Mateo 6:13 - O Debleskro Drom 2021 (Sinte)

¹³ Ma muk men tiro dromestar tele te djal! Le men dran o bengeskro wast win!

O Debleskro Lab 2024 (Sinte-Manouche)

¹³ Ma mouk men tiro dromestar tele te djal! Le men dran o bengeskro vast vin!

Mateo 6:13 ပူးပေါင်းရင်းမြစ်များ

1. Mose 22:1

Pal kau koowa kamas o Dewel te dikell, te shunell o Abraham ap leste o tselo djijeha, un penas ap leste: “Abraham!” Un job penas: “Kate hom.”

1. Rajengro liil 1:36

Kote penas o Benaja, koleskro dad o Jojada his, o baro rajeske: “Jaake krah mer kowa! Jaake kamell kowa o baro Dewel, kai ninna o Dewel miro baro rajestar hi.

1. Familjakro liil 16:36

Sharedo well o baro Dewel, kai o Israeleskro Dewel hi, kanna un hako tsireske! Un i tsele menshe penan: “Amen! Sharedo well o baro Dewel!”

1. Familjakro liil 29:11

Baro Dewel, tu hal o baro rai, hal sorelo, railo, sorleder har hako wawar, un o pralstuno pral hako wawareste. Halauter, hoi an o bolepen un ap i phub hi, hi tiro. Tu hal o rai pral i tsele themma, un tut hi penepaske pral halauter.

1. Familjakro liil 4:10

Un o Jabez das gole ap o Israeleskro Debleste un penas: Tchip tiri bacht ap mande, un kre miro them bareder har lo kanna hi. Ab mantsa, un rike tiro wast pral mande, te well nai kek duk pral mande! Un o Dewel mukas te well, hoi job putchas peske lestar.

Debleskri gili 10:16

O baro Dewel hi o baro rai kanna un hako tsiro. Kolla, kai gar ap leste patsenna, djan penge dran leskro them.

Debleskri gili 106:48

Sharedo well o baro Dewel, kai o Israeleskro Dewel hi, kanna un hako tsireske! Mu penenn i tsele menshen: “Amen! Sharedo well o baro Dewel!”

Debleskri gili 22:28

Mu rodenn i menshe ap i tseli phub o baro Debles, un wenn pash leste! Mu mangenn le les an, an hako them!

Debleskri gili 41:13

Me shunau ap tute miro tselo djijeha. Doleske rikreh tu miro djipen, un mukeh man te djiwell pash tute hako tsiro.

Debleskri gili 47:2

Tumer menshe dran i tsele themma, denn an i wasta! Sharenn o Debles un denn leske bachteles gole!

Debleskri gili 47:7

Giwenn o Debleske! Giwenn un sharenn les, giwenn maro baro rajeske! Giwenn!

Debleskri gili 72:19

Sharas leskro baro railo lab hako tsiro! Leskro railepen mu well diklo an i tsele themma! Amen, jaake te well kowa!

Debleskri gili 89:52

Baro Dewel, kolla, kai tut gar kamenna, praassenn man, o baro rajes, koles tu tuke win rodal.

2. Mose 15:18

O baro Dewel hi o baro rai kanna un hako tsireske.

Gosewe laba 30:8

Rike man pale, te chochap! Un ma kre, te wap tchorwelo un witar gar, te wap brawelo. De man kokres, hoi man hunte well o djipaske.

Jeremia 15:21

awa, dran i wasta kolendar, kai tchilatcho ap tute hi, un kai djan sorjah ap tute pre.

Jeremia 28:6

“Amen! O baro Dewel te krell jaake! Mu krell job, te well tiro lab tchatcho, hoi glan-wi penal, te anell lo ko kutch koowa dran leskro kheer, hoi an o them Babilonia anlo was, pale pale an kau foro, ninna kol tsele menshen, kai pandles krik anlo wan.

Daniel 4:25

Un lauter was jaake pral o baro rajeste, o Nebukadnezar.

Daniel 7:18

Un pal lende lenn i wi-rodede menshe o pralstuno Deblestar i rajeskri soor pral i tsele menshende un lengre themma. Un koi soor atchell lenge hako tsireske, un well lendar gar krik lino.”

4. Mose 5:22

“Jaake djal ko nasselo pani an tiro per, un tiro per well pesseder, un tire rigja perenn khetne.” Un koi djuwel hunte penella: “Amen, jaake te well kowa!”

Mateo 26:41

Ma sowenn dren! Mangenn o Deblestar, te perenn gar miro dromestar tele! Tumen kokres hi kek soor te atchenn pash mande, ninna te kamell kowa tumaro dji.”

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Mateo 5:37

Te penenn tumer: Awa! jaake hunte well kowa ninna: Awa! Un te penenn tumer: Na-a! jaake hunte well kowa ninna: Na-a! Hako lab, hoi pral wergel hi, well o bengestar.

Mateo 6:10

Te well ko tsiro sik, kai tu o rai hal pral i tseli phub! Te krenn i menshe ap i phub kowa, hoi tu kameh, jaake har ninna kolla an o bolepen krenn, hoi tu kameh!

