hako diwes hi tumen doha, hoi krell tumaro djipen phares.

O Debleskro Lab 2024 (Sinte-Manouche)

³⁴ Doleske penau t'menge: Ma darenn glan kova, hoy taysar vella! Moukenn o vavar dives ap t'mende te vell, oun palle dikenna, hoy te krenn! Hako dives hi t'men doha, hoy krell t'maro djipen phares.

Mateo 6:34 ပူးပေါင်းရင်းမြစ်များ

Ropaskre gilja 3:23

Haki tsalla hi menge leskro kamlepen un latchepen newes koi. Kowa hi jaake tchatcho, har o kham pre djal!

Mateo 6:11

De men maro maro hako diwes!

Mateo 6:25

Doleske penau me tumenge: Ma darenn tumaro djipaske! Ma darenn, te well tumen tchi te chal un tchi te pijell, witar gar, te well tumen tchi an-ripaske! O djipen hi budeder moldo har o chapen. Un o mensho hi budeder moldo har o ripen.

Mateo 6:27

Kek tumendar nai tchiwell jek diwes budeder pash peskro djipen pashel!

Louka 10:41

Koi penas o rai: “Marta, Marta, tu mareh tut tele, un kreh tuke bud budi.

Louka 11:3

De men maro hako diwes!

Louka 12:11

Te anenn i menshe tumen glan i tchatchepangre un glan i rajende un pralstunende, ma darenn, hoi tumer hunte rakrenna.

Louka 12:22

Un o Jesus penas peskre malenge: “Doleske penau tumenge: Ma darenn tumaro djipaske! Ma darenn, te well tumen tchi te chal, witar gar, te well tumen tchi an-ripaske!

Johanni 14:27

Ninna te hom me gar pash tumende, atchell koi bacht, hoi me dom tumen, an tumare djia. Me dau tumen miri bacht. Koi bacht nai denn tumen gar i menshe ap kai phub. Ma trashenn! Ma awenn dareno!

Johanni 16:33

Kowa lauter penom tumenge, te well tumen i bari bacht an o dji pral kowa, kai han mire. Kate ap kai phub hi tumen daar. Ma darenn! Me hom sorleder har halauter ap kai phub.”

Bičepangre 14:22

djan pash i patslende un dan len soor an o dji, un rakran lenge an o dji, te atchenn jon an o patsepen. Un jon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

5. Mose 33:25

Job mu djiwell kek darjah pal wudja, hoi hi pandlo sasteha. Un an peskro tselo djipen mu atchell leske leskri soor!

Filiparja 4:6

Ma darenn tchi! Hako tsiro mangenn o Deblestar, hoi tumen hunte well, un penenn leske lauter, hoi ap tumaro dji hi! Un parkrenn tumen pash leste!

1. Petro 5:7

Lauter, hoi hi tumen phares ap o dji, witsrenn ap leste! Job krell lauter mishto.