Mateo 5:22 - O Debleskro Drom 2021 (Sinte)

²² Me penau tumenge: Koon ap peskro phraleste chojedo hi, kowa hunte well glan o tchatchepaskro anlo. Un koon peskro phrales praassella, kowa hunte well glan i pralstune tchatchepangre anlo. Un koon penella: Dja tuke pash o bengeste! kowa wella an o bengeskri jag witsedo.

O Debleskro Lab 2024 (Sinte-Manouche)

²² Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Mateo 5:22 ပူးပေါင်းရင်းမြစ်များ

1. Mose 37:4

Har leskre phrala dikan, kai lengro dad les budeder kamas har len, wan le tchilatcho ap pengro phraleste un rakran nai buder gar latches leha.

1. Mose 37:8

Koi penan leskre phrala ap leste: “Kameh te wess rai pral mende? Kameh tchatchepah te wess o pralstuno mendar?” Un jon his leske budeder tchilatcho pral leskri suni un leskro rakepen.

2. Samuel 16:7

Un o Shimi praassas les un das gole: “Dja tuke, tu marepaskro! Dja tuke, tu bedo!

2. Samuel 6:20

Un o David was khere, te penell lo peskre menshenge ‘latcho diwes’ un te putchell lo lendar, har lenge djala. Un i Michal, o Sauleskri tchai, djas win pash leste, un penas: “Hawo railepen his ko baro rajes pral Israel kai diwes, har riwas job pes win glan kol djuwjende, kai leskre pralstunenge budrenn, jaake har pen kol wi-ladjede menshe wi-riwenna!”

1. Rajengro liil 21:4

Kote djas o Ahab an peskro kheer, dukedo un chojedo pral ko lab, hoi o Nabot dran Jesreel ap leste rakras, har penas lo: “Me dau tut kowa gar, hoi mire phurendar lom pal lengro merepen.” Un o Ahab tchiwas pes ap peskro tchiben, un tchiwas peskro mui ap i wawar rig, un chas tchi.

2. Familjakro liil 16:10

O Asa choiras pes pral o dikepaskro, un an peskri bari choli mukas lo les an o stilepen te anell. An ko tsiro rikras job ninna wawar menshen an o them i dawentsa tele.

2. Familjakro liil 19:5

Un an i tsele sorele forja an o them Juda tchiwas lo tchatchepangren an pengri budi dren,

Nehemia 5:8

un penom ap lende: “Kai kowa an maro wast his, ginam i bibolden, mare phralen, pale, kai ap i wawar menshende bikedo wan. Un kanna kamenn tumer, te bikrenn pen tumare phrala ap tumende, kai lengre menshendar han!” Kote atchas lenge o mui pre, un jon hatsan kek laba, hoi le nai penans.

Debleskri gili 109:3

Pengre tchilatche tchipjentsa dukrenn le man, un tchingrenn ap mande, ninna te krom me lenge tchi.

Debleskri gili 14:1

I gili o rajeske pral i gipangre. O David kras kai gili. Dinele hi le, kai rakrenn penge: “O Dewel dell pes gar!” Tchi-molde hi le! I ladj hi kowa, hoi jon krenn. Kek hi koi, kai krell latchepen.

Debleskri gili 25:3

Kek, kai pes ap tute rikrell, hunte ladjell pes. Kolla, kai phukrenn ap tute tchitcheske, hunte ladjenn pen.

Debleskri gili 35:19

Ma muk, te sanenn kolla pral mande, kai kamenn mange tchilatchepen, ninna te krom me len tchi. Ma muk len i jakentsa te dell pal mande!

Debleskri gili 37:8

Muk tele i choljatar! Ma choje tut pral o tchilatchepen, hoi i wawar krenna! Kowa nai anell tut jaake dur, te kreh tu ninna o tchilatchepen.

Debleskri gili 49:10

te nai djiwell lo hako tsiro, un hunte merell gar.

Debleskri gili 69:4

Me dom gole, bis te man kek soor buder an mande his, un miri meen dukas. Mire jaka wan khino, jaake rah dikau pal miro Debleste.

Debleskri gili 7:4

Baro Dewel, tu hal miro Dewel, me te krom sawo koowa, hoi penan le, un te hi doosh ap mande,

Debleskri gili 92:6

Baro Dewel, hawo baro koowa kral tu! Hi phares menge te haiwas, hoi tuke an o shero djal.

Gosewe laba 14:16

O gosewo darella un rikrell pes pale o tchilatchepastar. O dinelo well sik chojedo un patsell, te nai djal leske kek tchilatchepen.

Gosewe laba 18:6

Kowa, hoi i dinelo rakrell, anell tchingepen. Un leskro mui dell pal dawa gole.

Jeremia 17:11

Har i diwji kachni, kai beshell pes ap i jare, kai gar lakre hi, jaake djal koleske, kai lell peske brawlepen khetne chochepah. An o feteder tsiro nashrell lo peskro brawlepen, un hi koi tardo har i narwelo.

Ropaskre gilja 3:52

Kolenge tchi krom, kolla lan man palla, har te woms i tchirklo.

