Mateo 5:16 - O Debleskro Drom 2021 (Sinte)

¹⁶ Jaake hunte wenn tumer har i momeli, hoi chatchell glan i menshende, te dikenn le, hawo latcho koowa tumer lauter krenna, un te sharenn le o Debles, kai hi tumaro dad an o bolepen.

O Debleskro Lab 2024 (Sinte-Manouche)

¹⁶ Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

Mateo 5:16 ပူးပေါင်းရင်းမြစ်များ

2. Mose 34:35

Har was lo win, te penell lo ap i Israelitarja, hoi o baro Dewel leske penas, dikan jon, har leskro mui hi har o kham. Palle khatras o Mose peskro mui pale tel ko diklo, bis te djas lo pale dren, te rakrell lo o baro Debleha.

Gosewe laba 4:18

O drom kolendar, kai o tchatchepen krenn, hi har o kham, hoi taissarlakro pre djal, un o diwes anell un sorleder well bis te hi lo pralstunes tardo.

Jesaja 58:8

Palle well tiro tchatchepen glan har o kham taissarlakro. Un tiro dukepen well sik sasto. Un hakeno dikell ko latcho un tchatcho koowa, hoi kral. Un o baro Dewel djal pal tute peskri sorjah un dell jak ap tute.

Jesaja 61:3

Un kolla an o foro Zion, kolengre djia rowenn, hunte wenn buder gar beshdo an i jagakri tchik un rido an gone. Na-a, me dau len werklia, te krenn le pen shukar, un sungepaskro djet. Lengre djia te giwenn un atchenn buder gar phagedo. Un jon wenn kharedo: ‘Bare ruka, hoi anenn sharepen o Debleske’, un ‘Ruka, hoi o baro Dewel peske an i phub tchiwas’, te well leskro railepen diklo.

Mateo 23:5

Lauter, hoi kolla krenna, krenn le, te dikenn kowa i wawar. Te pandenn le i diklo trul o shero un trul i mussi, kai o Debleskre laba dren tchinlo hi, jaake hi lengro diklo buchleder har ko diklo i wawar murshendar. Un len hi lengste koola ap pende, te sikrenn le i menshende, te hi le o Debleskre mursha.

Mateo 23:9

Ma kharenn jekes ap kai phub: Dad! Jek dad hi tumen. Kowa hi o Dewel an o bolepen.

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

Mateo 6:16

Te chan tumer i tikno tsiro tchi, te mangenn o Debles an, palle krenn kowa gar jaake, te dikenn i menshe kowa! Ma krenn har kolla, kai hi len dui djia! Jon sikrenn ap pengro mui, te bokenn le pengro Debleske. Tchatchepah, me penau tumenge: Kolla lenna tchi o Deblestar. Jon anan pengro latchepen kokres dren.

Mateo 6:9

Tumer te rakrenn o Debleha, penenn: Maro dad an o bolepen. Tiro lab well sharedo!

Mateo 9:8

Un har kol bud menshe kowa dikan, daran le o Deblestar un sharan les, kai das i menshes jaake bud soor.

Louka 11:2

Penas o Jesus ap peskre malende: “Te rakrenn o Debleha, penenn: Maro dad, tiro lab well sharedo. Te well ko tsiro sik, kai tu o rai hal pral i tseli phub!

Johanni 15:8

Te well bud latchepen dran tumende, well miro dad sharedo. Un tumer wenn mire mala.

Bičepangre 9:36

An o foro Joppe djiwas i patsli. Lakro lab his Tabita ap hebretikes un Dorkas ap grichtikes. Koja kras bud latcho koowa, un das bud lowe kol tchorwelende.

1. Korintarja 14:25

Hoi an leskro dji khatedo hi, well diklo. Un job mukell pes glan tele perell ap i phub un mangell o Debles an, un penell: “O Dewel hi tchatchepah pash tumende!”

2. Korintarja 9:13

Koleske, hoi tumer lenge latches kran, sharenn le o Debles. Jon dikenn, kai shunenn tumer ap o latcho lab o Jesus Kristestar, un kai hi jon, ninna i tsele wawar patsle, tumenge phrala un phenja.

Galatarja 1:24

Un jon sharan o Debles pral halauter, hoi job ap mande kras.

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

Efesarja 5:8

Glan ko tsiro, har tumer patslo wan, djan tumer ap o tchilatcho drom. Kowa his har te djans an i rati. Kanna hi kowa wawartchandes. Maro rai Jesus djiwell an tumare djia, un anas tumen ap peskro drom. Job hi i bari momeli tumenge. Djan kanna ap leskro drom, kai hi buder kek tamlepen!

1. Timoteo 2:10

Lakro shukapen sikrell pes an ko latcho koowa, hoi joi krella. Jaake hi kowa pash kol djuwjende, kai ap o Debleste patsenna.

1. Timoteo 5:10

Wawar menshe hunte dikenn ap late, te kras li latcho koowa, un te tserdas li peskre tchawen mishto pre. Jon hunte dikan, te las li menshen pash peste pre, un te thowas li i patslenge i herja. Jon hunte dikan, te his li kolenge koi, kolen i pharo djipen hi, un te kras li hako latcho koowa.

1. Timoteo 5:25

Jaake hi ninna pash i menshende, kai krenn latcho koowa. Pash jekeste nai dikell kowa hakeno. Pash i wawareste hi kowa khatedo. Well i diwes, kai well o latcho koowa diklo.

1. Timoteo 6:18

Pen kol brawelenge ninna, te krenn le latcho koowa! Lengro dji te well baro i wawarenge, te denn le ninna i wawaren dran pengro brawlepen!

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Tito 2:7

An hako koowa sike lende, har tu kowa kreh, te krenn le ninna latcho koowa! Pen o Debleskro lab an o tchatchepen, te djal les hakeneske an o dji!

Tito 3:14

Muk ninna i patslen latcho koowa te krell un i wawarende te dell, hoi kolen hunte well djipaske! Jaake djiwenn i patsle pengro djipen gar tchitcheske.

Tito 3:4

Kowa lauter was wawartchandes, har o Dewel mende sikras, har latcho un kamlo job ap i menshende hi. Job las men dran o tchilatchepen win

Hebrearja 10:24

Das jak jek ap o wawareste, te kamell jek o wawares o djijestar, un te krell hakeno latcho koowa!

1. Petro 2:12

Tumer djiwenn mank i menshende, kai o Debles gar prindjrenna. Doleske djiwenn jaake, te hatsenn le kek tchilatchepen ap tumende! Un kolla, kai rakrenna djungeles pral tumende, kolla hunte dikenn o latcho koowa ap tumende, jaake te sharenn le o Debles ap ko diwes, kai job wella.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

1. Petro 3:1

Tumer djuwja, ma hadenn tumen pral tumare romende, ninna te shunenn jon gar ap o Debleskro lab! Jaake dikenn jon, har tumer i djudjo djipen djiwenna, un ap o Debleste shunenna. Un tumaro djipen sikrell len o tchatcho drom pash o Debleste, ninna te krenn tumer kek bare laba.

1. Petro 3:16

Rakrenn lentsa latchepah, un krenn tumen gar bares pral lende! Rakrenn dran i djudjo dji, te well i ladj ap kolende, kai rakrenn djungeles pral tumaro djipen o Jesus Kristeha!

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!

1. Petro 4:14

Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.