Johanni 17:15

Me mangau tutar gar, te less len tu dran kai phub win. Me mangau tut, te rikress tu o benges lendar pale.

1. Korintarja 10:13

Della sawo koowa, hoi kamell tumen o Debleskro dromestar tele te anell. Dikenn, sawo koowa was ninna ap wawar menshende. Te well pharo koowa ap tumende, dell o Dewel tumen koi soor, te nai hidjrenn kowa. Job hatsell i drom, te wenn pale kote win.

1. Korintarja 14:16

Te shareh tu o Debles an i rakepen, hoi o Debleskro Ducho tut das, un koi hi jek, kai haiwell kowa gar, har nai penell job ‘Amen’ ap kowa, hoi tu penal?

2. Korintarja 1:20

Lauter, hoi mukas o Dewel glan i rah tsiro menge te penell, kowa kras o Jesus Kristo menge. Dran kowa penah mer Amen, te well o Dewel sharedo.

Galatarja 1:4

Job meras, te lell lo mari doosh ap peste. Kowa kras lo, te lell lo men win dran ko tchilatcho tsiro, an hoi mer djiwah. Kowa kamas o Dewel, maro dad jaake.

5. Mose 8:16

un das tumen Manna te chal an o mulo tato them, ko maro, hoi tumare phure gar prindjran. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi, te nai krell lo les tumenge pal kowa mishto.

5. Mose 8:2

Ma bistrenn, har djas tumaro baro Dewel glan tumende an kol 40 (star-deesh) bersha, har djan an o mulo tato them trujel. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi: Shunenn tumer ap leskre laba oder gar?

1. Tessalonikarja 1:10

Tumer dikenn ap ko diwes, kai well o Debleskro tchawo dran o bolepen pale. Kowa hi o Jesus, koles kras o Dewel i mulendar djido. Job lell men dran o Debleskri choli win, hoi pral i menshende wella.

2. Tessalonikarja 3:3

Maro rai Jesus mukell tumen gar. Job dell tumen soor, un dell garda ap tumende, te well kek tchilatcho koowa ap tumende.

1. Timoteo 1:17

Me sharau o Debles, koles, kai hako tsiro o baro rai hi; kowa, kai merella gar, un kai nai dikell les kek. Kowa kokres hi o Dewel. Leskro railepen atchell hako tsireske. Amen.

Hebrearja 11:36

Wawar wan praassedo, un wan i tchupnijah dino. Wawar wan i sasterne shellentsa pandlo, un an o stilepen witsedo.

1. Petro 5:8

Denn garda, un awenn gar khino! O beng kamell tumen te marell. Un job djal trujel har i diwji bari margodja, hoi hi lat bok, un rodella, kones joi nai chal pre.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.

1. Johanni 3:8

Kolla, kai djiwenn an o tchilatchepen, kolla hi o bengestar. O beng krella o tchilatchepen jaake rah, har job koi hi. Doleske was o Debleskro tchawo ap kai phub, te phagell lo o bengeskri soor.

Debleskro tsiro 1:18

Me hom o djido. Un me homs mulo, un kanna hom djido un djiwau hako tsireske. Man hi i soor pral o merepen. Un man hi o klidepaskro an o mulengro them.

Debleskro tsiro 19:1

Un pal kowa dan bud menshe an o bolepen bari gole: “Halleluja! Maro Dewel las men dran o tchilatchepen un o merepen win. Job hi o rai, un les hi i soor pral halauter.

Debleskro tsiro 19:4

Un kol biish-te-star tchatchepangre phure un kol star sorele bolepangre witsran pen tele glan o Debleste, kai ap peskro rajeskro beshepaskro beshdo hi, un sharan les, un penan: “Amen, Halleluja!”

Debleskro tsiro 2:10

Ma darenn kol duka, hoi ap tumende wenna! O beng mukell menshen tumendar an o stilepen te witsrell, te well diklo, har sorelo tumaro patsepen ap mande hi. Un tumer wenn deesh diwessa palla lino. Atchenn soreles an tumaro patsepen ap mande, ninna te marenn le tumen! Palle dau tumen o djipen, hoi atchella. Jaake baro hi tumaro plaissepen!

Debleskro tsiro 21:4

Un job khossella hake swa ap lengre jaka tele. Un o merepen dell gar buder, witar kek bibacht, kek ropen un kek duka. Kowa hoi his, dell gar buder.

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.

Debleskro tsiro 3:14

“Tchin kau liil ap o Debleskro budepaskro, kai dell jak ap i patslende an o foro Laodicea: Kawa penell kowa, kai kharell Amen, un penell hako tsiro o tchatchepen, un sikrell i menshende o tchatcho drom pash o Debleste. Job his koi pashel, har o Dewel lauter kras.

Debleskro tsiro 5:13

Un me shunom i gili, hoi lauter giwan, kai an o bolepen hi, un ap i phub, un tel i phub, un an o baro pani. Un jon giwenn: “Koleske, kai ap o rajeskro beshepaskro beshdo hi un ko terno bakreske, kolenge hi i gilja, un o sharepen, un o railepen, un i soor pral lauter, kanna un hako tsireske.”