Daniel 3:13

Un i bari choli tapras o Nebukadnezar. Un job penas, te anenn le kol triin murshen glan leste. Un i mursha wan glan leste anlo.

Daniel 3:19

Kote was o Nebukadnezar jaake pherdi choli, te was leskro mui lolo i choljatar pral o Shadrach, o Meshach un o Abed-Nego. Un job penas soreles, te well o bob efta kope jaake tateder kerdo, har glan ko tsiro.

Obadja 1:10

Tu kral djungelo koowa ap tiro phraleste, o Jakobeste! Doleske well i ladj ap tute, un tu wess jaake khetne stakedo, te stess buder gar pre!

Obadja 1:12

Tu, Edom, ma dik buder tele ap tiro phraleste, o Juda, an ko tsiro, kai leske djungeles djal! Ma sa buder pral leskre tchawende an ko tsiro, kai lenge ropaske hi! Ma rake jaake pre-phurdo an ko tsiro, kai jon darenna!

Mateo 10:17

Denn jak, hoi i menshe tumentsa krenna! Jon anenn tumen glan i tchatchepangre, un mukenn tumen an lengre kangria i tchupnijah dawa te dell.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Mateo 12:24

Har i Farisarja kowa shunan, penan le: “O pralstuno beng das les i soor. Dran kowa nai tradell job i bengen win.”

Mateo 17:5

Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Mateo 18:21

Koi djas o Petro pash leste, un putchas lestar: “Rai, te hi miro phraal bud kope tchilatcho ap mande, kitse kope hunte bistrap ko tchilatcho koowa, hoi job ap mande kras? Hi efta kope doha?”

Mateo 18:35

Un o Jesus penas dureder: Te bistrenn tumer gar o tselo djijestar o tchilatcho koowa, hoi i wawar phraal ap tumende kras, jaake krell miro dad an o bolepen emligo tumentsa.

Mateo 23:15

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen. Tumer djan pral i tseli phub, te anenn i menshenge o biboldengro patsepen. Un te djiwell jek pal tumaro patsepen, palle krenn lestar i bengeskro tchawo. Un job well dui kope tchilatcheder har tumer han.

Mateo 23:33

Tumer han sapa. Awa, tchilatche sapa han tumer. O Dewel witsrell tumen an o bengeskri jag. Un tumer nashte nashenn gar glan koleste krik.

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

Mateo 26:59

Un i bare rashaja un i tsele pralstune bibolde rodan murshen, kai anenn chocheno koowa ap o Jesuseste, te nai marenn le les.

Mateo 3:17

Un i rakepen dran o bolepen penas: “Kawa hi miro tchawo, koles me kamau. Pral leste hom me bachtelo.”

Mateo 5:34

Me penau tumenge: Ma denn tumen sowel! Ma denn gole ap o bolepen, te shunell lo tumari sowel! O Dewel hi kote o rai.

Mateo 5:44

Me penau tumenge: Awenn latches kolenge, kai hi tchilatcho ap tumende! Mangenn o Debles kolenge, kai lenn tumen palla!

Markus 14:55

Un i bare rashaja un i tsele pralstune bibolde rodan tchomone, hoi anenn le nai ap o Jesuseste, te nai marenn le les. Un jon hatsan tchi.

Markus 15:1

Sik taissarlake wan i bare rashaja un i biboldengre phureder un tchatchepangre khetne i tsele pralstune biboldentsa. Un jon rakran khetne, hoi te krenn le o Jesuseha. Un jon pandan les, anan les pash o Pilateste un dan les an leskre wasta.

Louka 12:5

Me kamau tumen te sikrell, konestar hunte tchatchepah trashenn: Trashenn o Deblestar, kai les i soor hi, te witsrell lo jekes pal o merepen an o bengeskri jag! Awa, kowa penau tumenge: Kolestar trashenn!

Louka 22:66

Un har o diwes was, mukan i biboldengre phureder, i bare rashaja un i tchatchepangre o Jesuses pash pende te anell.

Johanni 11:47

Doleske wan kol bare rashaja un kol Farisarja i pralstune biboldentsa khetne, un penan: “Hoi kras mer? Job krell bud baro un sorelo koowa, hoi kek wawar nai krell.

Johanni 15:25

Jaake was kowa tchatcho, hoi an o Debleskro lab tchinlo hi: Jon hi tchilatcho ap mande, ninna te krom kek tchilatchepen ap lende.

Johanni 7:20

“An tute hi i beng”, penan kol tsele menshe. “Koon kamell tut te marell?”

Johanni 8:48

“Hi maro gar tchatcho?” penan kol bibolde. “Tu hal i Samaritari un an tute hi o beng, jaake har mer les penam.”

Bičepangre 17:18

Mank lende his ninna sikle mursha, kai kharan Stoikarja un Epikurarja. Kolla tchingran leha. Har rakras o Paulo pral o Jesuseste, un penas, kai kras o Dewel o Jesuses i mulendar djido, penan le: “Hoi kamell ko dinelo rakepaskro te penell?” Wawar penan: “Job rakrell pral wawar deblende, kolen mer gar prindjrah.”

