Mateo 5:39 - O Debleskro Drom 2021 (Sinte)

³⁹ Me penau tumenge: Ma hadenn tumaro wast ap koleste, kai kras tumen tchilatcho koowa! Te das tuke jek ap i tchatchi tcham, koleske rike ninna i serwi koi, te dell lo tut!

O Debleskro Lab 2024 (Sinte-Manouche)

³⁹ Me penau t'menge: Ma hadenn t'maro vast ap koleste, kay kras t'men čilačo koova! Te das touke yek ap i čači čam, koleske rike ninna i servi koy, te dell lo tout!

Mateo 5:39 ပူးပေါင်းရင်းမြစ်များ

1. Rajengro liil 22:24

Kote was o Zedekja pashel, koleskro dad o Kenaan his, un das o Micha i tchamedini, un penas: “Hoi rakreh? Patseh, o ducho o baro Deblestar djas peske mandar, un rakrell kanna kokres tuha?”

Hiob 16:10

Menshe wenn khetne trul mande, un dikenn ap mande pre-kerde mujentsa. Te well len tchomone sapaske denn le man tchamedinja.

Gosewe laba 20:22

Ma le tuke glan, te dess o tchilatchepen pale, hoi jek ap tute kras. Dik ap o baro Debleste! Kowa lell tiro koowa an peskro wast.

Gosewe laba 24:29

Ma pen: “Jaake har job mange kras, krau me leske ninna. Hakeneste dau pale, har job mange kras.”

Jesaja 50:6

Me rikrom kolenge miro dumo, kai dan mange dawa, un rikrom mire tchamja kolenge koi, kai tserdan balla dran miri tchora. Me khatrom gar miro mui, har praassan le man un tchungran ap mande.

Ropaskre gilja 3:30

Te lell lo i tchamedini, mu te rikrell lo peskri tcham koleske koi, kai dell les. Mu rikrell lo o praassepen win!

3. Mose 19:18

Ma de o tchilatchepen pale, hoi i wawar ap tute kras, un hidje leske tchi palla. Tu wess jaake latches ap leste, har hal latches ap tute kokres. Me hom o baro Dewel.

Micha 5:1

Tu foro Betlehem an Efrata, kai hal tikno mank i forja an o them Juda, dran tute well mange kowa, kai hi o rai an o them Israel. Glan hako tsiro his job. An i phure diwessa his lo koi.

Mateo 5:40

Un kowa, kai anell tut glan i tchatchepangre, te lell lo tiro gad, koles de ninna tiri plaashka!

Louka 22:64

Un jon pandan leskre jaka, un penan: “Pen menge, koon das tut!”

Louka 6:7

I biboldengre tchatchepangre un i Farisarja dikan ap o Jesuseste, un putchan pendar: “Krell lo kau murshes ap o Debleskro diwes sasto?” Jon kaman tchomone ap leste pre te anell, te anenn le les nai glan i tchatchepangre.

Johanni 18:23

Koi penas o Jesus ap leste: “Nai peneh tu, kai me tchilatcho koowa rakrom? Te penom me lauter, hoi tchatcho hi, hoske dal tu man?”

1. Korintarja 6:7

Tumaro tchingepen hi i tchilatcho koowa an peste. Hoske rikrenn tumer gar win, hoi kol wawar tumentsa krenna? Hi feteder te nashrenn tumaro koowa, har te djan glan i tchatchepangre.

1. Tessalonikarja 5:15

Ma awenn tchilatcho ap kolende, kai tchilatcho ap tumende wan! Mukenn gar tele, te wenn latches ap hakeneste mashkral tumende, ninna ap i tsele wawar menshende!

Hebrearja 12:4

Me djinau, tumer kamenn gar, te well o tchilatchepen o rai pral tumende. Ninna te was tumenge pharo, te penenn ‘na-a’ ap o tchilatchepen, meran doleske gomme gar.

Jakobo 5:6

Koles, kai his kek doosh ap leste, anan tumer glan i tchatchepangre, te well lo mulo dino. Kowa kamas pes gar tumentsa te tchingrell.

1. Petro 3:9

Krenn kekeske tchilatchepen, kai kras ap tumende tchilatchepen! Jek te tchingrell ap tumende, ma tchingrenn pale! Rakrenn latche laba leha! O Dewel das tumen gole, te lenn tumer leskro latchepen.