Mateo 5:9 - O Debleskro Drom 2021 (Sinte)

⁹ Bachtele hi kolla, kai krenna, te well kek tchingepen mank i menshende. O Dewel kharell len peskre tchawe.

O Debleskro Lab 2024 (Sinte-Manouche)

⁹ Barhtele hi kolla, kay krenna, te vell kek čingepen mank i menshende. O Devel kharell len peskre čave.

Mateo 5:9 ပူးပေါင်းရင်းမြစ်များ

1. Familjakro liil 12:17

Ninna mursha dran kol khera Benjamin un Juda wan pash o Davideskro sorelo kheer ap i berga.

Debleskri gili 120:6

O tsiro well mange rah, kai djiwau pash kolende, kai kamenn o tchingepen.

Debleskri gili 34:12

Awenn, tumer tchawe un shunenn, hoi me penau! Me kamau tumen te sikrell, har djiwenn tumer o baro Debleha.

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

Mateo 5:48

Tumer hunte wenn jaake latches ap i menshende, har tumaro dad an o bolepen hi latches ap i menshende.

Louka 20:36

Jon merenn buder gar, un hi har i bolepangre. Jon stan i mulendar pre. Doleske hi le o Debleskre tchawe.

Louka 6:35

Me penau tumenge: Awenn latches kolenge, kai hi tchilatcho ap tumende! Krenn kolenge latchepen! Patsenn tumare lowe win ap kolende, kai tumer gar djinenna, te lenn tumer lendar tchomone pale! Te krenna tumer kowa lauter, palle dell o Dewel tumen peskro brawlepen an o bolepen, un tumer wenn o baro Debleskre tchawe. O Dewel hi ninna latches ap kol menshende, kai tchilatche hi, un kai parkrenn pen gar pash leste.

Bičepangre 7:26

O wawar diwes was job pash peskre menshende, har dui lendar tchingran. Un job das len trad, te tchingrenn le pen gar, un penas: Murshale, tumer han phrala, hoske tchingrenn?

Remarja 12:18

Jaake bud har djala un ap tumende hi, djiwenn lauterentsa kamles khetne!

Remarja 8:14

Kolla, kai shunenn ap o Debleskro Ducho, kolla hi o Debleskre tchawe.

Remarja 8:16

Un o Debleskro Ducho penell menge an o dji, te ham mer o Debleskre tchawe.

Remarja 8:19

Halauter, hoi o Dewel kras, dikell peskro tselo djijeha ap ko tsiro, kai o Dewel halauteren sikrella, koon leskre tchawe hi.

1. Korintarja 6:6

Tumer han phrala. Un tumer tchingrenn tumen glan kol tchatchepangre, kai gar patslo hi!

2. Korintarja 13:11

Kanna, mire phrala, awenn bachteles, un awenn pale pale ap o tchatcho drom! Shunenn ap kol laba, hoi me tumenge penom. Rikrenn khetne un tchingrenn tumen gar! Un o Dewel, kai dell kamlepen un bacht an o dji, well tumentsa!

2. Korintarja 5:20

Jaake ham mer o Debleskre bitchepangre. Men hi o Jesus Kristeskro tchatcho wast. Doleske mangah i menshendar, te wenn le pash leste. Un kowa hi jaake, har te dell len o Jesus Kristo gole: “Awenn pash o Debleste! Awenn leskre mala!”

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

Efesarja 4:1

Me hom an o stilepen o Jesuseske, maro rajeske, un mangau tumen o djijestar, te djiwenn tumer tumaro djipen har sawe menshe, kolen o Dewel peske khetne gole das.

Filiparja 4:2

Me mangau tumen, tumer phenja Evodia un Sinticha, tchingrenn buder gar khetne! Tumer han phenja an o patsepen ap maro rajeste, o Jesuseste.

Kolossarja 3:13

te choirell pes kek sik pral o wawareste. Un bistrenn ko tchilatcho koowa, hoi i wawar ap tumende kran! Jaake har o rai, o Jesus Kristo, tumari doosh bistras, hunte krenn tumer kowa ninna.

Hebrearja 12:14

Krenn lauter, te well tumen kek tchingepen i wawar menshentsa! Tchiwrenn o tselo tchilatchepen dran tumende win! Kek mensho dikell o Debles, te mukell lo o tchilatchepen an peste te djiwell.