Bičepangre 22:30

O wawar diwes kamas o pralstuno lurdo win te hatsell, hawi doosh kol bibolde ap o Pauleste pre anan. Un job las les dran o stilepen win, un penas, te wenn kol bare rashaja un kol tsele pralstune bibolde khetne. Un job anas o Paules glan lende.

Bičepangre 23:1

O Paulo dikas ap kol pralstune biboldende, un penas: “Tumer mursha, mire phrala, o tselo djipen budrom o Debleske, un man hi i djudjo dji.”

Bičepangre 24:20

Tu putcheh nai ninna kal murshendar kate, hawi doosh jon ap mande hatsan, har me glan kol pralstune biboldende tardo homs.

Bičepangre 4:15

Koi bitchran le len win, un rakran mank pende un penan:

Bičepangre 5:21

Har jon kowa shunan, djan jon taissarlake an o Debleskro baro kheer un sikran i menshende o Debleskro drom. Ko baro rashai un kolla, kai pash leste his, dan i pralstune bibolden khetne gole, ninna i tsele phureden an o them Israel. Un jon bitchran i klisten an o stilepen, te anenn le len glan lende.

Bičepangre 5:27

Un jon anan len glan kol tsele pralstunende, kai khetne wan. Un o baro rashai penas ap lende:

Bičepangre 6:12

Jon kran kol tsele menshen diwjo, ninna kol biboldengre phureden un tchatchepangren. Un jon wan ap leste pre, tapran les, un anan les glan i pralstune biboldende.

Bičepangre 6:15

Un kol tsele pralstune dikan ap o Stefaneste, har leskro mui was jaake har i Debleskro bolepaskro.

Bičepangre 7:37

Kowa his o Mose, kai ap lende penas: O Dewel bitchrell tumenge i Debleskro rakepaskres har me hom. Kowa hi jek tumare menshendar.

Remarja 12:10

Kamenn i phralen un i phenjen o tselo djijestar! Hakeno hunte rikrell o wawares bareder har pes kokres.

1. Korintarja 6:10

witar gar i tchorepangre, witar gar kolla, kai ap i lowe pandlo hi, i dre-phagepangre, i pipangre un kolla, kai praassenn i wawaren, – kolla lauter wenna gar pash o Debleste an o bolepen.

1. Korintarja 6:6

Tumer han phrala. Un tumer tchingrenn tumen glan kol tchatchepangre, kai gar patslo hi!

5. Mose 15:11

Hako tsiro hi tchorwele an o them. Doleske penau me tumenge: Krenn tumare wasta pre tumare phralenge, kolen gar doha djipaske hi!

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

Tito 3:2

te rakrenn le gar djungeles pral wawarende, un te rodenn le kek tchingepen! Na-a! Jon hunte wenn o djijestar latcho un kamlo ap i tsele menshende.

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.

Hebrearja 5:9

Un job kras kowa lauter, un tchi atchas pral, hoi hunte krals lo gomme. Jaake nai lell lo lauteren, kai ap leste shunenna, hako tsireske dran o tchilatchepen un o merepen win.

Jakobo 2:20

Hoske haiweh tu kowa gar? Dikeh tu gar, kai o patsepen ap o Debleste tchi molella, te kreh tu gar, hoi job kamella?

Jakobo 3:6

I tchip hi har i jag. Lat hi i soor, te krell li bud tchilatcho koowa. I tchip nai krell o tselo menshes djungeles un tchilatches. Koi jag, hoi i tchip krell, chatchrell o tselo djipen, un well o bengestar.

1. Petro 2:23

Te tchingran le ap leste, tchingras job gar pale. Te dan le les, das lo len gar trad. Na-a, job tchiwas pes an o Debleskre wasta. Un o Dewel hi o tchatchepaskro rai, kai djal pal o tchatchepen.

1. Petro 3:9

Krenn kekeske tchilatchepen, kai kras ap tumende tchilatchepen! Jek te tchingrell ap tumende, ma tchingrenn pale! Rakrenn latche laba leha! O Dewel das tumen gole, te lenn tumer leskro latchepen.

1. Johanni 2:9

Koon penella: “Me djiwau o Debleha,” un krell peskro phraleske tchilatchepen, kowa djiwell gomme an o tchilatchepen. Kowa hi jaake, har te djiwell lo an i kali rat.

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.

1. Johanni 5:16

Te dikeh tu, te kras i wawar patslo i tchilatcho koowa, palle hunte mangess tu o Debles leske! Un o Dewel dell les o djipen. Della ninna i doosh, hoi anell an o merepen. Un me penau gar, te mangess tu o Debles kolenge, kai koi doosh ap pende lan.

Judas 1:9

O Debleskro baro bolepaskro, leskro lab hi Michael, las peske gar win, te praassell lo o benges, har job tchingras pes o bengeha, koon lendar lals o mulo Moses. Job penas leske kokres: “O Dewel, maro rai, dell tut i phagi!”

Debleskro tsiro 20:14

Un o merepen un o mulengro them wan an i bari jag witsedo, ninna hakenes, koneskro lab gar an o djipaskro liil dren tchinlo hi. Koon an i bari jag witsedo wella, merell o duito kopo.